ಪಿಪ್ಪಲಾದ ಕೃತಂ ಶ್ರೀಶನಿ ಸ್ತೋತ್ರಮ್ (ಸ್ಕಂದ ಪುರಾಣೋಕ್ತ)

ಪಿಪ್ಪಲಾದ ಉವಾಚ –
ನಮಸ್ತೇ ಕ್ರೋಧಸಂಸ್ಥಾಯ ಪಿಂಗಲಾಯ ನಮೋಽಸ್ತುತೇ |
ನಮಸ್ತೇ ಬಭ್ರುರೂಪಾಯ ಕೃಷ್ಣಾಯ ಚ ನಮೋಽಸ್ತುತೇ || ೧ ||

ನಮಸ್ತೇ ರೌದ್ರದೇಹಾಯ ನಮಸ್ತೇ ಚಾಂತಕಾಯ ಚ |
ನಮಸ್ತೇ ಯಮಸಂಜ್ಞಾಯ ನಮಸ್ತೇ ಸೌರಯೇ ವಿಭೋ || ೨ ||
ನಮಸ್ತೇ ಮಂದಸಂಜ್ಞಾಯ ಶನೈಶ್ಚರ ನಮೋಽಸ್ತುತೇ |
ಪ್ರಸಾದಂ ಕುರುದೇವೇಶ ದೀನಸ್ಯ ಪ್ರಣತಸ್ಯ ಚ || ೩ ||
ಶನಿರುವಾಚ –
ಪರಿತುಷ್ಟೋಽಸ್ಮಿತೇ ವತ್ಸ ಸ್ತೋತ್ರೇಣಾನೇನ ಸಾಂಪ್ರತಂ |
ವರಂ ವರಯ ಭದ್ರಂತೇ ಯೇನ ಯಚ್ಛಾಮಿ ಸಾಂಪ್ರತಂ || ೪ ||
ಪಿಪ್ಪಲಾದ ಉವಾಚ –
ಅದ್ಯ ಪ್ರಭೃತಿ ನೋ ಪೀಡಾ ಬಾಲಾನಾಂ ಸೂರ್ಯನಂದನ |
ತ್ವಯಾ ಕಾರ್ಯಾ ಮಹಾಭಾಗ ಸ್ವಕೀಯಾ ಚ ಕಥಂಚನ || ೫ ||
ಯಾವದ್ವರ್ಷಾಷ್ಟಮಂ ಜಾತಂ ಮಮವಾಕ್ಯೇನ ಸೂರ್ಯಜ |
ಸ್ತೋತ್ರೇಣಾನೇನ ಯೋಽತ್ರ ತ್ವಾಂ ಸ್ತೂಯಾತ್ ಪ್ರಾತಃ ಸಮುತ್ಥಿತಃ || ೬ ||
ತಸ್ಯ ಪೀಡಾ ನ ಕರ್ತವ್ಯಾ ತ್ವಯಾ ಭಾಸ್ಕರನಂದನ |
ತವ ವಾರೇ ಚ ಸಂಜಾತೇ ತೈಲಾಭ್ಯಂಗಂ ಕರೋತಿ ಯಃ || ೭ ||
ದಿನಾಷ್ಟಕಂ ನ ಕರ್ತವ್ಯಾ ತಸ್ಯ ಪೀಡಾ ಕಥಂಚನ
ಯಸ್ತಾಂ ಲೋಹಮಯಂ ಕೃತ್ವಾ ತೈಲಮಧ್ಯೇ ಹ್ಯಧೋಮುಖಂ |
ಧಾರಯೇತ್ತೇನ ತೈಲೇನ ತತಃ ಸ್ನಾನಂ ಸಮಾಚರೇತ್
ತಸ್ಯ ಪೀಡಾ ನ ಕರ್ತವ್ಯಾ ದೇಯೋ ಲಾಭೋ ಮಹೀಭುಜ || ೮ ||
ಅಧ್ಯರ್ಧಾಷ್ಟಮಿಕಾಯೋಗೇ ತಾವಕೇ ಸಂಸ್ಥಿತೇ ನರಃ |
ತವವಾರೇ ತು ಸಂಪ್ರಾಪ್ತೇ ಯಸ್ತಿಲಾಂ ಲೋಹ ಸಂಯುತಾನ್ |
ಸ್ವಶಕ್ತ್ಯಾ ರಾತಿ ನೋ ತಸ್ಯ ಪೀಡಾ ಕಾರ್ಯಾ ತ್ವಯಾ ವಿಭೋ || ೯ ||
ಕೃಷ್ಣಾ ಗಾಂ ಯಸ್ತು ವಿಪ್ರಾಯ ತವೋದ್ದೇಶೇನ ಯಚ್ಛತಿ |
ಅಧ್ಯರ್ಧಾಷ್ಟಮಜಾ ಪೀಡಾ ನಾಸ್ಯ ಕಾರ್ಯಾ ತ್ವಯಾ ವಿಭೋ || ೧೦ ||
ಶಮೀಸಮಿದ್ಭಿರ್ಯೋ ಹೋಮಂ ತವೋದ್ದೇಶೇನ ಯಚ್ಛತಿ
ತಥಾಕೃಷ್ಣತಿಲೈಶ್ಚೈವ ಕೃಷ್ಣಪುಷ್ಟಾನುಲೇಪನೈಃ |
ಪೂಜಾಂ ಕರೋತಿ ಯಸ್ತುಭ್ಯಂ ಧೂಪಂ ವೈ ಗುಗ್ಗುಲಂ ದಹೇತ್
ಕೃಷ್ಣವಸ್ತ್ರೇಣ ಸಂವೇಷ್ಟ್ಯತ್ಯಾಜ್ಯಾ ತಸ್ಯ ವೃಥಾತ್ವಯಾ || ೧೧ ||
ಏವಮುಕ್ತಃ ಶನಿಸ್ತೇನ ಬಾಢಮಿತ್ಯೇವ ಜಲ್ಪ್ಯಚ |
ನಾರದಂ ಸಮನುಜ್ಞಾಪ್ಯ ಜಗಾಮ ನಿಜಸಂಶ್ರಯಮ್ || ೧೨ ||
|| ಇತಿ ಶ್ರೀಸ್ಕಂದಪುರಾಣೇ ಪಿಪ್ಪಲಾದಕೃತಮ್ ಶನಿಸ್ತೋತ್ರಮ್ ಸಂಪೂರ್ಣಮ್ ||