ಸ್ಕಂದಪುರಾಣ ಅಧ್ಯಾಯ 7
ವಾಯುರುವಾಚ |
ಬ್ರಹ್ಮಲೋಕಂ ಸಮಾಸಾದ್ಯ ಭಗವಾನ್ಸರ್ವಲೋಕಪಃ |
ಭೈಕ್ಷ್ಯಂ ಭೈಕ್ಷ್ಯಮಿತಿ ಪ್ರೋಚ್ಯ ದ್ವಾರೇ ಸಮವತಿಷ್ಠತ ||
ತಂ ದೃಷ್ಟ್ವಾ ವಿಕೃತಂ ಬ್ರಹ್ಮಾ ಕಪಾಲಕರಭೂಷಣಮ್ |
ಜ್ಞಾತ್ವಾ ಯೋಗೇನ ಮಹತಾ ತುಷ್ಟಾವ ಭುವನೆಶ್ವರಮ್ ||
ತಸ್ಯ ತುಷ್ಟಸ್ತದಾ ದೇವೋ ವರದೋಸ್ಮೀತ್ಯಭಾಷತ |
ವೃಣೀಷ್ವ ವರಮವ್ಯಗ್ರೋ ಯಸ್ತೇ ಮನಸಿ ವರ್ತತೇ ||
ಬ್ರಹ್ಮೋವಾಚ |
ಇಚ್ಛಾಮಿ ದೇವದೇವೇಶ ತ್ವಯಾ ಚಿಹ್ನಮಿದಂ ಕೃತಮ್ |
ಯೇನ ಚಿಹ್ನೇನ ಲೋಕೋಯಂ ಚಿಹ್ನಿತಃ ಸ್ಯಾಜ್ಜಗತ್ಪತೆ ||
ತಸ್ಯ ತದ್ವಚನಂ ಶ್ರುತ್ವಾ ಭಗವಾನ್ವದತಾಂ ವರಃ |
ಸರ್ವಶ್ರುತಿಮಯಂ ಬ್ರಹ್ಮ ಓಮಿತಿ ವ್ಯಾಜಹಾರ ಹ ||
ಶಂಬೋರ್ವ್ಯಾಹಾರಮಾತ್ರೇಣ ವಾಗಿಯಂ ದಿವ್ಯರೂಪಣೀ |
ನಿಃಸೃತಾ ವದನಾದ್ದೇವೀ ಪ್ರಹ್ವಾ ಸಮವತಿಷ್ಠತ ||
ತಾಮುವಾಚ ತದಾ ದೇವೋ ವಾಚಾ ಸಂಜೀವಯನ್ನಿವ |
ಯಸ್ಮಾತ್ತ್ವಮಕ್ಷರೋ ಭೂತ್ವಾ ಮಮ ವಾಚೋ ವಿನಿಃಸೃತಾ |
ಸರ್ವವಿದ್ಯಾಧಿದೇವೀ ತ್ವಂ ತಸ್ಮಾದ್ದೇವಿ ಭವಿಷ್ಯಸಿ ||
ಯಸ್ಮಾದ್ಬ್ರಹ್ಮಸರಶ್ಚೇದಂ ಮುಖಂ ಮಮ ಸಮಾಶ್ರಿತಾ |
ತಸ್ಮಾತ್ಸರಸ್ವತೀತ್ಯೇವ ಲೋಕೇ ಖ್ಯಾತಿಂ ಗಮಿಷ್ಯಸಿ ||
ಇಮಂ ಲೋಕಂ ವರಾಂಭೋಭಿಃ ಪಾವಯಿತ್ವಾ ಚ ಸುಪ್ರಭೇ |
ಸರ್ವಾ/ಲ್ಲೋಕಾಂಸ್ತಾರಯಿತ್ರೀ ಪುನಸ್ತ್ವಂ ನಾತ್ರ ಸಂಶಯಃ ||
ಯಜ್ಞಭಾಗಂ ಚ ದೇವಾಸ್ತೇ ದಾಸ್ಯಂತಿ ಸಪಿತಾಮಹಾಃ |
ಪುಣ್ಯಾ ಚ ಸರ್ವಸರಿತಾಂ ಭವಿಷ್ಯಸಿ ನ ಸಂಶಯಃ ||
ತತಃ ಸಾ ಸಮನುಜ್ಞಾತಾ ಶಂಕರೇಣ ವಿಭಾವಿನೀ |
ಚಕ್ರೇ ಬ್ರಹ್ಮಸರಃ ಪುಣ್ಯಂ ಬ್ರಹ್ಮಲೋಕೇತಿಪಾವನಮ್ ||
ತೋಯಾಮೃತಸುಸಂಪೂರ್ಣಂ ಸ್ವರ್ಣಪದ್ಮೋಪಶೋಭಿತಮ್ |
ನಾನಾಪಕ್ಷಿಗಣಾಕೀರ್ಣಂ ಮೀನಸಂಕ್ಷೋಭಿತೋದಕಮ್ |
ತತೋ ವಿನಿಃಸೃತಾ ಭೂಯಃ ಸೇಮಂ ಲೋಕಮಪಾವಯತ ||
ತಂ ಗೃಹೀತ್ವಾ ಮಹಾದೇವಃ ಕಪಾಲಮಮಿತೌಜಸಮ್ |
ಇಮಂ ಲೋಕಮನುಪ್ರಾಪ್ಯ ದೇಶೇ ಶ್ರೇಷ್ಠೇವತಿಷ್ಠತ ||
ತತ್ರ ತಚ್ಚ ಮಹದ್ದಿವ್ಯಂ ಕಪಾಲಂ ದೇವತಾಧಿಪಃ |
ಸ್ಥಾಪಯಾಮಾಸ ದೀಪ್ತಾರ್ಚಿರ್ಗಣಾನಾಮಗ್ರತಃ ಪ್ರಭುಃ ||
ತತ್ಸ್ಥಾಪಿತಮಥೋ ದೃಷ್ಟ್ವಾ ಗಣಾಃ ಸರ್ವೇ ಮಹಾತ್ಮನಃ |
ಅನದನ್ಸುಮಹಾನಾದಂ ನಾದಯಂತೋ ದಿಶೋ ದಶ |
ಕ್ಷುಬ್ಧಾರ್ಣವಾಶನಿಪ್ರಖ್ಯಂ ನಭೋ ಯೇನ ವ್ಯಶೀರ್ಯತ ||
ತೇನ ಶಬ್ದೇನ ಘೋರೇಣ ಅಸುರೋ ದೇವಕಂಟಕಃ |
ಹಾಲಾಹಲ ಇತಿ ಖ್ಯಾತಸ್ತಂ ದೇಶಂ ಸೋಭ್ಯಗಚ್ಛತ ||
ಅಮೃಷ್ಯಮಾಣಃ ಕ್ರೋಧಾಂಧೋ ದುರಾತ್ಮಾ ಯಜ್ಞನಾಶಕಃ |
ಬ್ರಹ್ಮದತ್ತವರಶ್ಚೈವ ಅವಧ್ಯಃ ಸರ್ವಜಂತುಭಿಃ |
ಮಹಿಷಶ್ಛನ್ನರೂಪಾಣಾಮಸುರಾಣಾಂ ಶತೈರ್ವೃತಃ ||
ತಮಾಪತಂತಂ ಸಕ್ರೋಧಂ ಮಹಿಷಂ ದೇವಕಂಟಕಮ್ |
ಸಂಪ್ರೇಕ್ಷ್ಯಾಹ ಗಣಾಧ್ಯಕ್ಷೋ ಗಣಾನ್ಸರ್ವಾನ್ಪಿನಾಕಿನಃ ||
ದೈತ್ಯೋಯಂ ಗಣಪಾ ದುಷ್ಟಸ್ತ್ರೈಲೋಕ್ಯಸುರಕಂಟಕಃ |
ಆಯಾತಿ ತ್ವರಿತೋ ಯೂಯಂ ತಸ್ಮಾದೇನಂ ನಿಹನ್ಯಥ ||
ತತಸ್ತೇ ಗಣಪಾಃ ಸರ್ವೇ ಸಮಾಯಾಂತಂ ಸುರದ್ವಿಷಮ್ |
ಭಿತ್ತ್ವಾ ಶೋಲೇನ ಸಂಕ್ರುದ್ಧಾ ವಿಗತಾಸುಂ ಚ ಚಕ್ರಿರಾ ||
ಹತೇ ತಸ್ಮಿಂಸ್ತದಾ ದೇವೋ ದಿಶಃ ಸರ್ವಾ ಅವೈಕ್ಷತ |
ತಾಭ್ಯಃ ಪಿಶಾಚಾ ವೃತ್ತಾಸ್ಯಾಃ ಪಿಶಾಚ್ಯಶ್ಚ ಮಹಾಬಲಾಃ |
ಅಭ್ಯಗಚ್ಛಂತ ದೇವೇಶಂ ತಾಭ್ಯಸ್ತಂ ವಿನಿವೇದಯತ್ ||
ಸ ತಾಭಿರುಪಯುಕ್ತಶ್ಚ ವಿನಿಯುಕ್ತಶ್ಚ ಸರ್ವಶಃ |
ತಮೇವ ಚಾಪ್ಯಥಾವಾಸಂ ದೇವಾದಿಷ್ಟಂ ಪ್ರಪೇದಿರೇ ||
ಭಕ್ಷಯಂತಿ ಸ್ಮ ಮಹಿಷಂ ಮಿತ್ವಾ ಮಿತ್ವಾ ಯತಸ್ತು ತಾಃ |
ಕಪಾಲಮಾತರಃ ಪ್ರೋಕ್ತಾಸ್ತಸ್ಮಾದ್ದೇವೇನ ಧೀಮತಾ ||
ಕಪಾಲಂ ಸ್ಥಾಪಿತಂ ಯಸ್ಮಾತ್ತಸ್ಮಿಂದೇಶೇ ಪಿನಾಕಿನಾ |
ಮಹಾಕಪಾಲಂ ತತ್ತಸ್ಮಾತ್ತ್ರಿಷು ಲೋಕೇಷು ಗದ್ಯತೇ ||
ಸ್ಥಾಪಿತಸ್ಯ ಕಪಾಲಸ್ಯ ಯಥೋಕ್ತಮಭವತ್ತದಾ |
ಖ್ಯಾತಂ ಶಿವತಡಾಗಂ ತತ್ಸರ್ವಪಾಪಪ್ರಮೋಚನಮ್ ||
ಆಗತ್ಯಾಥ ತತೋ ಬ್ರಹ್ಮಾ ದೇವತಾನಾಂ ಗಣೈರ್ವೃತಃ |
ಕಪರ್ದಿನಮುಪಾಮಂತ್ರ್ಯ ತಂ ದೇಶಂ ಸೋನ್ವಗೃಹ್ಣತ ||
ಅರ್ಧಯೋಜನವಿಸ್ಥಿರ್ಣಂ ಕ್ಷೇತ್ರಮೇತತ್ಸಮಂತತಃ |
ಭವಿಷ್ಯತಿ ನ ಸಂದೇಹಃ ಸಿದ್ಧಕ್ಷೇತ್ರಂ ಮಹಾತ್ಮನಃ ||
ಶ್ಮೇತಿ ಹಿ ಪ್ರೋಚ್ಯತೇ ಪಾಪಂ ಕ್ಷಯಂ ಶಾನಂ ವಿದುರ್ಬುಧಾಃ |
ಧ್ಯಾನೇನ ನಿಯಮೈಶ್ಚೈವ ಶ್ಮಶಾನಂ ತೇನ ಸಂಜ್ಞಿತಮ್ |
ಗುಹ್ಯಂ ದೇವಾತಿದೇವಸ್ಯ ಪರಂ ಪ್ರಿಯಮನತ್ತಮಮ್ ||
ಏವಂ ತತ್ರ ನರಃ ಪಾಪಂ ಸರ್ವಮೇವ ಪ್ರಹಾಸ್ಯತಿ |
ತ್ರಿರಾತ್ರೋಪೋಷಿತಶ್ಚೈವ ಅರ್ಚಯಿತ್ವಾ ವೃಷಧ್ವಜಮ್ |
ರಾಜಸೂಯಾಶ್ಚಮೇಧಾಭ್ಯಾಂ ಫಲಂ ಯತ್ತದವಾಪ್ಸ್ಯತಿ ||
ಯಶ್ಚ ಪ್ರಾಣಾನ್ಪ್ರಿಯಾಂಸ್ತತ್ರ ಪರಿತ್ಯಕ್ಷ್ಯತಿ ಮಾನವಃ |
ಸ ಗುಹ್ಯಗಣದೇವಾನಾಂ ಸಮತಾ ಸಮವಾಪ್ಸ್ಯತಿ ||
ವಾಯುರುವಾಚ |
ತತಃ ಸ ತತ್ರ ಸಂಸ್ಥಾಪ್ಯ ದೇವಸ್ಯಾರ್ಚಾದ್ವಯಂ ಶುಭಮ್ |
ಶೂಲೇಶ್ವರಂ ಮಹಾಕಾಯಂ ರುದ್ರಸ್ಯಾಯತನಂ ಶುಭಮ್ ||
ತತ್ರಾಭಿಗಮನಾದೇವ ಕೃತ್ವಾ ಪಾಪಸ್ಯ ಸಂಕ್ಷಯಮ್ |
ರುದ್ರಲೋಕಮವಾಪ್ನೋತಿ ಸ ಪ್ರಾಹೈವಂ ಪಿತಮಹಃ ||
ಯತ್ರ ಚಾಪಿ ಶಿರಸ್ತಸ್ಯ ಚಿಚ್ಛೇದ ಭುವನೇಶ್ವರಃ |
ಕಶ್ಮೀರಃ ಸೋಭವನ್ನಾಮ್ನಾ ದೇಶಃ ಪುಣ್ಯತಮಃ ಸದಾ ||
ತತೋ ದೇವಃ ಸಹ ಗಣೈ ರೂಪಂ ವಿಕೃತಮಾಸ್ಥಿತಃ |
ಪಶ್ಯತಾಂ ಸರ್ವದೇವಾನಾಮಂತರ್ಧಾನಮಗಾತ್ಪ್ರಭುಃ ||
ಗತೇ ಚ ದೇವನಾಥೇಥ ಕಪಾಲಸ್ಥಾನಮವ್ಯಯಮ್ |
ಸರ್ವತೀರ್ಥಾಭಿಷೇಕಸ್ಯ ಫಲೇನ ಸಮಯೋಜಯತ್ ||
ತದದ್ಯಾಪಿ ಮಹದ್ದಿವ್ಯಂ ಸರಸ್ತತ್ರ ಪ್ರದೃಶ್ಯತೇ |
ಮಹಾಕಪಾಲಂ ವಿಪ್ರೇಂದ್ರಾಃ ಸ್ವರ್ಗಾಸ್ತತ್ರಾಕ್ಷಯಾಃ ಸ್ಮೃತಾಃ ||
ಇದಂ ಶುಭಂ ದಿವ್ಯಮಧರ್ಮನಾಸನಂ ಮಹಾಫಲಂ ಸೇಂದ್ರಸುರಾಸುರಾರ್ಚಿತಮ್ |
ಮಹಾಕಪಾಲಂ ಪ್ರಕೃತೋಪದರ್ಶನಂ ಸುರೇಶಲೋಕಾದಿವಿಗಾಹನೇ ಹಿತಮ್ ||
ತಪೋಧನೈಃ ಸಿದ್ಧಗಣೈಶ್ಚ ಸಂಸ್ತುತಂ ದಿವಿಷ್ಠತುಲ್ಯದ್ವಿಜರಾಜಮಂಡಲೇ |
ಪಠೇನ್ನರೋ ಯಃ ಶೃಣುಯಾಚ್ಚ ಸರ್ವದಾ ತ್ರಿಷಿಷ್ಟಪಂ ಗಚ್ಛತಿ ಸೋಭಿನಂದಿತಃ ||
ಇತಿ ಸ್ಕಂದಪುರಾಣೇ ಸಪ್ತಮೋಧ್ಯಾಯಃ ||
ಬ್ರಹ್ಮಲೋಕಂ ಸಮಾಸಾದ್ಯ ಭಗವಾನ್ಸರ್ವಲೋಕಪಃ |
ಭೈಕ್ಷ್ಯಂ ಭೈಕ್ಷ್ಯಮಿತಿ ಪ್ರೋಚ್ಯ ದ್ವಾರೇ ಸಮವತಿಷ್ಠತ ||
ತಂ ದೃಷ್ಟ್ವಾ ವಿಕೃತಂ ಬ್ರಹ್ಮಾ ಕಪಾಲಕರಭೂಷಣಮ್ |
ಜ್ಞಾತ್ವಾ ಯೋಗೇನ ಮಹತಾ ತುಷ್ಟಾವ ಭುವನೆಶ್ವರಮ್ ||
ತಸ್ಯ ತುಷ್ಟಸ್ತದಾ ದೇವೋ ವರದೋಸ್ಮೀತ್ಯಭಾಷತ |
ವೃಣೀಷ್ವ ವರಮವ್ಯಗ್ರೋ ಯಸ್ತೇ ಮನಸಿ ವರ್ತತೇ ||
ಬ್ರಹ್ಮೋವಾಚ |
ಇಚ್ಛಾಮಿ ದೇವದೇವೇಶ ತ್ವಯಾ ಚಿಹ್ನಮಿದಂ ಕೃತಮ್ |
ಯೇನ ಚಿಹ್ನೇನ ಲೋಕೋಯಂ ಚಿಹ್ನಿತಃ ಸ್ಯಾಜ್ಜಗತ್ಪತೆ ||
ತಸ್ಯ ತದ್ವಚನಂ ಶ್ರುತ್ವಾ ಭಗವಾನ್ವದತಾಂ ವರಃ |
ಸರ್ವಶ್ರುತಿಮಯಂ ಬ್ರಹ್ಮ ಓಮಿತಿ ವ್ಯಾಜಹಾರ ಹ ||
ಶಂಬೋರ್ವ್ಯಾಹಾರಮಾತ್ರೇಣ ವಾಗಿಯಂ ದಿವ್ಯರೂಪಣೀ |
ನಿಃಸೃತಾ ವದನಾದ್ದೇವೀ ಪ್ರಹ್ವಾ ಸಮವತಿಷ್ಠತ ||
ತಾಮುವಾಚ ತದಾ ದೇವೋ ವಾಚಾ ಸಂಜೀವಯನ್ನಿವ |
ಯಸ್ಮಾತ್ತ್ವಮಕ್ಷರೋ ಭೂತ್ವಾ ಮಮ ವಾಚೋ ವಿನಿಃಸೃತಾ |
ಸರ್ವವಿದ್ಯಾಧಿದೇವೀ ತ್ವಂ ತಸ್ಮಾದ್ದೇವಿ ಭವಿಷ್ಯಸಿ ||
ಯಸ್ಮಾದ್ಬ್ರಹ್ಮಸರಶ್ಚೇದಂ ಮುಖಂ ಮಮ ಸಮಾಶ್ರಿತಾ |
ತಸ್ಮಾತ್ಸರಸ್ವತೀತ್ಯೇವ ಲೋಕೇ ಖ್ಯಾತಿಂ ಗಮಿಷ್ಯಸಿ ||
ಇಮಂ ಲೋಕಂ ವರಾಂಭೋಭಿಃ ಪಾವಯಿತ್ವಾ ಚ ಸುಪ್ರಭೇ |
ಸರ್ವಾ/ಲ್ಲೋಕಾಂಸ್ತಾರಯಿತ್ರೀ ಪುನಸ್ತ್ವಂ ನಾತ್ರ ಸಂಶಯಃ ||
ಯಜ್ಞಭಾಗಂ ಚ ದೇವಾಸ್ತೇ ದಾಸ್ಯಂತಿ ಸಪಿತಾಮಹಾಃ |
ಪುಣ್ಯಾ ಚ ಸರ್ವಸರಿತಾಂ ಭವಿಷ್ಯಸಿ ನ ಸಂಶಯಃ ||
ತತಃ ಸಾ ಸಮನುಜ್ಞಾತಾ ಶಂಕರೇಣ ವಿಭಾವಿನೀ |
ಚಕ್ರೇ ಬ್ರಹ್ಮಸರಃ ಪುಣ್ಯಂ ಬ್ರಹ್ಮಲೋಕೇತಿಪಾವನಮ್ ||
ತೋಯಾಮೃತಸುಸಂಪೂರ್ಣಂ ಸ್ವರ್ಣಪದ್ಮೋಪಶೋಭಿತಮ್ |
ನಾನಾಪಕ್ಷಿಗಣಾಕೀರ್ಣಂ ಮೀನಸಂಕ್ಷೋಭಿತೋದಕಮ್ |
ತತೋ ವಿನಿಃಸೃತಾ ಭೂಯಃ ಸೇಮಂ ಲೋಕಮಪಾವಯತ ||
ತಂ ಗೃಹೀತ್ವಾ ಮಹಾದೇವಃ ಕಪಾಲಮಮಿತೌಜಸಮ್ |
ಇಮಂ ಲೋಕಮನುಪ್ರಾಪ್ಯ ದೇಶೇ ಶ್ರೇಷ್ಠೇವತಿಷ್ಠತ ||
ತತ್ರ ತಚ್ಚ ಮಹದ್ದಿವ್ಯಂ ಕಪಾಲಂ ದೇವತಾಧಿಪಃ |
ಸ್ಥಾಪಯಾಮಾಸ ದೀಪ್ತಾರ್ಚಿರ್ಗಣಾನಾಮಗ್ರತಃ ಪ್ರಭುಃ ||
ತತ್ಸ್ಥಾಪಿತಮಥೋ ದೃಷ್ಟ್ವಾ ಗಣಾಃ ಸರ್ವೇ ಮಹಾತ್ಮನಃ |
ಅನದನ್ಸುಮಹಾನಾದಂ ನಾದಯಂತೋ ದಿಶೋ ದಶ |
ಕ್ಷುಬ್ಧಾರ್ಣವಾಶನಿಪ್ರಖ್ಯಂ ನಭೋ ಯೇನ ವ್ಯಶೀರ್ಯತ ||
ತೇನ ಶಬ್ದೇನ ಘೋರೇಣ ಅಸುರೋ ದೇವಕಂಟಕಃ |
ಹಾಲಾಹಲ ಇತಿ ಖ್ಯಾತಸ್ತಂ ದೇಶಂ ಸೋಭ್ಯಗಚ್ಛತ ||
ಅಮೃಷ್ಯಮಾಣಃ ಕ್ರೋಧಾಂಧೋ ದುರಾತ್ಮಾ ಯಜ್ಞನಾಶಕಃ |
ಬ್ರಹ್ಮದತ್ತವರಶ್ಚೈವ ಅವಧ್ಯಃ ಸರ್ವಜಂತುಭಿಃ |
ಮಹಿಷಶ್ಛನ್ನರೂಪಾಣಾಮಸುರಾಣಾಂ ಶತೈರ್ವೃತಃ ||
ತಮಾಪತಂತಂ ಸಕ್ರೋಧಂ ಮಹಿಷಂ ದೇವಕಂಟಕಮ್ |
ಸಂಪ್ರೇಕ್ಷ್ಯಾಹ ಗಣಾಧ್ಯಕ್ಷೋ ಗಣಾನ್ಸರ್ವಾನ್ಪಿನಾಕಿನಃ ||
ದೈತ್ಯೋಯಂ ಗಣಪಾ ದುಷ್ಟಸ್ತ್ರೈಲೋಕ್ಯಸುರಕಂಟಕಃ |
ಆಯಾತಿ ತ್ವರಿತೋ ಯೂಯಂ ತಸ್ಮಾದೇನಂ ನಿಹನ್ಯಥ ||
ತತಸ್ತೇ ಗಣಪಾಃ ಸರ್ವೇ ಸಮಾಯಾಂತಂ ಸುರದ್ವಿಷಮ್ |
ಭಿತ್ತ್ವಾ ಶೋಲೇನ ಸಂಕ್ರುದ್ಧಾ ವಿಗತಾಸುಂ ಚ ಚಕ್ರಿರಾ ||
ಹತೇ ತಸ್ಮಿಂಸ್ತದಾ ದೇವೋ ದಿಶಃ ಸರ್ವಾ ಅವೈಕ್ಷತ |
ತಾಭ್ಯಃ ಪಿಶಾಚಾ ವೃತ್ತಾಸ್ಯಾಃ ಪಿಶಾಚ್ಯಶ್ಚ ಮಹಾಬಲಾಃ |
ಅಭ್ಯಗಚ್ಛಂತ ದೇವೇಶಂ ತಾಭ್ಯಸ್ತಂ ವಿನಿವೇದಯತ್ ||
ಸ ತಾಭಿರುಪಯುಕ್ತಶ್ಚ ವಿನಿಯುಕ್ತಶ್ಚ ಸರ್ವಶಃ |
ತಮೇವ ಚಾಪ್ಯಥಾವಾಸಂ ದೇವಾದಿಷ್ಟಂ ಪ್ರಪೇದಿರೇ ||
ಭಕ್ಷಯಂತಿ ಸ್ಮ ಮಹಿಷಂ ಮಿತ್ವಾ ಮಿತ್ವಾ ಯತಸ್ತು ತಾಃ |
ಕಪಾಲಮಾತರಃ ಪ್ರೋಕ್ತಾಸ್ತಸ್ಮಾದ್ದೇವೇನ ಧೀಮತಾ ||
ಕಪಾಲಂ ಸ್ಥಾಪಿತಂ ಯಸ್ಮಾತ್ತಸ್ಮಿಂದೇಶೇ ಪಿನಾಕಿನಾ |
ಮಹಾಕಪಾಲಂ ತತ್ತಸ್ಮಾತ್ತ್ರಿಷು ಲೋಕೇಷು ಗದ್ಯತೇ ||
ಸ್ಥಾಪಿತಸ್ಯ ಕಪಾಲಸ್ಯ ಯಥೋಕ್ತಮಭವತ್ತದಾ |
ಖ್ಯಾತಂ ಶಿವತಡಾಗಂ ತತ್ಸರ್ವಪಾಪಪ್ರಮೋಚನಮ್ ||
ಆಗತ್ಯಾಥ ತತೋ ಬ್ರಹ್ಮಾ ದೇವತಾನಾಂ ಗಣೈರ್ವೃತಃ |
ಕಪರ್ದಿನಮುಪಾಮಂತ್ರ್ಯ ತಂ ದೇಶಂ ಸೋನ್ವಗೃಹ್ಣತ ||
ಅರ್ಧಯೋಜನವಿಸ್ಥಿರ್ಣಂ ಕ್ಷೇತ್ರಮೇತತ್ಸಮಂತತಃ |
ಭವಿಷ್ಯತಿ ನ ಸಂದೇಹಃ ಸಿದ್ಧಕ್ಷೇತ್ರಂ ಮಹಾತ್ಮನಃ ||
ಶ್ಮೇತಿ ಹಿ ಪ್ರೋಚ್ಯತೇ ಪಾಪಂ ಕ್ಷಯಂ ಶಾನಂ ವಿದುರ್ಬುಧಾಃ |
ಧ್ಯಾನೇನ ನಿಯಮೈಶ್ಚೈವ ಶ್ಮಶಾನಂ ತೇನ ಸಂಜ್ಞಿತಮ್ |
ಗುಹ್ಯಂ ದೇವಾತಿದೇವಸ್ಯ ಪರಂ ಪ್ರಿಯಮನತ್ತಮಮ್ ||
ಏವಂ ತತ್ರ ನರಃ ಪಾಪಂ ಸರ್ವಮೇವ ಪ್ರಹಾಸ್ಯತಿ |
ತ್ರಿರಾತ್ರೋಪೋಷಿತಶ್ಚೈವ ಅರ್ಚಯಿತ್ವಾ ವೃಷಧ್ವಜಮ್ |
ರಾಜಸೂಯಾಶ್ಚಮೇಧಾಭ್ಯಾಂ ಫಲಂ ಯತ್ತದವಾಪ್ಸ್ಯತಿ ||
ಯಶ್ಚ ಪ್ರಾಣಾನ್ಪ್ರಿಯಾಂಸ್ತತ್ರ ಪರಿತ್ಯಕ್ಷ್ಯತಿ ಮಾನವಃ |
ಸ ಗುಹ್ಯಗಣದೇವಾನಾಂ ಸಮತಾ ಸಮವಾಪ್ಸ್ಯತಿ ||
ವಾಯುರುವಾಚ |
ತತಃ ಸ ತತ್ರ ಸಂಸ್ಥಾಪ್ಯ ದೇವಸ್ಯಾರ್ಚಾದ್ವಯಂ ಶುಭಮ್ |
ಶೂಲೇಶ್ವರಂ ಮಹಾಕಾಯಂ ರುದ್ರಸ್ಯಾಯತನಂ ಶುಭಮ್ ||
ತತ್ರಾಭಿಗಮನಾದೇವ ಕೃತ್ವಾ ಪಾಪಸ್ಯ ಸಂಕ್ಷಯಮ್ |
ರುದ್ರಲೋಕಮವಾಪ್ನೋತಿ ಸ ಪ್ರಾಹೈವಂ ಪಿತಮಹಃ ||
ಯತ್ರ ಚಾಪಿ ಶಿರಸ್ತಸ್ಯ ಚಿಚ್ಛೇದ ಭುವನೇಶ್ವರಃ |
ಕಶ್ಮೀರಃ ಸೋಭವನ್ನಾಮ್ನಾ ದೇಶಃ ಪುಣ್ಯತಮಃ ಸದಾ ||
ತತೋ ದೇವಃ ಸಹ ಗಣೈ ರೂಪಂ ವಿಕೃತಮಾಸ್ಥಿತಃ |
ಪಶ್ಯತಾಂ ಸರ್ವದೇವಾನಾಮಂತರ್ಧಾನಮಗಾತ್ಪ್ರಭುಃ ||
ಗತೇ ಚ ದೇವನಾಥೇಥ ಕಪಾಲಸ್ಥಾನಮವ್ಯಯಮ್ |
ಸರ್ವತೀರ್ಥಾಭಿಷೇಕಸ್ಯ ಫಲೇನ ಸಮಯೋಜಯತ್ ||
ತದದ್ಯಾಪಿ ಮಹದ್ದಿವ್ಯಂ ಸರಸ್ತತ್ರ ಪ್ರದೃಶ್ಯತೇ |
ಮಹಾಕಪಾಲಂ ವಿಪ್ರೇಂದ್ರಾಃ ಸ್ವರ್ಗಾಸ್ತತ್ರಾಕ್ಷಯಾಃ ಸ್ಮೃತಾಃ ||
ಇದಂ ಶುಭಂ ದಿವ್ಯಮಧರ್ಮನಾಸನಂ ಮಹಾಫಲಂ ಸೇಂದ್ರಸುರಾಸುರಾರ್ಚಿತಮ್ |
ಮಹಾಕಪಾಲಂ ಪ್ರಕೃತೋಪದರ್ಶನಂ ಸುರೇಶಲೋಕಾದಿವಿಗಾಹನೇ ಹಿತಮ್ ||
ತಪೋಧನೈಃ ಸಿದ್ಧಗಣೈಶ್ಚ ಸಂಸ್ತುತಂ ದಿವಿಷ್ಠತುಲ್ಯದ್ವಿಜರಾಜಮಂಡಲೇ |
ಪಠೇನ್ನರೋ ಯಃ ಶೃಣುಯಾಚ್ಚ ಸರ್ವದಾ ತ್ರಿಷಿಷ್ಟಪಂ ಗಚ್ಛತಿ ಸೋಭಿನಂದಿತಃ ||
ಇತಿ ಸ್ಕಂದಪುರಾಣೇ ಸಪ್ತಮೋಧ್ಯಾಯಃ ||
Comments
Post a Comment