ಸ್ಕಂದಪುರಾಣ ಅಧ್ಯಾಯ 12
ಸನತ್ಕುಮಾರ ಉವಾಚ |
ತತಃ ಸ ಭಗವಾಂದೇವೋ ಬ್ರಹ್ಮಾ ತಾಮಾಹ ಸುಸ್ವರಮ್ |
ದೇವಿ ಯೇನೈವ ಸೃಷ್ಟಾಸಿ ಮನಸಾ ಯಸ್ತ್ವಯಾ ವೃತಃ |
ಸ ಭರ್ತಾ ತವ ದೇವೇಶೋ ಭವಿತಾ ಮಾ ತಪಃ ಕೃಥಾಃ ||
ತತಃ ಪ್ರದಕ್ಷಿಣಂ ಕೃತ್ವಾ ಬ್ರಹ್ಮಾ ವ್ಯಾಸ ಗಿರೇಃ ಸುತಾಮ್ |
ಜಗಾಮಾದರ್ಶನಂ ತಸ್ಯಾಃ ಸಾ ಚಾಪಿ ವಿರರಾಮ ಹ ||
ಸಾ ದೇವೀ ಯುಕ್ತಮಿತ್ಯೇವಮುಕ್ತ್ವಾ ಸ್ವಸ್ಯಾಶ್ರಮಸ್ಯ ಹ |
ದ್ವಾರಿ ಜಾತಮಶೋಕಂ ವೈ ಸಮುಪಾಶ್ರಿತ್ಯ ಸಂಸ್ಥಿತಾ ||
ಅಥಾಗಾಶ್ಚಂದ್ರತಿಲಕಸ್ತ್ರಿ ದಶಾರ್ತಿಹರೋ ಹರಃ |
ವಿಕೃತಂ ರೂಪಮಾಸ್ಥಾಯ ಹ್ರಸ್ವೋ ಬಾಹುಕ ಏವ ಚ ||
ವಿಭುಗ್ನನಾಸಿಕೋ ಭೂತ್ವಾ ಕುಬ್ಜಃ ಕೇಶಾಂತಪಿಶ್ಣ್ಗಲಃ |
ಉವಾಚ ವಿಕೃತಾಸ್ಯಶ್ಚ ದೇವಿ ತ್ವಾಂ ವರಯಾಮ್ಯಹಮ್ ||
ಅಥೋಮಾ ಯೋಗಸಂಸಿದ್ಧಾ ಜ್ಞಾತ್ವಾ ಶಂಕರಮಾಗತಮ್ |
ಅಂತರ್ಭಾವಿಶುದ್ಧಾ ಸಾ ಕ್ರಿಯಾನುಷ್ಠಾನಲಿಪ್ಸಯಾ ||
ತಮುವಾಚಾರ್ಘ್ಯಮಾನಾಯ್ಯ ಮಧುಪರ್ಕೇಣ ಚೈವ ಹಿ |
ಸಂಪೂಜ್ಯ ಸಸುಖಾಸೀನಂ ಬ್ರಾಹ್ಮಣಂ ಬ್ರಾಹ್ಮಣಪ್ರಿಯಾ ||
ದೇವ್ಯುವಾಚ |
ಭಗವನ್ನಸ್ವತಂತ್ರಾಸ್ಮಿ ಪಿತಾ ಮೇಸ್ತ್ಯರಣೀ ತಥಾ |
ತೌ ಪ್ರಭೂ ಮಮ ದಾನೇ ವೈ ಕನ್ಯಾಹಂ ದ್ವಿಜಪುಂಗವ ||
ಗತ್ವಾ ಯಾಚಸ್ವ ಪಿತರಂ ಮಮ ಶೈಲೇಂದ್ರಮವ್ಯಯಮ್ |
ಸ ಚೇದ್ದದಾತಿ ಮಾಂ ವಿಪ್ರ ತುಭ್ಯಂ ತದ್ರುಚಿತಂ ಮಮ ||
ಸನತ್ಕುಮಾರ ಉವಾಚ |
ತತಃ ಸ ಭಗವಾಂದೇವಸ್ತಥೈವ ವಿಕೃತಂ ಪ್ರಭುಃ |
ಉವಾಚ ಶೈಲರಾಜಂ ತಮುಮಾಂ ಮೇ ಯಚ್ಛ ಶೈಲರಾಟ್ ||
ಸ ತಂ ವಿಕೃತರೂಪೇಣ ಜ್ಞಾತ್ವಾ ರುದ್ರಮಥಾವ್ಯಯಮ್ |
ಭೀತಃ ಶಾಪಾಚ್ಛ ವಿಮನಾ ಇದಂ ವಚನಮಬ್ರವೀತ್ ||
ಭಗವನ್ನಾವಮನ್ಯಾಮಿ ಬ್ರಾಹ್ಮಣಾನ್ಭೂಮಿದೈವತಾನ್ |
ಮನೀಷಿತಂ ತು ಯತ್ಪೂರ್ವಂ ತಚ್ಛೃಣುಷ್ವ ಮಹಾತಪಃ ||
ಸ್ವಯಂವರೋ ಮೇ ದುಹಿತುರ್ಭವಿತಾ ವಿಪ್ರಪೂಜಿತಃ |
ವರಯೇದ್ಯಂ ಸ್ವಯಂ ತತ್ರ ಸ ಭರ್ತಾಸ್ಯಾ ಭವೇದಿತಿ ||
ಸನತ್ಕುಮಾರ ಉವಾಚ |
ತಚ್ಛ್ರತ್ವಾ ಶೈಲವಚನಂ ಭಗವಾನ್ಗೋವೃಷದ್ವಜಃ |
ದೇವ್ಯಾಃ ಸಮೀಪಮಾಗತ್ಯ ಇದಮಾಹ ಮಹಾಮನಾಃ ||
ದೇವಿ ಪಿತ್ರಾ ತವಾಜ್ಞಾಪ್ತಃ ಸ್ವಯಂವರ ಇತಿ ಶ್ರುತಮ್ |
ತತ್ರ ತ್ವಂ ವರಯಿತ್ರೀ ಯಂ ಸ ತೇ ಭರ್ತಾ ಕಿಲಾನಘೇ ||
ತದಾಪೃಚ್ಛೇ ಗಮಿಷ್ಯಾಮಿ ದುರ್ಲಭಾ ತ್ವಂ ವರಾನನೇ |
ರೂಪವಂತಂ ಸಮುತ್ಸೃಜ್ಯ ವೃಣೀಥಾ ಮಾದೃಶಂ ಕಥಮ್ ||
ಸನತ್ಕುಮಾರ ಉವಾಚ |
ತೇನೋಕ್ತಾ ಸಾ ತದಾ ತತ್ರ ಭಾವಯಂತೀ ತದೀರಿತಮ್ |
ಭಾವಂ ಚ ರುದ್ರನಿಹಿತಂ ಪ್ರಸಾದಂ ಮನಸಸ್ತಥಾ ||
ಸಂಪ್ರಾಪ್ಯೋವಾಚ ದೇವೇಶಂ ಮಾ ತೇ ಭೂದ್ಬುದ್ಧಿರನ್ಯಥಾ |
ಅಹಂ ತ್ವಾಂ ವರಯಿಷ್ಯಾಮಿ ನಾನ್ಯದ್ಭೂತಂ ಕಥಂಚನ ||
ಅಥ ವಾ ತೇಸ್ತಿ ಸಂದೇಹೋ ಮಯಿ ವಿಪ್ರ ಕಥಂಚನ |
ಇಹೈವ ತ್ವಾಂ ಮಹಾಭಾಗ ವರಯಾಮಿ ಮನೋರಥಮ್ ||
ಸನತ್ಕುಮಾರ ಉವಾಚ |
ಗೃಹೀತ್ವಾ ಸ್ತಬಕಂ ಸಾ ತು ಹಸ್ತಾಭ್ಯಾಂ ತತ್ರ ಸಂಸ್ಥಿತಮ್ |
ಸ್ಕಂದೇ ಶಂಭೋ ಸಮಾದಾಯ ದೇವೀ ಪ್ರಾಹ ವೃತೋಸಿ ಮೇ ||
ತತಃ ಸ ಭಗವಾಂದೇವಸ್ತಥಾ ದೇವ್ಯಾ ವೃತಸ್ತದಾ |
ಉವಾಚ ತಮಶೋಕಂ ವೈ ವಾಚಾ ಸಂಜೀವಯನ್ನಿವ ||
ಯಸ್ಮಾತ್ತವ ಸುಪುಷ್ಟೇಣ ಸ್ತಬಕೇನ ವೃತೋ ಹ್ಯಹಮ್ |
ತಸ್ಮಾತ್ತ್ವಂ ಜರಯಾ ತ್ಯಕ್ತಃ ಅಮರಃ ಸಂಭವಿಷ್ಯಸಿ ||
ಕಾಮರೂಪಃ ಕಾಮಪುಷ್ಟಃ ಕಾಮಗೋ ದಯತೋ ಮಮ |
ಸರ್ವಾಭರಣಪುಷ್ಟಾಢ್ಯಃ ಸರ್ವವೃಕ್ಷಫಲೋಪಗಃ ||
ಸರ್ವಾನ್ನಭಕ್ಷದಶ್ಚೈವ ಅಮೃತಸ್ರವ ಏವ ಚ |
ಸರ್ವಗಂಧಶ್ಚ ದೇವ್ಯಾಸ್ತ್ವಂ ಭವಿಷ್ಯಸಿ ದೃಢಂ ಪ್ರಿಯಃ |
ನಿರ್ಭಯಃ ಸರ್ವಲೋಕೇಷು ಚರಿಷ್ಯಸಿ ಸುನಿರ್ವೃತಃ ||
ಆಶ್ರಮಂ ಚೈವಮತ್ಯರ್ಥಂ ಚಿತ್ರಕೂಟೇತಿ ವಿಶ್ರುತಮ್ |
ಯೋಭಿಯಾಸ್ಯತಿ ಪುಣ್ಯಾರ್ಥೀ ಸೋಶ್ವಮೇಧಮವಾಪ್ಸ್ಯತಿ |
ಯತ್ರ ತತ್ರ ಮೃತಶ್ಚಾಪಿ ಬ್ರಹ್ಮಲೋಕಂ ಗಮಿಷ್ಯತಿ ||
ಯಶ್ಚಾತ್ರ ನಿಯಮೈರ್ಯಕ್ತಃ ಪ್ರಾಣಾನ್ಸಮ್ಯಕ್ಪರಿತ್ಯಜೇತ್ |
ಸ ದೇವ್ಯಾಸ್ತಪಸಾ ಯುಕ್ತೋ ಮಹಾಗಣಪತಿರ್ಭವೇತ್ ||
ಸನತ್ಕುಮಾರ ಉವಾಚ |
ಏವಮುಕ್ತ್ವಾ ತದಾ ದೇವ ಆಪೃಚ್ಛ್ಯ ಹಿಮವತ್ಸುತಾಮ್ |
ಅಂತರ್ದಧೇ ಜಗತ್ಸ್ರಷ್ಟಾ ಸರ್ವಭೂತಪ ಈಶ್ವರಃ ||
ಸಾಪಿ ದೇವೀ ಗತೇ ತಸ್ಮಿನ್ಭಗವತ್ಯಮಿತಾತ್ಮನಿ |
ತತ ಏವೋನ್ಮುಖೀ ಸ್ಥಿತ್ವಾ ಶಿಲಾಯಾಂ ಸಂವಿವೇಶ ಹ ||
ಉನ್ಮುಖೀ ಸಾ ಗತೇ ತಸ್ಮಿನ್ಮಹೇಷ್ವಾಸೇ ಪ್ರಜಾಪತೌ |
ನಿಶೇವ ಚಂದ್ರರಹಿತಾ ಸಾ ಬಭೌ ವಿಮನಾಸ್ತದಾ ||
ಅಥ ಶುಶ್ರಾವ ಸಾ ಶಬ್ದಂ ಬಾಲಸ್ಯಾರ್ತಸ್ಯ ಶೈಲಜಾ |
ಸರಸ್ಯುದಕಸಂಪೂರ್ಣೇ ಸಮೀಪೇ ಚಾಶ್ರಮಸ್ಯ ಹ ||
ಸ ಕೃತ್ವಾ ಬಾಲರೂಪಂ ತು ದೇವದೇವಃ ಸ್ವಯಂ ಶಿವಃ |
ಕ್ರಿಡಾಹೇತೋಃ ಸರೋಮಧ್ಯೇ ಗ್ರಾಹಗ್ರಸ್ತೋಭವತ್ತದಾ ||
ಯೋಗಮಾಯಾಮಥಾಸ್ಥಾಯ ಪ್ರಪಂಚೋದ್ಭವಕಾರಣಮ್ |
ತದ್ರೂಪಂ ಸರಸೋ ಮಧ್ಯೇ ಕೃತ್ವೇದಂ ಸಮಭಾಷತ |
ತ್ರಾತು ಮಾಂ ಕಶ್ಚಿದೇತ್ಯೇಹ ಗ್ರಾಹೇಣ ಹೃತಚೇತಸಮ್ ||
ಧಿಕ್ಕಷ್ಟಂ ಬಾಲ ಏವಾಹಮಪ್ರಪ್ತಾರ್ಥಮನೋರಥಃ |
ಯಾಸ್ಯಾಮಿ ನಿಧನಂ ವಕ್ತ್ರೇ ಗ್ರಾಹಸ್ಯಾಸ್ಯ ದುರಾತ್ಮನಃ ||
ಶೋಚಾಮಿ ನ ಸ್ವಕಂ ದೇಹಂ ಗ್ರಾಹಗ್ರಸ್ತೋಪಿ ದುಃಖಿತಃ |
ಯಥಾ ಶೋಚಾಮಿ ಪಿತರಂ ಮಾತರಂ ಚ ತಪಸ್ವಿನೀಮ್ ||
ಮಾಂ ಶ್ರುತ್ವಾ ಗ್ರಾಹವದನೇ ಪ್ರಾಪ್ತಂ ನಿಧನಮುತ್ಸುಕೌ |
ಪ್ರಿಯಪುತ್ರಾವೇಕಪುತ್ರೌ ಪ್ರಾಣಾನ್ನೂನಂ ವಿಹಾಸ್ಯತಃ ||
ಸನತ್ಕುಮಾರ ಉವಾಚ |
ಶ್ರುತ್ವಾ ತು ದೇವೀ ತಂ ನಾದಂ ವಿಪ್ರಸ್ಯಾರ್ತಸ್ಯ ಶೋಭನಾ |
ಉತ್ಥಾಯ ಪ್ರದ್ರುತಾ ತತ್ರ ಯತ್ರ ತಿಷ್ಠತ್ಯಸೌ ದ್ವಿಜಃ ||
ಸಾಪಶ್ಯದಿಂದುವದನಾ ಬಾಲಕಂ ಚಾರುರೂಪಣಮ್ |
ಗ್ರಾಹೇಣ ಗ್ರಸ್ಯಮಾನಂ ತಂ ವೇಪಮಾನಮವಸ್ಥಿತಮ್ ||
ಸೋಪಿ ಗ್ರಾಹವರಃ ಶ್ರೀಮಾಂದೃಷ್ಟ್ವಾ ದೇವೀಮುಪಾಗತಾಮ್ |
ತಂ ಗೃಹೀತ್ವಾ ದ್ರುತಂ ಯಾತೋ ಮಧ್ಯಂ ಸರಸ ಏವ ಹ ||
ಸ ಕೃಷ್ಯಮಾಣಸ್ತೇಜಸ್ವೀ ನಾದಮಾರ್ತಂ ತದಾಕರೋತ್ |
ಅಥಾಹ ದೇವೀ ದುಃಖಾರ್ತಾ ಬಾಲಂ ದೃಷ್ಟ್ವಾ ಮಹಾವ್ರತಾ ||
ಗ್ರಾಹರಾಜ ಮಹಾಸತ್ತ್ವ ಬಾಲಕಂ ಹ್ಯೇಕಪುತ್ರಕಮ್ |
ವಿಸೃಜೈನಂ ಮಹಾದಂಷ್ಟ್ರ ಕ್ಷಿಪ್ರಂ ಭೀಮಪರಾಕ್ರಮ ||
ಗ್ರಾಹ ಉವಾಚ |
ಯೋ ದೇವಿ ದಿವಸೇ ಷಷ್ಠೇ ಪ್ರಥಮಂ ಸಮುಪೈತಿ ಮಾಮ್ |
ಸ ಆಹಾರೋ ಮಮ ಪುರಾ ವಿಹಿತೋ ಲೋಕಕರ್ತೃಭಿಃ ||
ಸೋಯಂ ಮಮ ಮಹಾಭಾಗೇ ಷಷ್ಠೇಹನಿ ಗಿರೀಂದ್ರಜೇ |
ಬ್ರಹ್ಮಣಾ ವಿಹಿತೋ ನೂನಂ ನೈನಂ ವೋಕ್ಷ್ಯೇ ಕಥಂಚನ ||
ದೇವ್ಯುವಾಚ |
ಯನ್ಮಯಾ ಹಿಮವಚ್ಛೃಶ್ಗ್ಣೇ ಚರಿತಂ ತಪ ಉತ್ತಮಮ್ |
ತೇನ ಬಾಲಮಿಮಂ ಮುಂಚ ಗ್ರಾಹರಾಜ ನಮೋಸ್ತು ತೇ ||
ಗ್ರಾಹಉವಾಚ |
ಮಾ ವ್ಯಯಂ ತಪಸೋ ದೇವಿ ಕಾರ್ಷಿಃ ಶೈಲೇಂದ್ರನಂದನೇ |
ನೈನಂ ಮೋಚಯಿತುಂ ಶಕ್ತೋ ದೇವರಾಜೋಪಿ ಸ ಸ್ವಯಮ್ ||
ಮಹ್ಯಮೀಶೇನ ತುಷ್ಟೇನ ಶರ್ವೇಣೋಗ್ರೇಣ ಶೂಲಿನಾ |
ಅಮರತ್ವಮವಧ್ಯತ್ವಮಕ್ಷಯಂ ಬಲಮೇವ ಚ ||
ಸ್ವಯಂಗ್ರಹಣವೋಕ್ಷಶ್ಚ ಜ್ಞಾನಂ ಚೈವಾವ್ಯಯಂ ಪುನಃ |
ದತ್ತಂ ತತೋ ಬ್ರವೀಮಿ ತ್ವಾಂ ನಾಯಂ ಮೋಕ್ಷಮವಾಪ್ಸ್ಯತಿ ||
ಅಥ ವಾ ತೇ ಕೃಪಾ ದೇವಿ ಭೃಶಂ ಬಾಲೇ ಶುಭಾನನೇ |
ಬ್ರವೀಮಿ ಯತ್ಕುರು ತಥಾ ತತೋ ವೋಕ್ಷಮವಾಪ್ಸ್ಯತಿ ||
ದೇವ್ಯುವಾಚ |
ಗ್ರಾಹಾಧಿಪ ವದಸ್ವಾಶು ಯತ್ಸತಾಮವಿಗರ್ಹಿತಮ್ |
ತತ್ಕೃತಂ ನಾತ್ರ ಸಂದೇಹೋ ಮಾನ್ಯಾ ಮೇ ಬ್ರಾಹ್ಮಣಾ ದೃಢಮ್ ||
ಗ್ರಾಹ ಉವಾಚ |
ಯತ್ಕೃತಂ ವೈ ತಪಃ ಕಿಂಚಿದ್ಭವತ್ಯಾ ಸ್ವಲ್ಪಮಂಶತಃ |
ತತ್ಸರ್ವಂ ಮೇ ಪ್ರಯಚ್ಛಸ್ವ ತತೋ ಮೋಕ್ಷಮವಾಪ್ಸ್ಯತಿ ||
ದೇವ್ಯುವಾಚ |
ಜನ್ಮಪ್ರಭೃತಿ ಯತ್ಪುಣ್ಯಂ ಮಹಾಗ್ರಾಹ ಕೃತಂ ಮಯಾ |
ತತ್ತೇ ಸರ್ವಂ ಮಯಾ ದತ್ತಂ ಬಾಲಂ ಮುಂಚ ಮಮಾಗ್ರತಃ ||
ಸನತ್ಕುಮಾರ ಉವಾಚ |
ಪ್ರಜಜ್ವಾಲ ತತೋ ಗ್ರಾಹಸ್ತಪಸಾ ತೇನ ಬೃಂಹಿತಃ |
ಆದಿತ್ಯ ಇವ ಮಧ್ಯಾಹ್ನೇ ದುರ್ನಿರೀಕ್ಷ್ಯಸ್ತದಾಭವತ್ ||
ಉವಾಚ ಚೇದಂ ತುಷ್ಟಾತ್ಮಾ ದೇವೀಂ ಲೋಕಸ್ಯ ಧಾರಿಣೀಮ್ |
ದೇವಿ ಕಿಂ ಕೃತಮೇತತ್ತೇ ಅನಿಶ್ಚಿತ್ಯ ಮಹಾವ್ರತೇ |
ತಪಸೋ ಹ್ಯರ್ಜನಂ ದುಃಖಂ ತಸ್ಯ ತ್ಯಾಗೋ ನ ಶಸ್ಯತೇ ||
ಗೃಹಾಣ ತಪ ಏತಶ್ಚ ಬಾಲಂ ಚೇಮುಂ ಶುಚಿಸ್ಮಿತೇ |
ತುಷ್ಟೋಸ್ಮಿ ತೇ ವಿಪ್ರಭಕ್ತ್ಯಾ ವರಂ ತಸ್ಮಾದ್ದದಾಮಿ ತೇ ||
ಸಾ ತ್ವೇವಮುಕ್ತಾ ಗ್ರಾಹೇಣ ಉವಾಚೇದಂ ಮಹಾವ್ರತಾ |
ಸುನಿಶ್ಚಿತ್ಯ ಮಹಾಗ್ರಾಹ ಕೃತಂ ಬಾಲಸ್ಯ ಮೋಕ್ಷಣಮ್ |
ನ ವಿಪ್ರೇಭ್ಯಸ್ತಪಃ ಶ್ರೇಷ್ಠಂ ಶ್ರೇಷ್ಠ ಮೇ ಬ್ರಾಹ್ಮಣಾ ಮತಾಃ ||
ದತ್ತ್ವಾ ಚಾಹಂ ನ ಗೃಹ್ಣಾಮಿ ಗ್ರಾಹೇಂದ್ರ ವಿದಿತಂ ಹಿ ತೇ |
ನ ಹಿ ಕಶ್ಚಿನ್ನರೋ ಗ್ರಾಹ ಪ್ರದತ್ತಂ ಪುನರಾಹರೇತ್ ||
ತಥೋಕ್ತಸ್ತಾಂ ಪ್ರಶಸ್ಯಾಥ ಮುಕ್ತ್ವಾ ಬಾಲಂ ನಮಸ್ಯ ಚ |
ದೇವೀಮಾದಿತ್ಯಸದ್ಭಾಸಂ ತತ್ರೈವಾಂತರಧೀಯತ ||
ಬಾಲೋಪಿ ಸರಸಸ್ತಿರೇ ಮುಕ್ತೋ ಗ್ರಾಹೇಣ ವೈ ತದಾ |
ಸ್ವಪ್ನಲಬ್ಧ ಇವಾರ್ಥೌಘಸ್ತತ್ರೈವಾಂತರಧೀಯತ ||
ತಪಸೋಥ ವ್ಯಯಂ ಮತ್ವಾ ದೇವೀ ಹಿಮಗಿರೀಂದ್ರಜಾ |
ಭೂಯ ಏವ ತಪಃ ಕರ್ತುಮಾರೇಭೇ ಯತ್ನಮಾಸ್ಥಿತಾ ||
ಕರ್ತುಕಾಮಾಂ ತಪೋ ಭೂಯೋ ಜ್ಞಾತ್ವಾ ತಾಂ ಶಂಕರಃ ಸ್ವಯಮ್ |
ಪ್ರೋವಾಚ ವಚನಂ ವ್ಯಾಸ ಮಾ ಕೃಥಾಸ್ತಪ ಇತ್ಯುತ ||
ಮಹ್ಯಮೇತತ್ತಪೋ ದೇವಿ ತ್ವಯಾ ದತ್ತಂ ಮಹಾವ್ರತೇ |
ತೇನೈವಮಕ್ಷಯಂ ತುಭ್ಯಂ ಭವಿಷ್ಯತಿ ಸಹಸ್ರಧಾ ||
ಇತಿ ಲಬ್ಧ್ವಾ ವರಂ ದೇವೀ ತಪಸೋಕ್ಷಯ್ಯಮುತ್ತಮಮ್ |
ಸ್ವಯಂವರಮುದೀಕ್ಷಂತೀ ತಸ್ಥೌ ಪ್ರೀತಿಮುದಾಯುತಾ ||
ಇದಂ ಪಠೇದ್ಯೋ ಹಿ ನರಃ ಸದೈವ ಬಾಲಾನುಭಾವಾಚರಣಂ ಹಿ ಶಂಭೋಃ |
ಸ ದೇಹಭೇದಂ ಸಮವಾಪ್ಯ ಪೋತೋ ಭವೇದ್ಗಣಸ್ತಸ್ಯ ಕುಮಾರತುಲ್ಯಃ ||
ಇತಿ ಸ್ಕಂದಪುರಾಣೇ ದ್ವಾದಶಮೋಧ್ಯಾಯಃ ||
ತತಃ ಸ ಭಗವಾಂದೇವೋ ಬ್ರಹ್ಮಾ ತಾಮಾಹ ಸುಸ್ವರಮ್ |
ದೇವಿ ಯೇನೈವ ಸೃಷ್ಟಾಸಿ ಮನಸಾ ಯಸ್ತ್ವಯಾ ವೃತಃ |
ಸ ಭರ್ತಾ ತವ ದೇವೇಶೋ ಭವಿತಾ ಮಾ ತಪಃ ಕೃಥಾಃ ||
ತತಃ ಪ್ರದಕ್ಷಿಣಂ ಕೃತ್ವಾ ಬ್ರಹ್ಮಾ ವ್ಯಾಸ ಗಿರೇಃ ಸುತಾಮ್ |
ಜಗಾಮಾದರ್ಶನಂ ತಸ್ಯಾಃ ಸಾ ಚಾಪಿ ವಿರರಾಮ ಹ ||
ಸಾ ದೇವೀ ಯುಕ್ತಮಿತ್ಯೇವಮುಕ್ತ್ವಾ ಸ್ವಸ್ಯಾಶ್ರಮಸ್ಯ ಹ |
ದ್ವಾರಿ ಜಾತಮಶೋಕಂ ವೈ ಸಮುಪಾಶ್ರಿತ್ಯ ಸಂಸ್ಥಿತಾ ||
ಅಥಾಗಾಶ್ಚಂದ್ರತಿಲಕಸ್ತ್ರಿ ದಶಾರ್ತಿಹರೋ ಹರಃ |
ವಿಕೃತಂ ರೂಪಮಾಸ್ಥಾಯ ಹ್ರಸ್ವೋ ಬಾಹುಕ ಏವ ಚ ||
ವಿಭುಗ್ನನಾಸಿಕೋ ಭೂತ್ವಾ ಕುಬ್ಜಃ ಕೇಶಾಂತಪಿಶ್ಣ್ಗಲಃ |
ಉವಾಚ ವಿಕೃತಾಸ್ಯಶ್ಚ ದೇವಿ ತ್ವಾಂ ವರಯಾಮ್ಯಹಮ್ ||
ಅಥೋಮಾ ಯೋಗಸಂಸಿದ್ಧಾ ಜ್ಞಾತ್ವಾ ಶಂಕರಮಾಗತಮ್ |
ಅಂತರ್ಭಾವಿಶುದ್ಧಾ ಸಾ ಕ್ರಿಯಾನುಷ್ಠಾನಲಿಪ್ಸಯಾ ||
ತಮುವಾಚಾರ್ಘ್ಯಮಾನಾಯ್ಯ ಮಧುಪರ್ಕೇಣ ಚೈವ ಹಿ |
ಸಂಪೂಜ್ಯ ಸಸುಖಾಸೀನಂ ಬ್ರಾಹ್ಮಣಂ ಬ್ರಾಹ್ಮಣಪ್ರಿಯಾ ||
ದೇವ್ಯುವಾಚ |
ಭಗವನ್ನಸ್ವತಂತ್ರಾಸ್ಮಿ ಪಿತಾ ಮೇಸ್ತ್ಯರಣೀ ತಥಾ |
ತೌ ಪ್ರಭೂ ಮಮ ದಾನೇ ವೈ ಕನ್ಯಾಹಂ ದ್ವಿಜಪುಂಗವ ||
ಗತ್ವಾ ಯಾಚಸ್ವ ಪಿತರಂ ಮಮ ಶೈಲೇಂದ್ರಮವ್ಯಯಮ್ |
ಸ ಚೇದ್ದದಾತಿ ಮಾಂ ವಿಪ್ರ ತುಭ್ಯಂ ತದ್ರುಚಿತಂ ಮಮ ||
ಸನತ್ಕುಮಾರ ಉವಾಚ |
ತತಃ ಸ ಭಗವಾಂದೇವಸ್ತಥೈವ ವಿಕೃತಂ ಪ್ರಭುಃ |
ಉವಾಚ ಶೈಲರಾಜಂ ತಮುಮಾಂ ಮೇ ಯಚ್ಛ ಶೈಲರಾಟ್ ||
ಸ ತಂ ವಿಕೃತರೂಪೇಣ ಜ್ಞಾತ್ವಾ ರುದ್ರಮಥಾವ್ಯಯಮ್ |
ಭೀತಃ ಶಾಪಾಚ್ಛ ವಿಮನಾ ಇದಂ ವಚನಮಬ್ರವೀತ್ ||
ಭಗವನ್ನಾವಮನ್ಯಾಮಿ ಬ್ರಾಹ್ಮಣಾನ್ಭೂಮಿದೈವತಾನ್ |
ಮನೀಷಿತಂ ತು ಯತ್ಪೂರ್ವಂ ತಚ್ಛೃಣುಷ್ವ ಮಹಾತಪಃ ||
ಸ್ವಯಂವರೋ ಮೇ ದುಹಿತುರ್ಭವಿತಾ ವಿಪ್ರಪೂಜಿತಃ |
ವರಯೇದ್ಯಂ ಸ್ವಯಂ ತತ್ರ ಸ ಭರ್ತಾಸ್ಯಾ ಭವೇದಿತಿ ||
ಸನತ್ಕುಮಾರ ಉವಾಚ |
ತಚ್ಛ್ರತ್ವಾ ಶೈಲವಚನಂ ಭಗವಾನ್ಗೋವೃಷದ್ವಜಃ |
ದೇವ್ಯಾಃ ಸಮೀಪಮಾಗತ್ಯ ಇದಮಾಹ ಮಹಾಮನಾಃ ||
ದೇವಿ ಪಿತ್ರಾ ತವಾಜ್ಞಾಪ್ತಃ ಸ್ವಯಂವರ ಇತಿ ಶ್ರುತಮ್ |
ತತ್ರ ತ್ವಂ ವರಯಿತ್ರೀ ಯಂ ಸ ತೇ ಭರ್ತಾ ಕಿಲಾನಘೇ ||
ತದಾಪೃಚ್ಛೇ ಗಮಿಷ್ಯಾಮಿ ದುರ್ಲಭಾ ತ್ವಂ ವರಾನನೇ |
ರೂಪವಂತಂ ಸಮುತ್ಸೃಜ್ಯ ವೃಣೀಥಾ ಮಾದೃಶಂ ಕಥಮ್ ||
ಸನತ್ಕುಮಾರ ಉವಾಚ |
ತೇನೋಕ್ತಾ ಸಾ ತದಾ ತತ್ರ ಭಾವಯಂತೀ ತದೀರಿತಮ್ |
ಭಾವಂ ಚ ರುದ್ರನಿಹಿತಂ ಪ್ರಸಾದಂ ಮನಸಸ್ತಥಾ ||
ಸಂಪ್ರಾಪ್ಯೋವಾಚ ದೇವೇಶಂ ಮಾ ತೇ ಭೂದ್ಬುದ್ಧಿರನ್ಯಥಾ |
ಅಹಂ ತ್ವಾಂ ವರಯಿಷ್ಯಾಮಿ ನಾನ್ಯದ್ಭೂತಂ ಕಥಂಚನ ||
ಅಥ ವಾ ತೇಸ್ತಿ ಸಂದೇಹೋ ಮಯಿ ವಿಪ್ರ ಕಥಂಚನ |
ಇಹೈವ ತ್ವಾಂ ಮಹಾಭಾಗ ವರಯಾಮಿ ಮನೋರಥಮ್ ||
ಸನತ್ಕುಮಾರ ಉವಾಚ |
ಗೃಹೀತ್ವಾ ಸ್ತಬಕಂ ಸಾ ತು ಹಸ್ತಾಭ್ಯಾಂ ತತ್ರ ಸಂಸ್ಥಿತಮ್ |
ಸ್ಕಂದೇ ಶಂಭೋ ಸಮಾದಾಯ ದೇವೀ ಪ್ರಾಹ ವೃತೋಸಿ ಮೇ ||
ತತಃ ಸ ಭಗವಾಂದೇವಸ್ತಥಾ ದೇವ್ಯಾ ವೃತಸ್ತದಾ |
ಉವಾಚ ತಮಶೋಕಂ ವೈ ವಾಚಾ ಸಂಜೀವಯನ್ನಿವ ||
ಯಸ್ಮಾತ್ತವ ಸುಪುಷ್ಟೇಣ ಸ್ತಬಕೇನ ವೃತೋ ಹ್ಯಹಮ್ |
ತಸ್ಮಾತ್ತ್ವಂ ಜರಯಾ ತ್ಯಕ್ತಃ ಅಮರಃ ಸಂಭವಿಷ್ಯಸಿ ||
ಕಾಮರೂಪಃ ಕಾಮಪುಷ್ಟಃ ಕಾಮಗೋ ದಯತೋ ಮಮ |
ಸರ್ವಾಭರಣಪುಷ್ಟಾಢ್ಯಃ ಸರ್ವವೃಕ್ಷಫಲೋಪಗಃ ||
ಸರ್ವಾನ್ನಭಕ್ಷದಶ್ಚೈವ ಅಮೃತಸ್ರವ ಏವ ಚ |
ಸರ್ವಗಂಧಶ್ಚ ದೇವ್ಯಾಸ್ತ್ವಂ ಭವಿಷ್ಯಸಿ ದೃಢಂ ಪ್ರಿಯಃ |
ನಿರ್ಭಯಃ ಸರ್ವಲೋಕೇಷು ಚರಿಷ್ಯಸಿ ಸುನಿರ್ವೃತಃ ||
ಆಶ್ರಮಂ ಚೈವಮತ್ಯರ್ಥಂ ಚಿತ್ರಕೂಟೇತಿ ವಿಶ್ರುತಮ್ |
ಯೋಭಿಯಾಸ್ಯತಿ ಪುಣ್ಯಾರ್ಥೀ ಸೋಶ್ವಮೇಧಮವಾಪ್ಸ್ಯತಿ |
ಯತ್ರ ತತ್ರ ಮೃತಶ್ಚಾಪಿ ಬ್ರಹ್ಮಲೋಕಂ ಗಮಿಷ್ಯತಿ ||
ಯಶ್ಚಾತ್ರ ನಿಯಮೈರ್ಯಕ್ತಃ ಪ್ರಾಣಾನ್ಸಮ್ಯಕ್ಪರಿತ್ಯಜೇತ್ |
ಸ ದೇವ್ಯಾಸ್ತಪಸಾ ಯುಕ್ತೋ ಮಹಾಗಣಪತಿರ್ಭವೇತ್ ||
ಸನತ್ಕುಮಾರ ಉವಾಚ |
ಏವಮುಕ್ತ್ವಾ ತದಾ ದೇವ ಆಪೃಚ್ಛ್ಯ ಹಿಮವತ್ಸುತಾಮ್ |
ಅಂತರ್ದಧೇ ಜಗತ್ಸ್ರಷ್ಟಾ ಸರ್ವಭೂತಪ ಈಶ್ವರಃ ||
ಸಾಪಿ ದೇವೀ ಗತೇ ತಸ್ಮಿನ್ಭಗವತ್ಯಮಿತಾತ್ಮನಿ |
ತತ ಏವೋನ್ಮುಖೀ ಸ್ಥಿತ್ವಾ ಶಿಲಾಯಾಂ ಸಂವಿವೇಶ ಹ ||
ಉನ್ಮುಖೀ ಸಾ ಗತೇ ತಸ್ಮಿನ್ಮಹೇಷ್ವಾಸೇ ಪ್ರಜಾಪತೌ |
ನಿಶೇವ ಚಂದ್ರರಹಿತಾ ಸಾ ಬಭೌ ವಿಮನಾಸ್ತದಾ ||
ಅಥ ಶುಶ್ರಾವ ಸಾ ಶಬ್ದಂ ಬಾಲಸ್ಯಾರ್ತಸ್ಯ ಶೈಲಜಾ |
ಸರಸ್ಯುದಕಸಂಪೂರ್ಣೇ ಸಮೀಪೇ ಚಾಶ್ರಮಸ್ಯ ಹ ||
ಸ ಕೃತ್ವಾ ಬಾಲರೂಪಂ ತು ದೇವದೇವಃ ಸ್ವಯಂ ಶಿವಃ |
ಕ್ರಿಡಾಹೇತೋಃ ಸರೋಮಧ್ಯೇ ಗ್ರಾಹಗ್ರಸ್ತೋಭವತ್ತದಾ ||
ಯೋಗಮಾಯಾಮಥಾಸ್ಥಾಯ ಪ್ರಪಂಚೋದ್ಭವಕಾರಣಮ್ |
ತದ್ರೂಪಂ ಸರಸೋ ಮಧ್ಯೇ ಕೃತ್ವೇದಂ ಸಮಭಾಷತ |
ತ್ರಾತು ಮಾಂ ಕಶ್ಚಿದೇತ್ಯೇಹ ಗ್ರಾಹೇಣ ಹೃತಚೇತಸಮ್ ||
ಧಿಕ್ಕಷ್ಟಂ ಬಾಲ ಏವಾಹಮಪ್ರಪ್ತಾರ್ಥಮನೋರಥಃ |
ಯಾಸ್ಯಾಮಿ ನಿಧನಂ ವಕ್ತ್ರೇ ಗ್ರಾಹಸ್ಯಾಸ್ಯ ದುರಾತ್ಮನಃ ||
ಶೋಚಾಮಿ ನ ಸ್ವಕಂ ದೇಹಂ ಗ್ರಾಹಗ್ರಸ್ತೋಪಿ ದುಃಖಿತಃ |
ಯಥಾ ಶೋಚಾಮಿ ಪಿತರಂ ಮಾತರಂ ಚ ತಪಸ್ವಿನೀಮ್ ||
ಮಾಂ ಶ್ರುತ್ವಾ ಗ್ರಾಹವದನೇ ಪ್ರಾಪ್ತಂ ನಿಧನಮುತ್ಸುಕೌ |
ಪ್ರಿಯಪುತ್ರಾವೇಕಪುತ್ರೌ ಪ್ರಾಣಾನ್ನೂನಂ ವಿಹಾಸ್ಯತಃ ||
ಸನತ್ಕುಮಾರ ಉವಾಚ |
ಶ್ರುತ್ವಾ ತು ದೇವೀ ತಂ ನಾದಂ ವಿಪ್ರಸ್ಯಾರ್ತಸ್ಯ ಶೋಭನಾ |
ಉತ್ಥಾಯ ಪ್ರದ್ರುತಾ ತತ್ರ ಯತ್ರ ತಿಷ್ಠತ್ಯಸೌ ದ್ವಿಜಃ ||
ಸಾಪಶ್ಯದಿಂದುವದನಾ ಬಾಲಕಂ ಚಾರುರೂಪಣಮ್ |
ಗ್ರಾಹೇಣ ಗ್ರಸ್ಯಮಾನಂ ತಂ ವೇಪಮಾನಮವಸ್ಥಿತಮ್ ||
ಸೋಪಿ ಗ್ರಾಹವರಃ ಶ್ರೀಮಾಂದೃಷ್ಟ್ವಾ ದೇವೀಮುಪಾಗತಾಮ್ |
ತಂ ಗೃಹೀತ್ವಾ ದ್ರುತಂ ಯಾತೋ ಮಧ್ಯಂ ಸರಸ ಏವ ಹ ||
ಸ ಕೃಷ್ಯಮಾಣಸ್ತೇಜಸ್ವೀ ನಾದಮಾರ್ತಂ ತದಾಕರೋತ್ |
ಅಥಾಹ ದೇವೀ ದುಃಖಾರ್ತಾ ಬಾಲಂ ದೃಷ್ಟ್ವಾ ಮಹಾವ್ರತಾ ||
ಗ್ರಾಹರಾಜ ಮಹಾಸತ್ತ್ವ ಬಾಲಕಂ ಹ್ಯೇಕಪುತ್ರಕಮ್ |
ವಿಸೃಜೈನಂ ಮಹಾದಂಷ್ಟ್ರ ಕ್ಷಿಪ್ರಂ ಭೀಮಪರಾಕ್ರಮ ||
ಗ್ರಾಹ ಉವಾಚ |
ಯೋ ದೇವಿ ದಿವಸೇ ಷಷ್ಠೇ ಪ್ರಥಮಂ ಸಮುಪೈತಿ ಮಾಮ್ |
ಸ ಆಹಾರೋ ಮಮ ಪುರಾ ವಿಹಿತೋ ಲೋಕಕರ್ತೃಭಿಃ ||
ಸೋಯಂ ಮಮ ಮಹಾಭಾಗೇ ಷಷ್ಠೇಹನಿ ಗಿರೀಂದ್ರಜೇ |
ಬ್ರಹ್ಮಣಾ ವಿಹಿತೋ ನೂನಂ ನೈನಂ ವೋಕ್ಷ್ಯೇ ಕಥಂಚನ ||
ದೇವ್ಯುವಾಚ |
ಯನ್ಮಯಾ ಹಿಮವಚ್ಛೃಶ್ಗ್ಣೇ ಚರಿತಂ ತಪ ಉತ್ತಮಮ್ |
ತೇನ ಬಾಲಮಿಮಂ ಮುಂಚ ಗ್ರಾಹರಾಜ ನಮೋಸ್ತು ತೇ ||
ಗ್ರಾಹಉವಾಚ |
ಮಾ ವ್ಯಯಂ ತಪಸೋ ದೇವಿ ಕಾರ್ಷಿಃ ಶೈಲೇಂದ್ರನಂದನೇ |
ನೈನಂ ಮೋಚಯಿತುಂ ಶಕ್ತೋ ದೇವರಾಜೋಪಿ ಸ ಸ್ವಯಮ್ ||
ಮಹ್ಯಮೀಶೇನ ತುಷ್ಟೇನ ಶರ್ವೇಣೋಗ್ರೇಣ ಶೂಲಿನಾ |
ಅಮರತ್ವಮವಧ್ಯತ್ವಮಕ್ಷಯಂ ಬಲಮೇವ ಚ ||
ಸ್ವಯಂಗ್ರಹಣವೋಕ್ಷಶ್ಚ ಜ್ಞಾನಂ ಚೈವಾವ್ಯಯಂ ಪುನಃ |
ದತ್ತಂ ತತೋ ಬ್ರವೀಮಿ ತ್ವಾಂ ನಾಯಂ ಮೋಕ್ಷಮವಾಪ್ಸ್ಯತಿ ||
ಅಥ ವಾ ತೇ ಕೃಪಾ ದೇವಿ ಭೃಶಂ ಬಾಲೇ ಶುಭಾನನೇ |
ಬ್ರವೀಮಿ ಯತ್ಕುರು ತಥಾ ತತೋ ವೋಕ್ಷಮವಾಪ್ಸ್ಯತಿ ||
ದೇವ್ಯುವಾಚ |
ಗ್ರಾಹಾಧಿಪ ವದಸ್ವಾಶು ಯತ್ಸತಾಮವಿಗರ್ಹಿತಮ್ |
ತತ್ಕೃತಂ ನಾತ್ರ ಸಂದೇಹೋ ಮಾನ್ಯಾ ಮೇ ಬ್ರಾಹ್ಮಣಾ ದೃಢಮ್ ||
ಗ್ರಾಹ ಉವಾಚ |
ಯತ್ಕೃತಂ ವೈ ತಪಃ ಕಿಂಚಿದ್ಭವತ್ಯಾ ಸ್ವಲ್ಪಮಂಶತಃ |
ತತ್ಸರ್ವಂ ಮೇ ಪ್ರಯಚ್ಛಸ್ವ ತತೋ ಮೋಕ್ಷಮವಾಪ್ಸ್ಯತಿ ||
ದೇವ್ಯುವಾಚ |
ಜನ್ಮಪ್ರಭೃತಿ ಯತ್ಪುಣ್ಯಂ ಮಹಾಗ್ರಾಹ ಕೃತಂ ಮಯಾ |
ತತ್ತೇ ಸರ್ವಂ ಮಯಾ ದತ್ತಂ ಬಾಲಂ ಮುಂಚ ಮಮಾಗ್ರತಃ ||
ಸನತ್ಕುಮಾರ ಉವಾಚ |
ಪ್ರಜಜ್ವಾಲ ತತೋ ಗ್ರಾಹಸ್ತಪಸಾ ತೇನ ಬೃಂಹಿತಃ |
ಆದಿತ್ಯ ಇವ ಮಧ್ಯಾಹ್ನೇ ದುರ್ನಿರೀಕ್ಷ್ಯಸ್ತದಾಭವತ್ ||
ಉವಾಚ ಚೇದಂ ತುಷ್ಟಾತ್ಮಾ ದೇವೀಂ ಲೋಕಸ್ಯ ಧಾರಿಣೀಮ್ |
ದೇವಿ ಕಿಂ ಕೃತಮೇತತ್ತೇ ಅನಿಶ್ಚಿತ್ಯ ಮಹಾವ್ರತೇ |
ತಪಸೋ ಹ್ಯರ್ಜನಂ ದುಃಖಂ ತಸ್ಯ ತ್ಯಾಗೋ ನ ಶಸ್ಯತೇ ||
ಗೃಹಾಣ ತಪ ಏತಶ್ಚ ಬಾಲಂ ಚೇಮುಂ ಶುಚಿಸ್ಮಿತೇ |
ತುಷ್ಟೋಸ್ಮಿ ತೇ ವಿಪ್ರಭಕ್ತ್ಯಾ ವರಂ ತಸ್ಮಾದ್ದದಾಮಿ ತೇ ||
ಸಾ ತ್ವೇವಮುಕ್ತಾ ಗ್ರಾಹೇಣ ಉವಾಚೇದಂ ಮಹಾವ್ರತಾ |
ಸುನಿಶ್ಚಿತ್ಯ ಮಹಾಗ್ರಾಹ ಕೃತಂ ಬಾಲಸ್ಯ ಮೋಕ್ಷಣಮ್ |
ನ ವಿಪ್ರೇಭ್ಯಸ್ತಪಃ ಶ್ರೇಷ್ಠಂ ಶ್ರೇಷ್ಠ ಮೇ ಬ್ರಾಹ್ಮಣಾ ಮತಾಃ ||
ದತ್ತ್ವಾ ಚಾಹಂ ನ ಗೃಹ್ಣಾಮಿ ಗ್ರಾಹೇಂದ್ರ ವಿದಿತಂ ಹಿ ತೇ |
ನ ಹಿ ಕಶ್ಚಿನ್ನರೋ ಗ್ರಾಹ ಪ್ರದತ್ತಂ ಪುನರಾಹರೇತ್ ||
ತಥೋಕ್ತಸ್ತಾಂ ಪ್ರಶಸ್ಯಾಥ ಮುಕ್ತ್ವಾ ಬಾಲಂ ನಮಸ್ಯ ಚ |
ದೇವೀಮಾದಿತ್ಯಸದ್ಭಾಸಂ ತತ್ರೈವಾಂತರಧೀಯತ ||
ಬಾಲೋಪಿ ಸರಸಸ್ತಿರೇ ಮುಕ್ತೋ ಗ್ರಾಹೇಣ ವೈ ತದಾ |
ಸ್ವಪ್ನಲಬ್ಧ ಇವಾರ್ಥೌಘಸ್ತತ್ರೈವಾಂತರಧೀಯತ ||
ತಪಸೋಥ ವ್ಯಯಂ ಮತ್ವಾ ದೇವೀ ಹಿಮಗಿರೀಂದ್ರಜಾ |
ಭೂಯ ಏವ ತಪಃ ಕರ್ತುಮಾರೇಭೇ ಯತ್ನಮಾಸ್ಥಿತಾ ||
ಕರ್ತುಕಾಮಾಂ ತಪೋ ಭೂಯೋ ಜ್ಞಾತ್ವಾ ತಾಂ ಶಂಕರಃ ಸ್ವಯಮ್ |
ಪ್ರೋವಾಚ ವಚನಂ ವ್ಯಾಸ ಮಾ ಕೃಥಾಸ್ತಪ ಇತ್ಯುತ ||
ಮಹ್ಯಮೇತತ್ತಪೋ ದೇವಿ ತ್ವಯಾ ದತ್ತಂ ಮಹಾವ್ರತೇ |
ತೇನೈವಮಕ್ಷಯಂ ತುಭ್ಯಂ ಭವಿಷ್ಯತಿ ಸಹಸ್ರಧಾ ||
ಇತಿ ಲಬ್ಧ್ವಾ ವರಂ ದೇವೀ ತಪಸೋಕ್ಷಯ್ಯಮುತ್ತಮಮ್ |
ಸ್ವಯಂವರಮುದೀಕ್ಷಂತೀ ತಸ್ಥೌ ಪ್ರೀತಿಮುದಾಯುತಾ ||
ಇದಂ ಪಠೇದ್ಯೋ ಹಿ ನರಃ ಸದೈವ ಬಾಲಾನುಭಾವಾಚರಣಂ ಹಿ ಶಂಭೋಃ |
ಸ ದೇಹಭೇದಂ ಸಮವಾಪ್ಯ ಪೋತೋ ಭವೇದ್ಗಣಸ್ತಸ್ಯ ಕುಮಾರತುಲ್ಯಃ ||
ಇತಿ ಸ್ಕಂದಪುರಾಣೇ ದ್ವಾದಶಮೋಧ್ಯಾಯಃ ||
Comments
Post a Comment