ಉಡುಪಿ ಶ್ರೀಕೃಷ್ಣ ಸುಪ್ರಭಾತಮ್

ಉತ್ತಿಷ್ಠೋತ್ತಿಷ್ಠ ಗೋವಿನ್ದ ಉತ್ತಿಷ್ಠ ಗರುಡಧ್ವಜ |
ಉತ್ತಿಷ್ಠ ಕಮಲಾಕಾನ್ತ ತ್ರೈಲೋಕ್ಯಂ ಮಂಗಲಂ ಕುರು ||

ನಾರಾಯಣಾಖಿಲ ಶರಣ್ಯ ರಥಾಂಗ ಪಾಣೇ |
ಪ್ರಾಣಾಯಮಾನ ವಿಜಯಾಗಣಿತ ಪ್ರಭಾವ |
ಗೀರ್ವಾಣವೈರಿ ಕದಲೀವನ ವಾರಣೇನ್ದ್ರ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಂ ||1||

ಉತ್ತಿಷ್ಠ ದೀನ ಪತಿತಾರ್ತಜನಾನುಕಮ್ಪಿನ್ |
ಉತ್ತಿಷ್ಠ ದರ್ಶಯ ಸುಮಂಗಲ ವಿಗ್ರಹನ್ತೇ |
ಉತ್ತಿಷ್ಠ ಪಾಲಯ ಜನಾನ್ ಶರಣಂ ಪ್ರಪನ್ನಾನ್ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||3||

ಉತ್ತಿಷ್ಠ ಯಾದವ ಮುಕುನ್ದ ಹರೇ ಮುರಾರೇ |
ಉತ್ತಿಷ್ಠ ಕೌರವಕುಲಾನ್ತಕ ವಿಶ್ವಬನ್ಧೋ |
ಉತ್ತಿಷ್ಠ ಯೋಗಿಜನ ಮಾನಸ ರಾಜಹಂಸ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||4||

ಉತ್ತಿಷ್ಠ ಪದ್ಮನಿಲಯಾಪ್ರಿಯ ಪದ್ಮನಾಭ |
ಪದ್ಮೋದ್ಭವಸ್ಯ ಜನಕಾಚ್ಯುತ ಪದ್ಮನೇತ್ರ |
ಉತ್ತಿಷ್ಠ ಪದ್ಮಸಖ ಮಂಡಲ ಮಧ್ಯವರ್ತಿನ್ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||5||

ಮಧ್ವಾಖ್ಯಯಾ ರಜತಪೀಠಪುರೇವತೀರ್ಣಃ |
ತ್ವತ್ಕಾರ್ಯ ಸಾಧನಪಟುಃ ಪವಮಾನ ದೇವಃ |
ಮೂರ್ತೇಶ್ಚಕಾರ ತವ ಲೋಕಗುರೋಃ ಪ್ರತಿಷ್ಠಾಂ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||6||

ಸನ್ಯಾಸ ಯೋಗನಿರತಾಶ್ರವಣಾದಿಭಿಸ್ತ್ವಾಂ |
ಭಕ್ತೇರ್ಗುಣೈರ್ನವಭಿರಾತ್ಮ ನಿವೇದನಾನ್ತೈಃ |
ಅಷ್ಟೌಯಜನ್ತಿ ಯತಿನೋ ಜಗತಾಮಧೀಶಂ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||7||

ಯಾ ದ್ವಾರಕಾಪುರಿ ಪುರಾತವ ದಿವ್ಯಮೂರ್ತಿಃ |
ಸಮ್ಪೂಜಿತಾಷ್ಟ ಮಹಿಷೀಭಿರನನ್ಯ ಭಕ್ತ್ಯಾ |
ಅದ್ಯಾರ್ಚಯನ್ತಿ ಯತಯೋಷ್ಟಮಠಾಧಿಪಾಸ್ತಾಂ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||8||

ವಾಮೇಕರೇ ಮಥನದಂಡಮಸವ್ಯ ಹಸ್ತೇ |
ಗೃಹ್ಣಂಶ್ಚ ಪಾಶಮುಪದೇಷ್ಟು ಮನಾ ಇವಾಸಿ |
ಗೋಪಾಲನಂ ಸುಖಕರಂ ಕುರುತೇತಿ ಲೋಕಾನ್ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||9||

ಸಮ್ಮೋಹಿತಾಖಿಲ ಚರಾಚರರೂಪ ವಿಶ್ವ |
ಶ್ರೋತ್ರಾಭಿರಾಮಮುರಲೀ ಮಧುರಾರವೇಣ |
ಆಧಾಯವಾದಯಕರೇಣ ಪುನಶ್ಚವೇಣುಂ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||10||

ಗೀತೋಷ್ಣರಶ್ಮಿರುದಯನ್ವಹನೋದಯಾದ್ರೌ |
ಯಸ್ಯಾಹರತ್ಸಕಲಲೋಕಹೃದಾನ್ಧಕಾರಂ |
ಸತ್ವಂ ಸ್ಥಿತೋ ರಜತಪೀಠಪುರೇ ವಿಭಾಸೀ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||11||

ಕೃಷ್ಣೇತಿ ಮಂಗಲಪದಂ ಕೃಕವಾಕುವೃನ್ದಂ |
ವಕ್ತುಂ ಪ್ರಯತ್ಯ ವಿಫಲಂ ಬಹುಶಃ ಕುಕೂಕುಃ |
ತ್ವಾಂ ಸಮ್ಪ್ರಬೋಧಯಿತುಮುಚ್ಚರತೀತಿಮನ್ಯೇ |
ಮಧ್ವೇಶ ಕೃಷಣ ಭಗವನ್ ತವ ಸುಪ್ರಭಾತಮ್ ||12||

ಭೃಂಗಾಪಿಪಾಸವ ಇಮೇ ಮಧು ಪದ್ಮಷನ್ದೇ |
ಕೃಷ್ಣಾರ್ಪಣಂ ಸುಮರಸೋ ಸ್ವಿತಿಹರ್ಷಭಾಜಃ |
ಝಂಕಾರ ರಾವ ಮಿಷತಃ ಕಥಯನ್ತಿ ಮನ್ಯೇ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||13||

ನಿರ್ಯಾನ್ತಿ ಶಾವಕ ವಿಯೋಗಯುತಾ ವಿಹಂಗಾಃ |
ಪ್ರೀತ್ಯಾರ್ಭಕೇಶು ಚ ಪುನಃ ಪ್ರವಿಶನ್ತಿ ನೀಡಂ |
ಧಾವನ್ತಿ ಸಸ್ಯ ಕಣಿಕಾನುಪಚೇತು ಮಾರಾತ್ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||14||

ಭೂತ್ವಾತಿಥಿಃ ಸುಮನಸಾಮನಿಲಃ ಸುಗನ್ಧಂ |
ಸಂಗೃಹ್ಯವಾತಿ ಜನಯನ್ ಪ್ರಮದಂ ಜನಾನಾಂ |
ವಿಶ್ವಾತ್ಮನೋರ್ಚನಧಿಯಾತವ ಮುಂಚ ನಿದ್ರಾಂ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||15||

ತಾರಾಲಿ ಮೌಕ್ತಿಕ ವಿಭೂಷಣ ಮಂಡಿತಾಂಗೀ |
ಪ್ರಾಚೀದುಕೂಲ ಮರುಣಂ ರುಚಿರಂ ದಧಾನ |
ಖೇಸೌಖಸುಪ್ತಿಕ ವಧೂರಿವ ದೃಶ್ಯತೇದ್ಯ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||16||

ಆಲೋಕ್ಯ ದೇಹ ಸುಷಮಾಂ ತವ ತಾರಕಾಲಿಃ |
ಹ್ರೀಣಾಕ್ರಮೇಣ ಸಮುಪೇತ್ಯ ವಿವರ್ಣಭಾವಂ |
ಅನ್ತರ್ಹಿತೇವನಚಿರಾತ್ಯಜ ಶೇಷಶಯ್ಯಾಂ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||17||

ಸಾಧ್ವೀಕರಾಬ್ಜವಲಯಧ್ವನಿನಾಸಮೇತೋ |
ಗಾನಧ್ವನಿಃ ಸುದಧಿ ಮನ್ಧನ ಘೋಷ ಪುಷ್ಟಃ |
ಸಂಶ್ರೂಯತೇ ಪ್ರತಿಗ್ರಹಂ ರಜನೀ ವಿನಷ್ಟಾ |
ಮಧ್ವೇಶ ಕೃಷ್ಣ ಭಗವಾನ್ ತವ ಸುಪ್ರಭಾತಮ್ ||18||

ಭಾಸ್ವಾನುದೇಶ್ಯತಿ ಹಿಮಾಂಶುರ ಭೂದ್ಗತಶ್ರೀಃ |
ಪೂರ್ವಾನ್ದಿಶಾಮರುಣಯನ್ ಸಮುಪೈತ್ಯನೂರುಃ |
ಆಶಾಃ ಪ್ರಸಾದ ಸುಭಗಾಶ್ಚ ಗತತ್ರಿಯಾಮಾ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||19||

ಆದಿತ್ಯ ಚನ್ದ್ರ ಧರಣೀ ಸುತ ರೌಹಿಣೇಯ |
ಜೀವೋಶನಃ ಶನಿವಿಧುಂ ತುದಕೇತವಸ್ತೇ |
ದಾಸಾನುದಾಸ ಪರಿಚಾರಕ ಭೃತ್ಯ ಭೃತ್ಯ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||20||

ಇನ್ದ್ರಾಗ್ನಿ ದಂಡಧರ ನಿರ್ರಿತಿ ಪಾಶಿವಾಯು |
ವಿತ್ತೇಶ ಭೂತ ಪತಯೋ ಹರಿತಾಮಧೀಶಾಃ |
ಆರಾಧಯನ್ತಿ ಪದವೀ ಚ್ಯುತಿ ಶಂಕಯಾ ತ್ವಾಮ್ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||21||

ವೀಣಾಂ ಸತೀ ಕಮಲಜಸ್ಯ ಕರೇ ದಧಾನಾ |
ತನ್ತ್ರ್ಯಾಗಲಸ್ಯ ಚರವೇ ಕಲಯನ್ತ್ಯ ಭೇದಂ |
ವಿಶ್ವ ನಿಮಜ್ಜಯತಿ ಗಾನಸುಧಾರಸಾಬ್ಧೌ |
ಮಧ್ವೇಶ ಕೃಷ್ಣ ಭಗವಾನ್ ತವ ಸುಪ್ರಭಾತಮ್ ||22||

ದೇವರ್ಷಿರಂಬರ ತಲಾದವನೀಂ ಪ್ರಪನ್ನಃ |
ತ್ವತ್ಸನ್ನಿಧೌ ಮಧುರವಾದಿತ ಚಾರು ವೀಣಾ |
ನಾಮಾನಿಗಾಯತಿ ನತ ಸ್ಫುರಿತೋತ್ತಮಾಂಗೋ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||23||

ವಾತಾತ್ಮಜಃ ಪ್ರಣತ ಕಲ್ಪ ತರುರ್ಹನೂಮಾನ್ |
ದ್ವಾರೇ ಕೃತಾಂಜಲಿ ಪುಟಸ್ತವದರ್ಶನಾರ್ಥೀ |
ತಿಷ್ಠತ್ಯಮುಂ ಕುರುಕೃತಾರ್ಥಮಪೇತ ನಿದ್ರಂ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||24||

ಸರ್ವೋತ್ತಮೋ ಹರಿರಿತಿ ಶ್ರುತಿವಾಕ್ಯ ವೃನ್ದೈಃ |
ಚನ್ದ್ರೇಶ್ವರ ದ್ವಿರದವಕ್ತ್ರ ಷಡಾನನಾದ್ಯಾಃ |
ಉದ್ಘೋಶಯನ್ತ್ಯ ನಿಮಿಷಾ ರಜನೀ ಪ್ರಭಾತ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||25||

ಮಧ್ವಾಭಿದೇ ಸರಸಿ ಪುಣ್ಯಜಲೇ ಪ್ರಭಾತೇ |
ಗಂಗೇಂಭ ಸರ್ವಮಘಮಾಶು ಹರೇತಿ ಜಪ್ತ್ವಾ |
ಮಜ್ಜನ್ತಿ ವೈದಿಕ ಶಿಖಾಮಣಯೋ ಯಥಾವನ್ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||26||

ದ್ವಾರೇ ಮಿಲನ್ತಿ ನಿಗಮಾನ್ತ ವಿದಸ್ತ್ರಯೀಜ್ಞಾಃ |
ಮೀಮಾಂಸಕಾಃ ಪದವಿದೋನಯದರ್ಶನಜ್ಞಾಃ |
ಗಾನ್ಧರ್ವವೇದ ಕುಶಲಾಶ್ಚ ತವೇಕ್ಷಣಾರ್ಥಂ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||27||

ಶ್ರೀ ಮಧ್ವಯೋಗಿ ವರವನ್ದಿತ ಪಾದಪದ್ಮ |
ಭೈಷ್ಮೀ ಮುಖಾಂಭೋರುಹ ಭಾಸ್ಕರ ವಿಶ್ವವನ್ದ್ಯ |
ದಾಸಾಗ್ರಗಣ್ಯ ಕನಕಾದಿನುತ ಪ್ರಭಾವ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||28||

ಪರ್ಯಾಯ ಪೀಠ ಮಧಿರುಹ್ಯ ಮಠಾಧಿಪಾಸ್ತ್ವಾಂ |
ಅಷ್ಟೌ ಭಜನ್ತಿ ವಿಧಿವತ್ ಸತತಂ ಯತೀನ್ದ್ರಾಃ |
ಶ್ರೀ ವಾದಿರಾಜನಿಯಮಾನ್ ಪರಿಪಾಲಯನ್ತೋ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||29||

ಶ್ರೀಮನ್ನನನ್ತ ಶಯನೋಡುಪಿವಾಸ ಶೌರೇ |
ಪೂರ್ಣಪ್ರಬೋಧ ಹೃದಯಾಂಬರ ಶೀತ ರಶ್ಮೇ |
ಲಕ್ಷ್ಮೀನಿವಾಸ ಪುರುಷೋತ್ತಮ ಪೂರ್ಣಕಾಮ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||30||

ಶ್ರೀ ಪ್ರಾಣನಾಥ ಕರುಣಾ ವರುಣಾಲಯಾರ್ತ |
ಸನ್ತ್ರಾಣ ಶೌನ್ದ ರಮಣೀಯ ಗುಣಪ್ರಪೂರ್ಣ |
ಸಂಕರ್ಷಣಾನುಜ ಫಣೇನ್ದ್ರ ಫಣಾ ವಿತಾನ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||31||

ಆನನ್ದತುನ್ದಿಲ ಪುರನ್ದರ ಪೂರ್ವದಾಸ |
ವೃನ್ದಾಭಿವನ್ದಿತ ಪದಾಂಬುಜನನ್ದ ಸೂನೋ |
ಗೋವಿನ್ದ ಮನ್ದರಗಿರೀನ್ದ್ರ ಧರಾಂಬುದಾಭ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||32||

ಮೀನಾಕೃತೇ ಕಮಠರೂಪ ವರಾಹಮೂರ್ತೇ |
ಸ್ವಾಮಿನ್ ನೃಸಿಂಹ ಬಲಿಸೂದನ ಜಾಮದಗ್ನ್ಯಃ |
ಶ್ರೀ ರಾಘವೇನ್ದ್ರ ಯದುಪುಂಗವ ಬುದ್ಧ ಕಲ್ಕಿನ್ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||33||

ಗೋಪಾಲ ಗೋಪ ಲಲನಾಕುಲರಾಸಲೀಲಾ |
ಲೋಲಾಭ್ರನೀಲ ಕಮಲೇಶ ಕೃಪಾಲವಾಲ |
ಕಾಲೀಯಮೌಲಿ ವಿಲಸನ್ಮಣಿರಂಜಿತಾಂಘ್ರೀ |
ಮಧ್ವೇಶ ಕೃಷ್ಣ ಭಗವನ್ ತವ ಸುಪ್ರಭಾತಮ್ ||34||

ಕೃಷ್ಣಸ್ಯ ಮಂಗಲ ನಿಧೇರ್ಭುವಿ ಸುಪ್ರಭಾತಂ |
ಯೇಹರ್ಮುಖೇ ಪ್ರತಿದಿನಂ ಮನುಜಾಃ ಪಠನ್ತಿ |
ವಿನ್ದನ್ತಿ ತೇ ಸಕಲ ವಾಂಛಿತ ಸಿದ್ಧಿಮಾಶು |
ಜ್ಞಾನಂಚ ಮುಕ್ತಿ ಸುಲಭಂ ಪರಮಂ ಲಭನ್ತೇ ||35||

||ಶ್ರೀಕೃಷ್ಣಾರ್ಪಣಮಸ್ತು||