ಶ್ರೀ ಯದುಗಿರಿನಾಯಿಕಾ ಸುಪ್ರಭಾತಂ

ಶ್ರೀಯಾದವಕ್ಷಿತಿಭೃದೀಶವಿಶಾಲವಕ್ಷಃ
ಸೌಢಾಂತರೋಜ್ಜ್ವಲಮನೋಹರದಿವ್ಯಮೂರ್ತೇ |
ಕ್ಷೀರಾಂಬುಧಿಪ್ರಿಯಸುತೇ! ಪ್ರಣತೇಷ್ಟದಾತ್ರಿ !
ಯದ್ವದ್ರಿನಾಥದಯಿತೇ ! ತವ ಸುಪ್ರಭಾತಂ ||1||

ಕಲ್ಯಾಣತೀರ್ಥಮವಗಾಹ್ಯ ಸುತೀರ್ಥಪೂರ್ಣ
ಸೌವರ್ಣಭದ್ರಕಲಶಾನ್ ಶಿರಸಾ ವಹಂತಃ |
ತಿಷ್ಠಂತಿ ವೈದಿಕಶಿಖಾಮಣಯಃ ಪ್ರಹೃಷ್ಟಾ
ಯದ್ವದ್ರಿನಾಥದಯಿತೇ! ತವ ಸುಪ್ರಭಾತಂ ||2||

ಏತೇಪಿ ನಾರದಮುಖಾಸ್ಸುರವೈಣಿಕಾಶ್ಚ
ತ್ವತ್ಪಾದಪಂಕಜವಿಲೀನನಿಜಾಂತರಂಗಾಃ |
ಗಾಯಂತಿ ತೇ ಗುಣಗಣಾನ್ನಿಗಮಾಂತಗಮ್ಯಾನ್
ಯದ್ವದ್ರಿನಾಥದಯತೇ! ತವ ಸುಪ್ರಭಾತಂ ||3||

ಇಂದ್ರಾನಲಾಂತಕಮುಖಾಶ್ಚ ದಿಶಾಮಧೀಶಾಃ
ಸಂಪ್ರಾಪಿತೋನ್ನತಪದಾಸ್ತ್ವದಪಾಂಗಲೇಶೈಃ |
ತ್ವಾಂ ಸಂಸ್ತುವಂತಿ ವಿಹಿತಾಂಜಲಯಃ ಪ್ರಕಾಮಂ
ಯದ್ವದ್ರಿನಾಥದಯಿತೇ! ತವ ಸುಪ್ರಭಾತಂ ||4||

ದೇವಿ! ತ್ವಯಾ ಸುಚರಿತಸ್ಯ ಸುತೇ ಪ್ರಸಾದಾ-
ದ್ಯಾದೃಗ್ವಿಧಾಃ ಪ್ರಕಟಿತಾಃ ಕರುಣಾತರಂಗಾಃ |
ತಾದೃಗ್ವಿಧಾನಿಹ ತರಂಗಯ ಮಯ್ಯಪಾಂಗಾನ್
ಯದ್ವದ್ರಿನಾಥದಯಿತೇ! ತವ ಸುಪ್ರಭಾತಂ ||5||

ಯೈರುನ್ನತಿಂ ಸಮಗಮನ್ನ ಚ ಶಂಕರಾದ್ಯಾಃ
ಯಾನೀಹತೇ ಹರಿರಪಿ ತ್ರಿಜಗದ್ವಿಧಾನೇ |
ಮಾತಸ್ತ್ವಮದ್ಯ ಸಮುದಂಚಯ ತಾನಪಾಂಗಾನ್
ಯದ್ವದ್ರಿನಾಥದಯಿತೇ! ತವ ಸುಪ್ರಭಾತಂ ||6||

ಸದ್ಯಃ ಪ್ರಫುಲ್ಲಕರಪದ್ಮಗಳನ್ಮಧೂಲ-
ಪಾನೋನ್ಮುಖಾ ಮಧುಕರಾಸ್ತವ ಸುಪ್ರಭಾತಂ |
ಶಂಸಂತಿ ಝಂಕೃತಿಮಿಷೇಣ ಕಿಲಾದ್ಯ ದೇವಿ!
ಯದ್ವದ್ರಿನಾಥದಯಿತೇ! ತವ ಸುಪ್ರಭಾತಂ ||7||

ಕರ್ಣಾವತಂಸಿತಸರೋಜಯುಗೇ ಪ್ರಫುಲ್ಲೇ
ಸದ್ಯಸ್ಸಮುನ್ಮಿಷದಪಾಂಗಪರಂಪರಾಸ್ತೇ |
ನಿಷ್ಪಂದಪುಷ್ಟರಸಪಾನರತಾಳಿಮಾಲಾ-
ಲೀಲಾಂ ವಹಂತಿ ಕಮಲೇ ತವ ಸುಪ್ರಭಾತಂ ||8||

ದಾರಿರ್ದ್ಯದಾವದಹನಾಂತರತಪ್ಯಮಾನ-
ಖೇದಾಪನೋದನಧುರೀಣಕಟಾಕ್ಷಪೂರೇ! |
ಉತ್ಫುಲ್ಲಪಂಕಜದಳಾಯತಲೋಚನಾಂತೇ
ಯದ್ವದ್ರಿನಾಥದಯಿತೇ! ತವ ಸುಪ್ರಭಾತಂ ||9||

ಜಯತು ಜಯತು ದೇವೀ ದೇವಸಂಘಾದಿಪೂಜ್ಯಾ
ಜಯತು ಜಯತು ಪದ್ಮಾ ಪದ್ಮಸದ್ಮಾsಭಿವಂದ್ಯಾ |
ಜಯತು ಜಯತು ನಿತ್ಯಾ ನಿರ್ಮಲಜ್ಞಾನವೇದ್ಯಾ
ಜಯತು ಜಯತು ಸತ್ಯಾ ಸರ್ವಭೂತಾಂತರಸ್ಥಾ ||10||

ಸುಪ್ರಭಾತಮಿದಮಪ್ರಮತ್ತಧೀಃ
ಯಃ ಪ್ರಭಾತಸಮಯೇ ಪಠೇನ್ನರಃ |
ಕ್ಷಿಪ್ರಮೇತಿ ಸಕಲಾನಭೀಪ್ಸಿತಾನ್
ದೀರ್ಘಮಾಯುರಥ ಶಾಶ್ವತಂ ಪದಂ ||11||

ಸ್ವಾಮೀ ಸುಶೀಲಸ್ಸುಲಭಸ್ಸರ್ವಜ್ಞಸ್ಸರ್ವಶಕ್ತಿಧೃತ್ |
ವತ್ಸಲೋ ಯತ್ಸಹಾಯಸ್ತಾಂ ವಂದೇ ಯದುಗೀರೀಶ್ವರೀಂ ||12||

||ಇತಿ ಶ್ರೀ ಯದುಗಿರಿನಾಯಿಕಾ ಸುಪ್ರಭಾತಂ ಸಮಾಪ್ತಂ ||