ಶ್ರೀಮಹಾಲಕ್ಷ್ಮೀ ಲಲಿತಾಸ್ತೋತ್ರಮ್

          ॥ ಧ್ಯಾನಮ್ ॥

ಚಕ್ರಾಕಾರಂ ಮಹತ್ತೇಜಃ ತನ್ಮಧ್ಯೇ ಪರಮೇಶ್ವರೀ ।
ಜಗನ್ಮಾತಾ ಜೀವದಾತ್ರೀ ನಾರಾಯಣೀ ಪರಮೇಶ್ವರೀ ॥ 1 ॥

ವ್ಯೂಹತೇಜೋಮಯೀ ಬ್ರಹ್ಮಾನನ್ದಿನೀ ಹರಿಸುನ್ದರೀ ।
ಪಾಶಾಂಕುಶೇಕ್ಷುಕೋದಂಡ ಪದ್ಮಮಾಲಾಲಸತ್ಕರಾ ॥ 2 ॥

ದೃಷ್ಟ್ವಾ ತಾಂ ಮುಮುಹುರ್ದೇವಾಃ ಪ್ರಣೇಮುರ್ವಿಗತಜ್ವರಾಃ ।
ತುಷ್ಟುವುಃ ಶ್ರೀಮಹಾಲಕ್ಷ್ಮೀಂ ಲಲಿತಾಂ ವೈಷ್ಣವೀಂ ಪರಾಮ್ ॥ 3 ॥

         ॥ ಶ್ರೀದೇವಾಃ ಊಚುಃ ॥

ಜಯ ಲಕ್ಷ್ಮಿ ಜಗನ್ಮಾತಃ ಜಯ ಲಕ್ಷ್ಮಿ ಪರಾತ್ಪರೇ ।
ಜಯ ಕಲ್ಯಾಣನಿಲಯೇ ಜಯ ಸರ್ವಕಲಾತ್ಮಿಕೇ ॥ 1 ॥

ಜಯ ಬ್ರಾಹ್ಮಿ ಮಹಾಲಕ್ಷ್ಮಿ ಬ್ರಹಾತ್ಮಿಕೇ ಪರಾತ್ಮಿಕೇ ।
ಜಯ ನಾರಾಯಣಿ ಶಾನ್ತೇ ಜಯ ಶ್ರೀಲಲಿತೇ ರಮೇ ॥ 2 ॥

ಜಯ ಶ್ರೀವಿಜಯೇ ದೇವೀಶ್ವರಿ ಶ್ರೀದೇ ಜಯರ್ದ್ಧಿದೇ ।
ನಮಃ ಸಹಸ್ರ ಶೀರ್ಷಾಯೈ ಸಹಸ್ರಾನನ ಲೋಚನೇ ॥ 3 ॥

ನಮಃ ಸಹಸ್ರಹಸ್ತಾಬ್ಜಪಾದಪಂಕಜಶೋಭಿತೇ ।
ಅಣೋರಣುತರೇ ಲಕ್ಷ್ಮಿ ಮಹತೋsಪಿ ಮಹೀಯಸಿ ॥ 4 ॥

ಅತಲಂ ತೇ ಸ್ಮೃತೌ ಪಾದೌ ವಿತಲಂ ಜಾನುನೀ ತವ ।
ರಸಾತಲಂ ಕಟಿಸ್ತೇ ಚ ಕುಕ್ಷಿಸ್ತೇ ಪೃಥಿವೀ ಮತಾ ॥ 5 ॥

ಹೃದಯಂ ಭುವಃ ಸ್ವಸ್ತೇsಸ್ತು ಮುಖಂ ಸತ್ಯಂ ಶಿರೋ ಮತಮ್ ।
ದೃಶಶ್ಚನ್ದ್ರಾರ್ಕದಹನಾ ದಿಶಃ ಕರ್ಣಾ ಭುಜಃ ಸುರಾಃ ॥ 6 ॥

ಮರುತಸ್ತು ತವೋಚ್ಛ್ವಾಸಾ ವಾಚಸ್ತೇ ಶ್ರುತಯೋ ಮತಾಃ ।
ಕ್ರಿಡಾ ತೇ ಲೋಕರಚನಾ ಸಖಾ ತೇ ಪರಮೇಶ್ವರಃ ॥ 7 ॥

ಆಹಾರಸ್ತೇ ಸದಾನನ್ದೋ ವಾಸಸ್ತೇ ಹೃದಯೋ ಹರೇಃ ।
ದೃಶ್ಯಾದೃಶ್ಯಸ್ವರೂಪಾಣಿ ರೂಪಾಣಿ ಭುವನಾನಿ ತೇ ॥ 8 ॥

ಶಿರೋರುಹಾ ಘನಾಸ್ತೇ ವೈ ತಾರಕಾಃ ಕುಸುಮಾನಿ ತೇ ।
ಧರ್ಮಾದ್ಯಾ ಬಾಹವಸ್ತೇ ಚ ಕಾಲಾದ್ಯಾ ಹೇತಯಸ್ತವ ॥ 9 ॥

ಯಮಾಶ್ಚ ನಿಯಮಾಶ್ಚಾಪಿ ಕರಪಾದನಖಾಸ್ತವ ।
ಸ್ತನೌ ಸ್ವಾಹಾಸ್ವಧಾಕಾರೌ ಸರ್ವಜೀವನದುಗ್ಧದೌ ॥ 10 ॥

ಪ್ರಾಣಾಯಾಮಸ್ತವ ಶ್ವಾಸೋ ರಸನಾ ತೇ ಸರಸ್ವತೀ ।
ಮಹೀರುಹಾಸ್ತೇsಂಗರುಹಾಃ ಪ್ರಭಾತಂ ವಸನಂ ತವ ॥ 11 ॥

ಆದೌ ದಯಾ ಧರ್ಮಪತ್ನೀ ಸಸರ್ಜ ನಿಖಿಲಾಃ ಪ್ರಜಾಃ ।
ಹೃತ್ಸ್ಥಾ ತ್ವಂ ವ್ಯಾಪಿನೀ ಲಕ್ಷ್ಮೀಃ ಮೋಹಿನೀ ತ್ವಂ ತಥಾ ಪರಾ ॥ 12 ॥

ಇದಾನೀಂ ದೃಶ್ಯಸೇ ಬ್ರಾಹ್ಮೀ ನಾರಾಯಣೀ ಪ್ರಿಯಶಂಕರೀ ।
ನಮಸ್ತಸ್ಯೈ ಮಹಾಲಕ್ಷ್ಮ್ಯೈ ಗಜಮುಖ್ಯೈ ನಮೋ ನಮಃ ॥ 13 ॥

ಸರ್ವಶಕ್ತ್ಯೈ ಸರ್ವಧಾತ್ರ್ಯೈ ಮಹಾಲಕ್ಷ್ಮ್ಯೈ ನಮೋ ನಮಃ ।
ಯಾ ಸಸರ್ಜ ವಿರಾಜಂ ಚ ತತೋsಜಂ ವಿಷ್ಣುಮೀಶ್ವರಮ್ ॥ 14 ॥

ರುದಂ ತಥಾ ಸುರಾಗ್ರಯಾँಶ್ಚ ತಸ್ಯೈ ಲಕ್ಷ್ಮ್ಯೈ ನಮೋ ನಮಃ ।
ತ್ರಿಗುಣಾಯೈ ನಿರ್ಗುಣಾಯೈ ಹರಿಣ್ಯೈ ತೇ ನಮೋ ನಮಃ ॥ 15 ॥

ಯನ್ತ್ರತನ್ತ್ರಾತ್ಮಿಕಾಯೈ ತೇ ಜಗನ್ಮಾತ್ರೇ ನಮೋ ನಮಃ ।
ವಾಗ್ವಿಭೂತ್ಯೈ ಗುರುತನ್ವ್ಯೈ ಮಹಾಲಕ್ಷ್ಮ್ಯೈ ನಮೋ ನಮಃ ॥ 16 ॥

ಕಮ್ಭರಾಯೈ ಸರ್ವವಿದ್ಯಾಭರಾಯೈ ತೇ ನಮೋ ನಮಃ ।
ಜಯಾಲಲಿತಾಪಾಂಚಾಲೀ ರಮಾತನ್ವೈ ನಮೋ ನಮಃ ॥ 17 ॥

ಪದ್ಮಾವತೀರಮಾಹಂಸೀ ಸುಗುಣಾssಜ್ಞಾಶ್ರಿಯೈ ನಮಃ ।
ನಮಃ ಸ್ತುತಾ ಪ್ರಸನೈವಂಛನ್ದಯಾಮಾಸ ಸವ್ದರೈಃ ॥ 18 ॥

॥ ಫಲ ಶ್ರುತಿ ಶ್ರೀ ಲಕ್ಷ್ಮೀ ಉವಾಚ ॥

ಸ್ತಾವಕಾ ಮೇ ಭವಿಶ್ಯನ್ತಿ ಶ್ರೀಯಶೋಧರ್ಮಸಮ್ಭೃತಾಃ ।
ವಿದ್ಯಾವಿನಯಸಮ್ಪನ್ನಾ ನಿರೋಗಾ ದೀರ್ಘಜೀವಿನಃ ॥ 1 ॥

ಪುತ್ರಮಿತ್ರಕಲತ್ರಾಢ್ಯಾ ಭವಿಷ್ಯನ್ತಿ ಸುಸಮ್ಪದಃ ।
ಪಠನಾಚ್ಛ್ರವಣಾದಸ್ಯ ಶತ್ರುಭೀತಿರ್ವಿನಶ್ಯತಿ ॥ 2 ॥

ರಾಜಭೀತಿಃ ಕದನಾನಿ ವಿನಶ್ಯನ್ತಿ ನ ಸಂಶಯಃ ।
ಭುಕ್ತಿಂ ಮುಕ್ತಿಂ ಭಾಗ್ಯಮೃದ್ಧಿಮುತ್ತಮಾಂ ಚ ಲಭೇನ್ನರಃ ॥ 3 ॥

॥ ಶ್ರೀಲಕ್ಷ್ಮೀನಾರಾಯಣಸಂಹಿತಾಯಾಂ ದೇವಸಂಘಕೃತಾ ಶ್ರೀಮಹಾಲಕ್ಷ್ಮೀಲಲಿತಾಸ್ತೋತ್ರಮ್ ॥