ಕಾಲೀ ಕರ್ಪೂರಸ್ತೋತ್ರಮ್ ಅಥವಾ ಕರ್ಪೂರಾದಿಸ್ತೋತ್ರಮ್

                 ಓಂ
ಶ್ರೀಗುರವೇ ನಮಃ । ಓಂ ನಮಃ ಪರಮದೇವತಾಯೈ ॥

ಶ್ರೀಕರ್ಪೂರಾದಿಸ್ತೋತ್ರಮ್
ಕರ್ಪೂರಂ ಮಧಮಾನ್ತ್ಯಸ್ವರಪರಿರಹಿತಂ ಸೇನ್ದುವಾಮಾಕ್ಷಿಯುಕ್ತಂ ಬೀಜಂ ತೇ
ಮಾತರೇತತ್ತ್ರಿಪುರಹರವಧು ತ್ರಿಃಕೃತಂ ಯೇ ಜಪನ್ತಿ ।
ತೇಷಾಂ ಗದ್ಯಾನಿ ಪದ್ಯಾನಿ ಚ ಮುಕುಹುಹರಾದುಲ್ಲಸನ್ತ್ಯೇವ ವಾಚಃ
ಸ್ವಚ್ಛನ್ದಂ
ಧ್ವಾನ್ತಧಾರಾಧರುರುಚಿರುಚಿರೇ ಸರ್ವಸಿದ್ಧಿಂ ಗತಾನಾಮ್॥ 1॥

ಈಶಾನ ಸೇನ್ದುವಾಮಶ್ರವಣಪರಿಗತೋ ಬೀಜಮನ್ಯನ್ಮಹೇಶಿ ದ್ವನ್ದ್ವಂ ತೇ
ಮನ್ದಚೇತಾ ಯದಿ ಜಪತಿ ಜನೋ ವಾರೂಮೇಕಂ ಕದಾಚಿತ್ ।
ಜಿತ್ವಾ ವಾಚಾಮಧೀಶಂ ಧನಮಪಿ ಚಿರಂ ಮೋಹಯನ್ನಮ್ಬುಜಾಕ್ಷೀವೃನ್ದಂ
ಚನ್ದ್ರಾರ್ಧಚೂಡೇ ಪ್ರಭವತಿ ಸ ಮಹಾಘೋರಬಾಲಾವತಂಸೇ॥ 2॥

ಈಶೋ ವೈಶ್ವಾನರಸ್ಥಃ ಶಶಧರವಿಲಸದ್ ವಾಮನೇತ್ರೇಣ ಯುಕ್ತೋ ಬೀಜಂ ತೇ
ದ್ವನ್ದ್ವಮನ್ಯದ್ ವಿಗಲಿತಚಿಕುರೇ ಕಾಲಿಕೇ ಯೇ ಜಪನ್ತಿ ।
ದ್ವೇಷ್ಟಾರಂ ಘ್ನನ್ತಿ ತೇ ಚ ತ್ರಿಭುವನಮಪಿ ತೇ ವಶ್ಯಭಾವಂ ನಯನ್ತಿ
ಸೃಕ್ಕದ್ವನ್ದಾಸ್ರಧಾರಾದ್ವಯಧರವದನೇ ದಕ್ಷಿಣೇ ತ್ರ್ಯಕ್ಷರೇತಿ॥ 3॥

ಊರ್ಧ್ವೇ ವಾಮೇ ಕೃಪಾಣಂ ಕರಕಮಲತಲೇ ಛಿನ್ನಮುಂಡಂ ತಥಾಧಃ ಸವ್ಯೇ
ಚಾಭೀರ್ವರಂ ಚ ತ್ರಿಜಗದಘಹರೇ ದಕ್ಷಿಣೇ ಕಾಲಿಕೇ ಚ ।
ಜಪ್ತ್ವೈತನ್ನಾಮ ಯೇ ವಾ ತವ ಮನುವಿಭವಂ ಭಾವಯನ್ತ್ಯೇತದಮ್ಬ ತೇಷಾಮಷ್ಟೌ
ಕರಸ್ಥಾ: ಪ್ರಕಟಿತರದನೇ  ಸಿದ್ಧಯಸ್ತ್ರ್ಯಮ್ಬಕಸ್ಯ॥ 4॥

ವರ್ಗಾದ್ಯಂ ವಹ್ನಿಸಂಸ್ಥಂ ವಿಧುರತಿಲಲಿತಂ ತತ್ತ್ರಯಂ ಕೂರ್ಚಯುಗ್ಮಂ
ಲಜ್ಜಾದ್ವನ್ದ್ವಂ ಚ ಪಶ್ಚಾತ್ ಸ್ಮಿತಮುಖಿ ತದಧಷ್ಠದ್ವಯಂ ಯೋಜಯಿತ್ವಾ ।
ಮಾತರ್ಯೇ ಯೇ ಜಪನ್ತಿ ಸ್ಮರಹರಮಹಿಲೇ ಭಾವಯನ್ತಃ ಸ್ವರೂಪಂ ತೇ
ಲಕ್ಷ್ಮೀಲಾಸ್ಯಲೀಲಾಕಮಲದಲದೃಶಃ ಕಾಮರೂಪಾ ಭವನ್ತಿ॥ 5॥

ಪ್ರತ್ಯೇಕಂ ವಾ ದ್ವಯಂ ವಾ ತ್ರಯಮಪಿ ಚ ಪರಂ ಬೀಜಮತ್ಯನ್ತಗುಹ್ಯಂ
ತ್ವನ್ನಾಮ್ನಾ
ಯೋಜಯಿತ್ವಾ ಸಕಲಮಪಿ ಸದಾ ಭಾವಯನ್ತೋ ಜಪನ್ತಿ ।
ತೇಷಾಂ ನೇತ್ರಾರವಿನ್ದೇ ವಿಹರತಿ ಕಮಲಾ ವಕ್ತ್ರಶುಭ್ರಾಂಶುಬಿಮ್ಬೇ ವಾಗ್ದೇವೀ
ದೇವಿ ಮುಂಡಸ್ತ್ರಗತಿಶಯಲಸತ್ಕಂಠಿ ಪೀನಸ್ತನಾಢ್ಯೇ॥ 6॥

ಗತಾಸೂನಾಂ ಬಾಹುಪ್ರಕರಕೃತಕಂಚೀಪರಿಲಸನ್ನಿತಮ್ಬಾಂ ದಿಗ್ವಸ್ತ್ರಾಂ
ತ್ರಿಭುವನವಿಧಾತ್ರೀಂ ತ್ರಿಣಯನಾಂ ।
ಶ್ಮಶಾನಸ್ತೇ ತಲ್ಪೇ ಶವಹೃದಿ ಮಹಾಕಾಲಸುರತಪ್ರಯುಕ್ತಾಂ ತ್ವಾಂ
ಧ್ಯಾಯನ್ ಜನನಿ ಜಡಚೇತಾ ಅಪಿ ಕವಿಃ ॥ 7॥

ಶಿವಾಭಿರ್ಘೋರಾಭಿಃ ಶವನಿವಹಮುಂಡಾಸ್ಥಿಕರೈಃ ಪರಂ ಸಂಕೀರ್ಣಾಯಾಂ
ಪ್ರಕಟಿತಚಿತಾಯಾಂ ಹರವಧೂಮ್ ।ಪ್ರವಿಷ್ಟಾಂ ।
ಸಂತುಷ್ಟಾಮುಪರಿಸುರತೇನಾತಿಯುವತೀಂ ಸದಾ ತ್ವಾಂ ಧ್ಯಾಯನ್ತಿ ಕ್ವಚಿದಪಿ
ಚ
ನ ತೇಷಾಂ ಪರಿಭವಃ ॥ 8॥

ವದಾಮಸ್ತೇ ಕಿಂ ವಾ ಜನನಿ ವಯಮುಚ್ಚೈರ್ಜಡಧಿಯೋ ನ ಧಾತಾ ನಾಪೀಶೋ
ಹರಿರಪಿ ನ ತೇ ವೇತ್ತಿ ಪರಮಮ್ ।
ತಥಾಪಿ ತ್ವದ್ಭಕ್ತಿರ್ಮುಖರಯತಿ ಚಾಸ್ಮಾಕಮಮಿತೇ ತದೇತತ್ಕ್ಷನ್ತವ್ಯಂ ನ
ಖಲು
ಪಶುರೋಷಃ ಸಮುಚಿತಃ ॥ 9॥

ಸಮನ್ತಾದಾಪೀನಸ್ತನಜಘನಧೃಘೌವನವತೀರತಾಸಕ್ತೋ ನಕ್ತಂ ಯದಿ
ಜಪತಿ
ಭಕ್ತಸ್ತವ ಮನುಮ್ ।
ವಿವಾಸಾಸ್ತ್ವಾಂ ಧ್ಯಾಯನ್ ಗಲಿತಚಿಕುರಸ್ತಸ್ಯ ವಶಗಾಃ ಸಮಸ್ತಾಃ
ಸಿದ್ಧೌಘಾ ಭುವಿ ಚಿರತರಂ ಜೀವತಿ ಕವಿಃ ॥ 10॥

ಸಮಾಃ ಸುಸ್ಥೀಭೂತೋ ಜಪತಿ ವಿಪರೀತಾಂ ಯದಿ ಸದಾ ವಿಚಿನ್ತ್ಯ ತ್ವಾಂ
ಧ್ಯಾಯನ್ನತಿಶಯಮಹಾಕಾಲಸುರತಾಮ್ ।
ತದಾ ತಸ್ಯ ಕ್ಷೋಣೀತಲವಿಹರಮಾಣಸ್ಯ ವಿದುಷಃ ಕರಾಮ್ಭೋಜೇ ವಶ್ಯಾ
ಪುರಹಸ್ವಧೂ ಸಿದ್ಧಿನಿವಹಾಃ ॥ 11॥

ಪ್ರಸೂತೇ ಸಂಸಾರಂ ಜನನಿ ಭವತೀ ಪಾಲಯತಿ ಚ ಸಮಸ್ತಂ ಕ್ಷಿತ್ಯಾದಿ
ಪ್ರಲಯಸಮಯೇ ಸಂಹರತಿ ಚ ।
ಅತಸ್ತ್ವಂ ಧಾತಾಸಿ ತ್ರಿಭುವನಪತಿಃ ಶ್ರೀಪತಿರಪಿ ಮಹೇಶೋsಪಿ ಪ್ರಾಯಃ
ಸಕಲಮಪಿ ಕಿಂ ಸ್ತೌಮಿ ಭವತೀಮ್ ॥ 12॥

ಅನೇಕೇ ಸೇವನ್ತೇ ಭವದಧಿಕಗೀವಾರ್ಣನಿವಹಾನ್ ವಿಮೂಢಾಸ್ತೇ ಮಾತಃ ಕಿಮಪಿ
ನ
ಹಿ ಜಾನನ್ತಿ ಪರಮಮ್ ।
ಸಮಾರಾಧ್ಯಾಮಾದ್ಯಾಂ ಹರಿಹರವಿರಿಂಚಾದಿವಿಬುಧೈಃ ಪ್ರಪನ್ನೋsಸ್ಮಿ
ಸ್ವೈರಂ
ರತಿರಸಸಮಹಾನನ್ದನಿರತಾಮ್ ॥ 13॥

ಧರತ್ರಿ ಕೀಲಾಲಂ ಶುಚಿರಪಿ ಸಮೀರೋsಪಿ ಗಗನಂ ತ್ವಮೇಕಾ ಕಲ್ಯಾಣೀ
ಗಿರಿಶರಮಣೀ ಕಾಲಿ ಸಕಲಮ್ ।
ಪ್ರಸನ್ನಾಂ ತ್ವಂ ಭೂಯಾ ಭವಮನು ನ ಭೂಯಾನ್ಮಮ ಜನುಃ ॥ 14॥

ಶ್ಮಶಾನಸ್ಥಃ ಸುಸ್ಥೋ ಗಲಿತಚಿಕುರೋ ದಿಕ್ಪಟಧರಃ ಸಹಸ್ರಂ ತ್ವಕಾರ್ಣಾಂ
ನಿಜಗಲಿತವೀರ್ಯೇಣ ಕುಸುಮಮ್  ।
ಜಪಂಸ್ತ್ವತ್ಪ್ರಯೇಕಂ ಮನುಮಪಿ ತವ ಧ್ಯಾನನಿರತೋ ಮಹಾಕಾಲಿ ಸ್ವೈರಂ ಸ
ಭವತಿ ಧರಿತ್ರೀಪರಿವೃಢಃ ॥ 15॥

ಗೃಹೇ ಸಂಮಾರ್ಜ್ಯನ್ಯಾ ಪರಿಗಲಿತವಿರ್ಯಂ ಹಿ ಚಿಕುರಂ ಸಮೂಲಂ ಮಧ್ಯಾಹ್ನೇ
ವಿತರತಿ ಚಿತಾಯಾಂ ಕುಜದಿನೇ ।
ಸಮುಚ್ಚಾರ್ಯ ಪ್ರಮೇಣಾ ಮನುಮಪಿ ಸಕೃತ್ಕಾಲಿ ಸತತಂ ಗಜಾರೂಢೋ ಯಾತಿ
ಕ್ಷಿತಿಪರಿವೃಢಃ ಸತ್ಕವಿವರಃ ॥ 16॥

ಸ್ವಪುಷ್ಪೈರಾಕೀರ್ಣಂ ಕುಸುಮಧನುಷೋ ಮನ್ದಿರಮಹೋ ಪುರೋ ಧ್ಯಾಯನ್ಧ್ಯಾಯನ್
ಯದಿ ಜಪತಿ ಭಕ್ತಸ್ತವ ಮನುಮ್ ।
ಸ ಗನ್ಧರ್ವಶ್ರೇಣೀಪತಿರಪಿ ಕವಿತ್ವಾಮೃತನದೀನದೀನಃ ಪರ್ಯನ್ತೇ
ಪರಮಪದಲೀನಃ ಪ್ರಭವತಿ ॥ 17॥

ತ್ರಿಪಂಚಾರೇ ಪೀಠೇ ಶವಶಿವಹೃದಿ ಸ್ಮೇರವದನಾಂ
ಮಹಾಕಾಲೇನೋಚ್ಚೈರ್ಮದನರಸಲಾವಣ್ಯನಿರತಾಮ್ ।
ಸಮಾಸಕ್ತೋ ನಕ್ತಂ ಸ್ವಯಮಪಿ ರತಾನನ್ದನಿರತೋ ಜನೋ ಯೋ ಧ್ಯಾಯೇತ್ತ್ವಾಮಯಿ
ಜನನಿ ಸ ಸ್ಯಾತ್ ಸ್ಮರಹರಃ ॥ 18॥

ಸಲೋಮಾಸ್ಥಿ ಸ್ವೈರಂ ಪಲಲಮಪಿ ಮಾರ್ಜಾರಮಸಿತೇ ಪರಂ ಚೋಷ್ಟ್ತ್ರಂ
ಮೈಶಂ
ನರಮಹಿಷಯೋಶ್ಛಾಗಮಪಿ ವಾ ।
ಬಲಿಮ್ ತೇ ಪೂಜಾಯಾಮಯಿ ವಿತರತಾಂ ಮರ್ತ್ಯವಸತಾಂ ಸತಾಂ ಸಿದ್ಧಿಃ
ಸರ್ವಾ
ಪ್ರತಿಪದಮಪೂರ್ವಾ ಪ್ರಭವತಿ ॥ 19॥

ವಶೀ ಲಕ್ಷಂ ಮನ್ತ್ರಂ ಪ್ರಜಪತಿ ಹವಿಷ್ಯಾಶನರತೋ ದಿವಾ
ಮಾತರ್ಯುಷ್ಮಚ್ಚರಣಯುಗಲಧ್ಯಾನನಿಪುಣಃ ।
ಪರಂ ನಕ್ತಂ ನಗ್ನೋ ನಿಧುವನವಿನೋದೇನ ಚ ಮನುಂ ಜಪೇಲ್ಲಕ್ಷಂ ಸ ಸ್ಯಾತ್
ಸ್ಮರಹರಸಮಾನಃ ಕ್ಷಿತಿತಲೇ ॥ 20॥

ಇದಂ ಸ್ತೋತ್ರಂ ಮಾತಸ್ತವ ಮನುಸಮುದ್ಧಾರಣಜನುಃ ಸ್ವರೂಪಾಖ್ಯಂ
ಪಾದಾಮ್ಬುಜಯುಗಲಪೂಜಾವಿಧಿಯುತಮ್ ।
ನಿಶಾರ್ಧಂ ವಾ ಪೂಜಾಸಮಯಮಧಿ ವಾ ಯಸ್ತು ಪಠತಿ ಪ್ರಲಾಪಸ್ತಸ್ಯಾಪಿ
ಪ್ರಸರತಿ ಕವಿತ್ವಾಮೃತರಸಃ ॥ 21॥

ಕುರಂಗಾಕ್ಷೀವೃನ್ದಂ ತಮನುಸರತಿ ಪ್ರೇಮತರಲಂ ವಶಸ್ತಸ್ಯ ಕ್ಷೋಣೀಪತಿರಪಿ
ಕುಬೇರಪ್ರತಿನಿಧಿಃ ।
ರಿಪುಃ ಕಾರಾಗಾರಂ ಕಲಯತಿ ಚ ತಂ ಕೇಲಿಕಲಯಾ ಚಿರಂ ಜೀವನ್ಮುಕ್ತಃ
ಪ್ರಭವತಿ ಸ ಭಕ್ತಃ ಪ್ರತಿಜನುಃ ॥ 22॥

ಇತಿ ಶ್ರೀಮನ್ಮಹಾಕಾಲಿವಿರಚಿತಂ ಶ್ರೀಮದ್ದಕ್ಷಿಣಕಾಲಿಕಾಯಾಃ
ಸ್ವರೂಪಾಖ್ಯಂ ಸ್ತೋತ್ರಂ ಸಮಾಪ್ತಮ್