ಸರ್ವರೋಗನಾಶಕ ಶ್ರೀಸೂರ್ಯಸ್ತವರಾಜಸ್ತೋತ್ರಮ್

ವಿನಿಯೋಗಃ - ಓಂ ಶ್ರೀ ಸೂರ್ಯಸ್ತವರಾಜಸ್ತೋತ್ರಸ್ಯ ಶ್ರೀವಸಿಷ್ಠ ಋಷಿಃ ।
ಅನುಷ್ಟುಪ್ ಛನ್ದಃ । ಶ್ರೀಸೂರ್ಯೋ ದೇವತಾ ।
ಸರ್ವಪಾಪಕ್ಷಯಪೂರ್ವಕಸರ್ವರೋಗೋಪಶಮನಾರ್ಥೇ ಪಾಠೇ ವಿನಿಯೋಗಃ ।

ಋಷ್ಯಾದಿನ್ಯಾಸಃ - ಶ್ರೀವಸಿಷ್ಠಋಷಯೇ ನಮಃ ಶಿರಸಿ ।
ಅನುಷ್ಟುಪ್ಛನ್ದಸೇ ನಮಃ ಮುಖೇ । ಶ್ರೀಸೂರ್ಯದೇವಾಯ ನಮಃ ಹೃದಿ ।
ಸರ್ವಪಾಪಕ್ಷಯಪೂರ್ವಕಸರ್ವರೋಗಾಪಶಮನಾರ್ಥೇ ಪಾಠೇ ವಿನಿಯೋಗಾಯ ನಮಃ ಅಂಜಲೌ ।

ಧ್ಯಾನಂ -
ಓಂ ರಥಸ್ಥಂ ಚಿನ್ತಯೇದ್ ಭಾನುಂ ದ್ವಿಭುಜಂ ರಕ್ತವಾಸಸೇ ।
ದಾಡಿಮೀಪುಷ್ಪಸಂಕಾಶಂ ಪದ್ಮಾದಿಭಿಃ ಅಲಂಕೃತಮ್ ॥

      ಮಾನಸ ಪೂಜನಂ ಏವಂ ಸ್ತೋತ್ರಪಾಠಃ -
ಓಂ ವಿಕರ್ತನೋ ವಿವಸ್ವಾಂಶ್ಚ ಮಾರ್ತಂಡೋ ಭಾಸ್ಕರೋ ರವಿಃ ।
ಲೋಕಪ್ರಕಾಶಕಃ ಶ್ರೀಮಾನ್ ಲೋಕಚಕ್ಷು ಗ್ರಹೇಶ್ವರಃ ॥

ಲೋಕಸಾಕ್ಷೀ ತ್ರಿಲೋಕೇಶಃ ಕರ್ತಾ ಹರ್ತಾ ತಮಿಸ್ರಹಾ ।
ತಪನಃ ತಾಪನಃ ಚೈವ ಶುಚಿಃ ಸಪ್ತಾಶ್ವವಾಹನಃ ॥

ಗಭಸ್ತಿಹಸ್ತೋ ಬ್ರಧ್ನಶ್ಚ ಸರ್ವದೇವನಮಸ್ಕೃತಃ ।
ಏಕವಿಂಶತಿಃ ಇತ್ಯೇಷ ಸ್ತವ ಇಷ್ಟಃ ಸದಾ ಮಮ ॥

           ॥ ಫಲಶ್ರುತಿಃ ॥

ಶ್ರೀಃ ಆರೋಗ್ಯಕರಃ ಚೈವ ಧನವೃದ್ಧಿಯಶಸ್ಕರಃ ।
ಸ್ತವರಾಜ ಇತಿ ಖ್ಯಾತಃ ತ್ರಿಷು ಲೋಕೇಷು ವಿಶ್ರುತಃ ॥

ಯಃ ಏತೇನ ಮಹಾಬಹೋ ದ್ವೇ ಸನ್ಧ್ಯೇ ಸ್ತಿಮಿತೋದಯೇ ।
ಸ್ತೌತಿ ಮಾಂ ಪ್ರಣತೋ ಭೂತ್ವಾ ಸರ್ವ ಪಾಪೈಃ ಪ್ರಮುಚ್ಯತೇ ॥

ಕಾಯಿಕಂ ವಾಚಿಕಂ ಚೈವ ಮಾನಸಂ ಯಚ್ಚ ದುಷ್ಕೃತಮ್ ।
ಏಕಜಪ್ಯೇನ ತತ್ ಸರ್ವಂ ಪ್ರಣಶ್ಯತಿ ಮಮಾಗ್ರತಃ ॥

ಏಕಜಪ್ಯಶ್ಚ ಹೋಮಶ್ಚ ಸನ್ಧ್ಯೋಪಾಸನಮೇವ ಚ ।
ಬಲಿಮನ್ತ್ರೋsರ್ಘ್ಯಮನ್ತ್ರಶ್ಚ ಧೂಪಮನ್ತ್ರಸ್ತಥೈವ ಚ ॥

ಅನ್ನಪ್ರದಾನೇ ಸ್ನಾನೇ ಚ ಪ್ರಣಿಪಾತಿ ಪ್ರದಕ್ಷಿಣೇ ।
ಪೂಜಿತೋsಯಂ ಮಹಾಮನ್ತ್ರಃ ಸರ್ವವ್ಯಾಧಿಹರಃ ಶುಭಃ ॥

ಏವಂ ಉಕ್ತವಾ ತು ಭಗವಾನಃ ಭಾಸ್ಕರೋ ಜಗದೀಶ್ವರಃ ।
ಆಮನ್ತ್ರ್ಯ ಕೃಷ್ಣತನಯಂ  ತತ್ರೈವಾನ್ತರಧೀಯತ ॥

ಸಾಮ್ಬೋsಪಿ ಸ್ತವರಾಜೇನ  ಸ್ತುತ್ವಾ ಸಪ್ತಾಶ್ವವಾಹನಃ ।
ಪೂತಾತ್ಮಾ ನೀರುಜಃ ಶ್ರೀಮಾನ್ ತಸ್ಮಾದ್ರೋಗಾದ್ವಿಮುಕ್ತವಾನ್ ॥

ಭಗವಾನ್ ಸೂರ್ಯನಾಮಾವಲೀ
1. ವಿಕರ್ತನ 2. ವಿವಸ್ವಾನ್ 3. ಮಾರ್ತಂಡ 4. ಭಾಸ್ಕರ 5. ರವಿ
6. ಲೋಕಪ್ರಕಾಶಕ 7. ಶ್ರೀಮಾನ್ 8. ಲೋಕಚಕ್ಷು 9. ಗ್ರಹೇಶ್ವರ
10. ಲೋಕಸಾಕ್ಷೀ 11. ತ್ರಿಲೋಕೇಶ 12. ಕರ್ತಾ 13. ಹರ್ತಾ 14. ತಮಿಸ್ರಹಾ
15. ತಪನ 16. ತಾಪನ 17. ಶುಚಿ 18. ಸಪ್ತಾಶ್ವವಾಹನ
19. ಗಭಸ್ತಿಹಸ್ತ 20. ಬ್ರಘ್ನ ( ಬ್ರಹ್ಮಾ ) 21. ಸರ್ವದೇವನಮಸ್ಕೃತ

ಇತಿ