ಸ್ಕಂದಪುರಾಣ ಅಧ್ಯಾಯ 10
ಸನತ್ಕುಮಾರ ಉವಾಚ |
ಸಾ ದೇವೀ ತ್ರ್ಯಂಬಕಪ್ರೋಕ್ತಾ ತತಾಪ ಸುಚಿರಂ ತಪಃ |
ನಿರಾಹಾರಾ ಕದಾಚಿಚ್ಚ ಏಕಪರ್ಣಾಶನಾ ಪುನಃ |
ವಾಯ್ವಾಹಾರಾ ಪುನಶ್ಚಾಪಿ ಅಬ್ಭಕ್ಷಾ ಭೂಯ ಏವ ಚ |
ತಾಂ ತಪಶ್ಚರಣೇ ಯುಕ್ತಾಂ ಬ್ರಹ್ಮಾ ಜ್ಞಾತ್ವಾತಿಭಾಸ್ವರಾಮ್ |
ಉವಾಚ ಬ್ರೂಹಿ ತುಷ್ಟೋಸ್ಮಿ ದೇವಿ ಕಿಂ ಕರವಾಣಿ ತೇ ||
ಸಾಬ್ರವೀತ್ ತ್ರ್ಯಂಬಕಂ ದೇವಂ ಪತಿಂ ಪ್ರಪ್ಯೇಂದುವರ್ಚಸಮ್ |
ವಿಚರೇಯಂ ಸುಖಂ ದೇವ ಸರ್ವಾ/ಲ್ಲೋಕಾನ್ನಮಸ್ತವ ||
ಬ್ರಹ್ಮೋವಾಚ |
ನ ಹಿ ಯೇನ ಶರೀರೇಣ ಕ್ರಿಯತೇ ಪರಮಂ ತಪಃ |
ತೇನೈವ ಪರಮೇಶೋಸೌ ಪತಿಃ ಶಂಭುರವಾಪ್ಯತೇ ||
ತಸ್ಮಾದ್ಧಿ ಯೋಗಾದ್ಭವತೀ ದಕ್ಷಸ್ಯೇಹ ಪ್ರಜಾಪತೇಃ |
ಜಾಯಸ್ವ ದುಹತಾ ಭೂತ್ವಾ ಪತಿಂ ರುದ್ರಮವಾಪ್ಸ್ಯಸಿ ||
ತತಃ ಸಾ ತದ್ವಚಃ ಶ್ರುತ್ವಾ ಯೋಗಾದ್ದೇವೀ ಮನಸ್ವಿನೀ |
ದಕ್ಷಸ್ಯ ದುಹಿತಾ ಜಜ್ಞೇ ಸತೀ ನಾಮಾತಿಯೋಗಿನೀ ||
ತಾಂ ದಕ್ಷಸ್‌ತ್ರ್ಯಂಬಕಾಯೈವ ದದೌ ಭಾರ್ಯಾಮನಿಂದಿತಾಮ್ |
ಬ್ರಹ್ಮಣೋ ವಚನಾದ್ಯಸ್ಯಾಂ ಮಾನಸಾನಸೃಜತ್ಸುತಾನ್ ||
ಆತ್ಮತುಲ್ಯಬಲಾಂದೀಪ್ತಾಂಜರಾಮರಣವರ್ಜಿತಾನ್ |
ಅನೇಕಾನಿ ಸಹಸ್ರಾಣಿ ರುದ್ರಾಣಾಮಮಿತೌಜಸಾಮ್ ||
ತಾಂದೃಷ್ಟ್ವಾ ಸೃಜ್ಯಮಾನಾಂಶ್ಚ ಬ್ರಹ್ಮಾ ತಂ ಪ್ರತ್ಯಷೇಧಯತ್ |
ಮಾ ಸ್ರಾಕ್ಷೀರ್ದೇವದೇವೇಶ ಪ್ರಜಾ ಮೃತ್ಯುವಿವರ್ಜಿತಾಃ ||
ಅನ್ಯಾಃ ಸೃಜಸ್ವ ಭದ್ರಂ ತೇ ಪ್ರಜಾ ಮೃತ್ಯುಸಮನ್ವಿತಾಃ |
ತೇನ ಚೋಕ್ತಂ ಸ್ಥಿತೋಸ್ಮೀತಿ ಸ್ಥಾಣುಸ್ತೇನ ತತಃ ಸ್ಮೃತಃ ||
ದೇವ ಉವಾಚ |
ನ ಸ್ರಕ್ಷ್ಯೇ ಮೃತ್ಯುಸಂಯುಕ್ತಾಃ ಪ್ರಜಾ ಬ್ರಹ್ಮನ್ಕಥಂಚನ |
ಸ್ಥಿತೋಸ್ಮಿ ವಚನಾತ್ತೇದ್ಯ ವಕ್ತವ್ಯೋ ನಾಸ್ಮಿ ತೇ ಪುನಃ ||
ಯೇ ತ್ವಿಮೇ ಮಾನಸಾಃ ಸೃಷ್ಟಾ ಮಹಾತ್ಮಾನೋ ಮಹಾಬಲಾಃ |
ಚರಿಷ್ಯಂತಿ ಮಯಾ ಸಾರ್ಧಂ ಸರ್ವ ಏತೇ ಹಿ ಯಾಜ್ಞಿಕಾಃ ||
ಸನತ್ಕುಮಾರ ಉವಾಚ |
ಅಥ ಕಾಲೇ ಗತೇ ವ್ಯಾಸ ಸ ದಕ್ಷಃ ಶಾಪಕಾರಣಾತ್ |
ಅನ್ಯಾನಾಹೂಯ ಜಾಮಾತ್ ರ್ನ್ಸದಾರಾನರ್ಚಯದೃ್ಗಹೇ ||
ಸತೀಂ ಸಹ ತ್ರ್ಯಂಬಕೇನ ನಾಜುಹಾವ ರುಷಾನ್ವಿತಃ |
ಸತೀ ಜ್ಞಾತ್ವಾ ತು ತತ್ಸರ್ವಂ ಗತ್ವಾ ಪಿತರಮಬ್ರವೀತ್ ||
ಅಹಂ ಜ್ಯೇಷ್ಠಾ ವರಿಷ್ಠಾ ಚ ಜಾಮಾತ್ರಾ ಸಹ ಸುವ್ತತ |
ಮಾಂ ಹಿತ್ವಾ ನಾರ್ಹಸೇ ಹ್ಯೇತಾಃ ಸಹ ಭರ್ತೃಭಿರರ್ಚಿತುಮ್ ||
ಕ್ರೋಧೇನಾಥ ಸಮಾವಿಷ್ಟಃ ಸ ಕ್ರೋಧೋಪಹತೇಂದ್ರಿಯಃ |
ನಿರೀಕ್ಷ್ಯ ಪ್ರಾಬ್ರವೀದ್ಧಕ್ಷಶ್ಚಕ್ಷುಷಾ ನಿರ್ದಹನ್ನಿವ ||
ಮಾಮೇತಾಃ ಸತಿ ಸಸ್ನೇಹಾಃ ಪೂಜಯಂತಿ ಸಭರ್ತೃಕಾಃ |
ನ ತ್ವಂ ತಥಾ ಪೂಜಯಸೇ ಸಹ ಭರ್ತ್ರಾ ಮಹಾವ್ರತೇ ||
ಗೃಹಾಂಶ್ಚ ಮೇ ಸಪತ್ನೀಕಾಃ ಪ್ರವಿಶಂತಿ ತಪೋಧನಾಃ |
ಶ್ರೇಷ್ಠಾಂಸ್ತಸ್ಮಾತ್ಸದಾ ಮನ್ಯೇ ತತಸ್ತಾನರ್ಚಯಾಮ್ಯಹಮ್ ||
ತಸ್ಮಾದ್ಯತ್ತೇ ಕರೋಮ್ಯದ್ಯ ಶುಭಂ ವಾ ಯ ದಿ ವಾಶುಭಮ್ |
ಪೂಜಾಂ ಗೃಹಾಣ ತಾಂ ಪುತ್ರಿ ಗಚ್ಛ ವಾ ಯತ್ರ ರೋಚತೇ ||
ಸನತ್ಕುಮಾರ ಉವಾಚ |
ತತಃ ಸಾ ಕ್ರೋಧದೀಪ್ತಾಸ್ಯಾ ನ ಜಗ್ರಾಹಾತಿಕೋಪಿತಾ |
ಪೂಜಾಮಸಮ್ಮತಾಂ ಹೀನಾಮಿದಂ ಚೋವಾಚ ತಂ ಶುಭಾ ||
ಯಸ್ಮಾದಸಮ್ಮತಾಮೇತಾಂ ಪೂಜಾಂ ತ್ವಂ ಕುರುಷೇ ಮಯಿ |
ಶ್ಲಾಘ್ಯಾಂ ಚೈವಾಪ್ಯದುಷ್ಟಾಂ ಚ ಶ್ರೇಷ್ಠಾಂ ಮಾಂ ಗರ್ಹಸೇ ಪಿತಃ ||
ತಸ್ಮಾದಿಮಂ ಸ್ವಕಂ ದೇಹಂ ತ್ಯಜಾಮ್ಯೇಷಾ ತವಾತ್ಮಜಾ |
ಅಸತೃ್ಕತಾಯಾಃ ಕಿಂ ಮೇದ್ಯ ಜೀವಿತೇನಾಶುಭೇನ ಹ ||
ಸನತ್ಕುಮಾರ ಉವಾಚ |
ತತಃ ಕೃತ್ವಾ ನಮಸ್ಕಾರಂ ಮನಸಾ ತ್ರ್ಯಂಬಕಾಯ ಹ |
ಉವಾಚೇದಂ ಸುಸಂರಬ್ಧಾ ವಚನಂ ವಚನಾರಣಿಃ ||
ಯತ್ರಾಹಮುಪಪದ್ಯೇಯಂ ಪುನರ್ದೇಹೇ ಸ್ವಯೇಚ್ಛಯಾ |
ಏವಂ ತತ್ರಾಪ್ಯಸಮ್ಮೂಢಾ ಸಂಭೂತಾ ಧಾರ್ಮಿಕಾ ಸತೀ |
ಗಚ್ಛೇಯಂ ಧರ್ಮಪತ್ನೀತ್ವಂ ತ್ರ್ಯಂಬಕಸ್ಯೈವ ಧೀಮತಃ ||
ತತಃ ಸಾ ಧಾರಣಾಂ ಕೃತ್ವಾ ಆಗ್ನೇಯೀಂ ಸಹಸಾ ಸತೀ |
ದದಾಹ ವೈ ಸ್ವಕಂ ದೇಹಂ ಸ್ವಸಮುತ್ಥೇನ ವಹ್ನಿನಾ ||
ತಾ ಜ್ಞಾತ್ವಾ ತ್ರ್ಯಂಬಕೋ ದೇವಿಂ ತಥಾಭೂತಾಂ ಮಹಾಯಶಾಃ |
ಉವಾಚ ದಕ್ಷಂ ಸಂಗಮ್ಯ ಇದಂ ವಚನಕೋವಿದಃ ||
ಯಸ್ಮಾತ್ತೇ ನಿಂದಿತಶ್ಚಾಹಂ ಪ್ರಶಸ್ತಾಶ್ಚೇತರೇ ಪೃಥಕ್ |
ಜಾಮಾತರಃ ಸಪತ್ನೀಕಾಸ್ತಸ್ಮಾದ್ವೈವಸ್ವತೇಂತರೇ |
ಉತ್ಪತ್ಸ್ಯಂತೇ ಪುನರ್ಯಜ್ಞೇ ತವ ಜಾಮಾತರಸ್ತ್ವಿಮೇ ||
ತ್ವಂ ಚೈವ ಮಮ ಶಾಪೇನ ಕ್ಷತ್ರಿಯೋ ಭವಿತಾ ನೃಪಃ |
ಪ್ರಚೇತಸಾಂ ಸುತಶ್ಚೈವ ಕನ್ಯಾಯಾಂ ಶಾಖಿನಾಂ ಪುನಃ |
ಧರ್ಮವಿಘ್ನಂ ಚ ತೇ ತತ್ರ ಕರಿಷ್ಯೇ ಕ್ರೂರಕರ್ಮಣಃ ||
ಸನತ್ಕುಮಾರ ಉವಾಚ |
ತಮುವಾಚ ತದಾ ದಕ್ಷೋ ದೂಯತಾ ಹೃದಯೇನ ವೈ |
ಮಯಾ ಯದಿ ಸುತಾ ಸ್ವಾ ವೈ ಪ್ರೋಕ್ತಾ ತ್ಯಕ್ತಾಪಿ ವಾ ಪುನಃ |
ಕಿಂ ತವಾತ್ರ ಕೃತಂ ದೇವ ಅಹಂ ತಸ್ಯಾಃ ಪ್ರಭುಃ ಸದಾ ||
ಯಸ್ಮಾತ್ತ್ವಂ ಮಾಮಭ್ಯಶಪಸ್ತಸ್ಮಾತ್ತ್ವಮಪಿ ಶಂಕರ |
ಭೂರ್ಲೋಕೇ ವತ್ಸ್ಯಸೇ ನಿತ್ಯಂ ನ ಸ್ವರ್ಲೋಕೇ ಕದಾಚನ ||
ಭಾಗಂ ಚ ತವ ಯಜ್ಞೇಷು ದತ್ತ್ವಾ ಸರ್ವೇ ದ್ವಿಜಾತಯಃ |
ಅಪಃ ಸ್ಪ್ರಕ್ಷ್ಯಂತಿ ಸರ್ವತ್ರ ಮಹಾದೇವ ಮಹಾದ್ಯುತೇ ||
ಸನತ್ಕುಮಾರ ಉವಾಚ |
ತತಃ ಸ ದೇವಃ ಪ್ರಹಸಂಸ್ತಮುವಾಚ ತ್ರಿಲೋಚನಃ |
ಸವೇಷಾಮೇವ ಲೋಕಾನಾಂ ಮೂಲಂ ಭೂರ್ಲೋಕ ಉಚ್ಯತೇ ||
ತಮಹಂ ಧಾರಯಾಮ್ಯೇಕೋ ಲೋಕಾನಾಂ ಹಿತಕಾಮ್ಯಯಾ |
ಭೂರ್ಲೋಕೇ ಹಿ ಧೃತೇ ಲೋಕಾಃ ಸರ್ವೇ ತಿಷ್ಠಂತಿ ಶಾಶ್ವತಾಃ |
ತಸ್ಮಾತ್ತಿಷ್ಠಾಮ್ಯಹಂ ನಿತ್ಯಮಿಹೈವ ನ ತವಾಜ್ಞಯಾ ||
ಭಾಗಾಂದತ್ತ್ವಾ ತಥಾನ್ಯೇಭ್ಯೋ ದಿತ್ಸವೋ ಮೇ ದ್ವಿಜಾತಯಃ |
ಅಪಃ ಸ್ಪೃಶಂತಿ ಶುದ್ಧ್ಯರ್ಥಂ ಭಾಗಂ ಯಚ್ಛಂತಿ ಮೇ ತತಃ |
ದತ್ತ್ವಾ ಸ್ಪೃಶಂತಿ ಭೂಯಶ್ಚ ಧರ್ಮಸ್ಯೈವಾಭಿವೃದ್ಧಯೇ ||
ಯಥಾ ಹಿ ದೇವನಿರ್ಮಾಲ್ಯಂ ಶುಚಯೋ ಧಾರಯಂತ್ಯುತ |
ಅಶುಚಿಂ ಸ್ಪ್ರಷ್ಟುಕಾಮಾಶ್ಚ ತ್ಯಕ್ತ್ವಾಪಃ ಸಂಸ್ಪೃಶಂತಿ ಚ ||
ದೇವಾನಾಮೇವಮನ್ಯೇಷಾಂ ದಿತ್ಸವೋ ಬ್ರಾಹ್ಮಣರ್ಷಭಾಃ |
ಭಾಗಾನಪಃ ಸ್ಪೃಶಂತಿ ಸ್ಮ ತತ್ರ ಕಾ ಪರಿದೇವನಾ ||
ತ್ವಂ ತು ಮಚ್ಛಾಪನಿರ್ದಗ್ಧೋ ವಿಪರಿತೋ ನರಾಧಮಃ |
ಸ್ವಸ್ಯಾಂ ಸುತಾಯಾಂ ಮೂಢಾತ್ಮಾ ಪುತ್ರಮುತ್ಪಾದಯಿಷ್ಯಸಿ ||
ಸನತ್ಕುಮಾರ ಉವಾಚ |
ಏವಂ ಸ ಭಗವಾಂಛಪ್ತ್ವಾ ದಕ್ಷಂ ದೇವೋ ಜಗತ್ಪತಿಃ |
ವಿರರಾಮ ಮಹಾತೇಜಾ ಜಗಾಮ ಚ ಯಥಾಗತಮ್ ||
ಚಂದ್ರದಿವಾಕರವಹ್ನಿಸಮಾಕ್ಷಂ ಚಂದ್ರನಿಭಾನನಪದ್ಮದಲಾಕ್ಷಮ್ |
ಗೋವೃಷವಾಹಮಮೇಯಗುಣೌಘಂ ಸತತಮಿಹೇಂದುವಹಂ ಪ್ರಣತಾಃ ಸ್ಮಃ ||
ಯ ಇಮಂ ದಕ್ಷಶಾಪಾಶ್ಣ್ಕಂ ದೇವ್ಯಾಶ್ಚೈವಾಶರೀರತಾಮ್ |
ಶೃಣುಯಾದ್ವಾಥ ವಿಪ್ರಾನ್ವಾ ಶ್ರಾವಯೀತ ಯತವ್ರತಃ |
ಸರ್ವಪಾಪವಿನಿರ್ಮುಕ್ತೋ ರುದ್ರಲೋಕಮವಾಪ್ನುಯಾತ್ ||
ಇತಿ ಸ್ಕಂದಪುರಾಣೇ ದಶಮೋಧ್ಯಾಯಃ ||
ಸಾ ದೇವೀ ತ್ರ್ಯಂಬಕಪ್ರೋಕ್ತಾ ತತಾಪ ಸುಚಿರಂ ತಪಃ |
ನಿರಾಹಾರಾ ಕದಾಚಿಚ್ಚ ಏಕಪರ್ಣಾಶನಾ ಪುನಃ |
ವಾಯ್ವಾಹಾರಾ ಪುನಶ್ಚಾಪಿ ಅಬ್ಭಕ್ಷಾ ಭೂಯ ಏವ ಚ |
ತಾಂ ತಪಶ್ಚರಣೇ ಯುಕ್ತಾಂ ಬ್ರಹ್ಮಾ ಜ್ಞಾತ್ವಾತಿಭಾಸ್ವರಾಮ್ |
ಉವಾಚ ಬ್ರೂಹಿ ತುಷ್ಟೋಸ್ಮಿ ದೇವಿ ಕಿಂ ಕರವಾಣಿ ತೇ ||
ಸಾಬ್ರವೀತ್ ತ್ರ್ಯಂಬಕಂ ದೇವಂ ಪತಿಂ ಪ್ರಪ್ಯೇಂದುವರ್ಚಸಮ್ |
ವಿಚರೇಯಂ ಸುಖಂ ದೇವ ಸರ್ವಾ/ಲ್ಲೋಕಾನ್ನಮಸ್ತವ ||
ಬ್ರಹ್ಮೋವಾಚ |
ನ ಹಿ ಯೇನ ಶರೀರೇಣ ಕ್ರಿಯತೇ ಪರಮಂ ತಪಃ |
ತೇನೈವ ಪರಮೇಶೋಸೌ ಪತಿಃ ಶಂಭುರವಾಪ್ಯತೇ ||
ತಸ್ಮಾದ್ಧಿ ಯೋಗಾದ್ಭವತೀ ದಕ್ಷಸ್ಯೇಹ ಪ್ರಜಾಪತೇಃ |
ಜಾಯಸ್ವ ದುಹತಾ ಭೂತ್ವಾ ಪತಿಂ ರುದ್ರಮವಾಪ್ಸ್ಯಸಿ ||
ತತಃ ಸಾ ತದ್ವಚಃ ಶ್ರುತ್ವಾ ಯೋಗಾದ್ದೇವೀ ಮನಸ್ವಿನೀ |
ದಕ್ಷಸ್ಯ ದುಹಿತಾ ಜಜ್ಞೇ ಸತೀ ನಾಮಾತಿಯೋಗಿನೀ ||
ತಾಂ ದಕ್ಷಸ್‌ತ್ರ್ಯಂಬಕಾಯೈವ ದದೌ ಭಾರ್ಯಾಮನಿಂದಿತಾಮ್ |
ಬ್ರಹ್ಮಣೋ ವಚನಾದ್ಯಸ್ಯಾಂ ಮಾನಸಾನಸೃಜತ್ಸುತಾನ್ ||
ಆತ್ಮತುಲ್ಯಬಲಾಂದೀಪ್ತಾಂಜರಾಮರಣವರ್ಜಿತಾನ್ |
ಅನೇಕಾನಿ ಸಹಸ್ರಾಣಿ ರುದ್ರಾಣಾಮಮಿತೌಜಸಾಮ್ ||
ತಾಂದೃಷ್ಟ್ವಾ ಸೃಜ್ಯಮಾನಾಂಶ್ಚ ಬ್ರಹ್ಮಾ ತಂ ಪ್ರತ್ಯಷೇಧಯತ್ |
ಮಾ ಸ್ರಾಕ್ಷೀರ್ದೇವದೇವೇಶ ಪ್ರಜಾ ಮೃತ್ಯುವಿವರ್ಜಿತಾಃ ||
ಅನ್ಯಾಃ ಸೃಜಸ್ವ ಭದ್ರಂ ತೇ ಪ್ರಜಾ ಮೃತ್ಯುಸಮನ್ವಿತಾಃ |
ತೇನ ಚೋಕ್ತಂ ಸ್ಥಿತೋಸ್ಮೀತಿ ಸ್ಥಾಣುಸ್ತೇನ ತತಃ ಸ್ಮೃತಃ ||
ದೇವ ಉವಾಚ |
ನ ಸ್ರಕ್ಷ್ಯೇ ಮೃತ್ಯುಸಂಯುಕ್ತಾಃ ಪ್ರಜಾ ಬ್ರಹ್ಮನ್ಕಥಂಚನ |
ಸ್ಥಿತೋಸ್ಮಿ ವಚನಾತ್ತೇದ್ಯ ವಕ್ತವ್ಯೋ ನಾಸ್ಮಿ ತೇ ಪುನಃ ||
ಯೇ ತ್ವಿಮೇ ಮಾನಸಾಃ ಸೃಷ್ಟಾ ಮಹಾತ್ಮಾನೋ ಮಹಾಬಲಾಃ |
ಚರಿಷ್ಯಂತಿ ಮಯಾ ಸಾರ್ಧಂ ಸರ್ವ ಏತೇ ಹಿ ಯಾಜ್ಞಿಕಾಃ ||
ಸನತ್ಕುಮಾರ ಉವಾಚ |
ಅಥ ಕಾಲೇ ಗತೇ ವ್ಯಾಸ ಸ ದಕ್ಷಃ ಶಾಪಕಾರಣಾತ್ |
ಅನ್ಯಾನಾಹೂಯ ಜಾಮಾತ್ ರ್ನ್ಸದಾರಾನರ್ಚಯದೃ್ಗಹೇ ||
ಸತೀಂ ಸಹ ತ್ರ್ಯಂಬಕೇನ ನಾಜುಹಾವ ರುಷಾನ್ವಿತಃ |
ಸತೀ ಜ್ಞಾತ್ವಾ ತು ತತ್ಸರ್ವಂ ಗತ್ವಾ ಪಿತರಮಬ್ರವೀತ್ ||
ಅಹಂ ಜ್ಯೇಷ್ಠಾ ವರಿಷ್ಠಾ ಚ ಜಾಮಾತ್ರಾ ಸಹ ಸುವ್ತತ |
ಮಾಂ ಹಿತ್ವಾ ನಾರ್ಹಸೇ ಹ್ಯೇತಾಃ ಸಹ ಭರ್ತೃಭಿರರ್ಚಿತುಮ್ ||
ಕ್ರೋಧೇನಾಥ ಸಮಾವಿಷ್ಟಃ ಸ ಕ್ರೋಧೋಪಹತೇಂದ್ರಿಯಃ |
ನಿರೀಕ್ಷ್ಯ ಪ್ರಾಬ್ರವೀದ್ಧಕ್ಷಶ್ಚಕ್ಷುಷಾ ನಿರ್ದಹನ್ನಿವ ||
ಮಾಮೇತಾಃ ಸತಿ ಸಸ್ನೇಹಾಃ ಪೂಜಯಂತಿ ಸಭರ್ತೃಕಾಃ |
ನ ತ್ವಂ ತಥಾ ಪೂಜಯಸೇ ಸಹ ಭರ್ತ್ರಾ ಮಹಾವ್ರತೇ ||
ಗೃಹಾಂಶ್ಚ ಮೇ ಸಪತ್ನೀಕಾಃ ಪ್ರವಿಶಂತಿ ತಪೋಧನಾಃ |
ಶ್ರೇಷ್ಠಾಂಸ್ತಸ್ಮಾತ್ಸದಾ ಮನ್ಯೇ ತತಸ್ತಾನರ್ಚಯಾಮ್ಯಹಮ್ ||
ತಸ್ಮಾದ್ಯತ್ತೇ ಕರೋಮ್ಯದ್ಯ ಶುಭಂ ವಾ ಯ ದಿ ವಾಶುಭಮ್ |
ಪೂಜಾಂ ಗೃಹಾಣ ತಾಂ ಪುತ್ರಿ ಗಚ್ಛ ವಾ ಯತ್ರ ರೋಚತೇ ||
ಸನತ್ಕುಮಾರ ಉವಾಚ |
ತತಃ ಸಾ ಕ್ರೋಧದೀಪ್ತಾಸ್ಯಾ ನ ಜಗ್ರಾಹಾತಿಕೋಪಿತಾ |
ಪೂಜಾಮಸಮ್ಮತಾಂ ಹೀನಾಮಿದಂ ಚೋವಾಚ ತಂ ಶುಭಾ ||
ಯಸ್ಮಾದಸಮ್ಮತಾಮೇತಾಂ ಪೂಜಾಂ ತ್ವಂ ಕುರುಷೇ ಮಯಿ |
ಶ್ಲಾಘ್ಯಾಂ ಚೈವಾಪ್ಯದುಷ್ಟಾಂ ಚ ಶ್ರೇಷ್ಠಾಂ ಮಾಂ ಗರ್ಹಸೇ ಪಿತಃ ||
ತಸ್ಮಾದಿಮಂ ಸ್ವಕಂ ದೇಹಂ ತ್ಯಜಾಮ್ಯೇಷಾ ತವಾತ್ಮಜಾ |
ಅಸತೃ್ಕತಾಯಾಃ ಕಿಂ ಮೇದ್ಯ ಜೀವಿತೇನಾಶುಭೇನ ಹ ||
ಸನತ್ಕುಮಾರ ಉವಾಚ |
ತತಃ ಕೃತ್ವಾ ನಮಸ್ಕಾರಂ ಮನಸಾ ತ್ರ್ಯಂಬಕಾಯ ಹ |
ಉವಾಚೇದಂ ಸುಸಂರಬ್ಧಾ ವಚನಂ ವಚನಾರಣಿಃ ||
ಯತ್ರಾಹಮುಪಪದ್ಯೇಯಂ ಪುನರ್ದೇಹೇ ಸ್ವಯೇಚ್ಛಯಾ |
ಏವಂ ತತ್ರಾಪ್ಯಸಮ್ಮೂಢಾ ಸಂಭೂತಾ ಧಾರ್ಮಿಕಾ ಸತೀ |
ಗಚ್ಛೇಯಂ ಧರ್ಮಪತ್ನೀತ್ವಂ ತ್ರ್ಯಂಬಕಸ್ಯೈವ ಧೀಮತಃ ||
ತತಃ ಸಾ ಧಾರಣಾಂ ಕೃತ್ವಾ ಆಗ್ನೇಯೀಂ ಸಹಸಾ ಸತೀ |
ದದಾಹ ವೈ ಸ್ವಕಂ ದೇಹಂ ಸ್ವಸಮುತ್ಥೇನ ವಹ್ನಿನಾ ||
ತಾ ಜ್ಞಾತ್ವಾ ತ್ರ್ಯಂಬಕೋ ದೇವಿಂ ತಥಾಭೂತಾಂ ಮಹಾಯಶಾಃ |
ಉವಾಚ ದಕ್ಷಂ ಸಂಗಮ್ಯ ಇದಂ ವಚನಕೋವಿದಃ ||
ಯಸ್ಮಾತ್ತೇ ನಿಂದಿತಶ್ಚಾಹಂ ಪ್ರಶಸ್ತಾಶ್ಚೇತರೇ ಪೃಥಕ್ |
ಜಾಮಾತರಃ ಸಪತ್ನೀಕಾಸ್ತಸ್ಮಾದ್ವೈವಸ್ವತೇಂತರೇ |
ಉತ್ಪತ್ಸ್ಯಂತೇ ಪುನರ್ಯಜ್ಞೇ ತವ ಜಾಮಾತರಸ್ತ್ವಿಮೇ ||
ತ್ವಂ ಚೈವ ಮಮ ಶಾಪೇನ ಕ್ಷತ್ರಿಯೋ ಭವಿತಾ ನೃಪಃ |
ಪ್ರಚೇತಸಾಂ ಸುತಶ್ಚೈವ ಕನ್ಯಾಯಾಂ ಶಾಖಿನಾಂ ಪುನಃ |
ಧರ್ಮವಿಘ್ನಂ ಚ ತೇ ತತ್ರ ಕರಿಷ್ಯೇ ಕ್ರೂರಕರ್ಮಣಃ ||
ಸನತ್ಕುಮಾರ ಉವಾಚ |
ತಮುವಾಚ ತದಾ ದಕ್ಷೋ ದೂಯತಾ ಹೃದಯೇನ ವೈ |
ಮಯಾ ಯದಿ ಸುತಾ ಸ್ವಾ ವೈ ಪ್ರೋಕ್ತಾ ತ್ಯಕ್ತಾಪಿ ವಾ ಪುನಃ |
ಕಿಂ ತವಾತ್ರ ಕೃತಂ ದೇವ ಅಹಂ ತಸ್ಯಾಃ ಪ್ರಭುಃ ಸದಾ ||
ಯಸ್ಮಾತ್ತ್ವಂ ಮಾಮಭ್ಯಶಪಸ್ತಸ್ಮಾತ್ತ್ವಮಪಿ ಶಂಕರ |
ಭೂರ್ಲೋಕೇ ವತ್ಸ್ಯಸೇ ನಿತ್ಯಂ ನ ಸ್ವರ್ಲೋಕೇ ಕದಾಚನ ||
ಭಾಗಂ ಚ ತವ ಯಜ್ಞೇಷು ದತ್ತ್ವಾ ಸರ್ವೇ ದ್ವಿಜಾತಯಃ |
ಅಪಃ ಸ್ಪ್ರಕ್ಷ್ಯಂತಿ ಸರ್ವತ್ರ ಮಹಾದೇವ ಮಹಾದ್ಯುತೇ ||
ಸನತ್ಕುಮಾರ ಉವಾಚ |
ತತಃ ಸ ದೇವಃ ಪ್ರಹಸಂಸ್ತಮುವಾಚ ತ್ರಿಲೋಚನಃ |
ಸವೇಷಾಮೇವ ಲೋಕಾನಾಂ ಮೂಲಂ ಭೂರ್ಲೋಕ ಉಚ್ಯತೇ ||
ತಮಹಂ ಧಾರಯಾಮ್ಯೇಕೋ ಲೋಕಾನಾಂ ಹಿತಕಾಮ್ಯಯಾ |
ಭೂರ್ಲೋಕೇ ಹಿ ಧೃತೇ ಲೋಕಾಃ ಸರ್ವೇ ತಿಷ್ಠಂತಿ ಶಾಶ್ವತಾಃ |
ತಸ್ಮಾತ್ತಿಷ್ಠಾಮ್ಯಹಂ ನಿತ್ಯಮಿಹೈವ ನ ತವಾಜ್ಞಯಾ ||
ಭಾಗಾಂದತ್ತ್ವಾ ತಥಾನ್ಯೇಭ್ಯೋ ದಿತ್ಸವೋ ಮೇ ದ್ವಿಜಾತಯಃ |
ಅಪಃ ಸ್ಪೃಶಂತಿ ಶುದ್ಧ್ಯರ್ಥಂ ಭಾಗಂ ಯಚ್ಛಂತಿ ಮೇ ತತಃ |
ದತ್ತ್ವಾ ಸ್ಪೃಶಂತಿ ಭೂಯಶ್ಚ ಧರ್ಮಸ್ಯೈವಾಭಿವೃದ್ಧಯೇ ||
ಯಥಾ ಹಿ ದೇವನಿರ್ಮಾಲ್ಯಂ ಶುಚಯೋ ಧಾರಯಂತ್ಯುತ |
ಅಶುಚಿಂ ಸ್ಪ್ರಷ್ಟುಕಾಮಾಶ್ಚ ತ್ಯಕ್ತ್ವಾಪಃ ಸಂಸ್ಪೃಶಂತಿ ಚ ||
ದೇವಾನಾಮೇವಮನ್ಯೇಷಾಂ ದಿತ್ಸವೋ ಬ್ರಾಹ್ಮಣರ್ಷಭಾಃ |
ಭಾಗಾನಪಃ ಸ್ಪೃಶಂತಿ ಸ್ಮ ತತ್ರ ಕಾ ಪರಿದೇವನಾ ||
ತ್ವಂ ತು ಮಚ್ಛಾಪನಿರ್ದಗ್ಧೋ ವಿಪರಿತೋ ನರಾಧಮಃ |
ಸ್ವಸ್ಯಾಂ ಸುತಾಯಾಂ ಮೂಢಾತ್ಮಾ ಪುತ್ರಮುತ್ಪಾದಯಿಷ್ಯಸಿ ||
ಸನತ್ಕುಮಾರ ಉವಾಚ |
ಏವಂ ಸ ಭಗವಾಂಛಪ್ತ್ವಾ ದಕ್ಷಂ ದೇವೋ ಜಗತ್ಪತಿಃ |
ವಿರರಾಮ ಮಹಾತೇಜಾ ಜಗಾಮ ಚ ಯಥಾಗತಮ್ ||
ಚಂದ್ರದಿವಾಕರವಹ್ನಿಸಮಾಕ್ಷಂ ಚಂದ್ರನಿಭಾನನಪದ್ಮದಲಾಕ್ಷಮ್ |
ಗೋವೃಷವಾಹಮಮೇಯಗುಣೌಘಂ ಸತತಮಿಹೇಂದುವಹಂ ಪ್ರಣತಾಃ ಸ್ಮಃ ||
ಯ ಇಮಂ ದಕ್ಷಶಾಪಾಶ್ಣ್ಕಂ ದೇವ್ಯಾಶ್ಚೈವಾಶರೀರತಾಮ್ |
ಶೃಣುಯಾದ್ವಾಥ ವಿಪ್ರಾನ್ವಾ ಶ್ರಾವಯೀತ ಯತವ್ರತಃ |
ಸರ್ವಪಾಪವಿನಿರ್ಮುಕ್ತೋ ರುದ್ರಲೋಕಮವಾಪ್ನುಯಾತ್ ||
ಇತಿ ಸ್ಕಂದಪುರಾಣೇ ದಶಮೋಧ್ಯಾಯಃ ||
Comments
Post a Comment