ಸ್ಕಂದಪುರಾಣ ಅಧ್ಯಾಯ 9
ಸನತ್ಕುಮಾರ ಉವಾಚ |
ತೇ ದೃಷ್ಟ್ವಾ ದೇವದೇವೇಶಂ ಸರ್ವೇ ಸಬ್ರಹ್ಮಕಾಃ ಸುರಾಃ |
ಅಸ್ತುವನ್ವಾಗ್ಭಿರಿಷ್ಟಾಭಿಃ ಪ್ರಣಮ್ಯ ವೃಷವಾಹನಮ್ ||
ಪಿತಾಮಹ ಉವಾಚ |
ನಮಃ ಶಿವಾಯ ಸೋಮಾಯ ಭಕ್ತಾನಾಂ ಭಯಹಾರಿಣೇ |
ನಮಃ ಶೂಲಾಗ್ರಹಸ್ತಾಯ ಕಮಂಡಲುಧರಾಯ ಚ ||
ದಂಡಿನೇ ನೀಲಕಂಠಾಯ ಕರಾಲದಶನಾಯ ಚ |
ತ್ರೇತಾಗ್ನಿದೀಪ್ತನೇತ್ರಾಯ ತ್ರಿನೇತ್ರಾಯ ಹರಾಯ ಚ ||
ನಮಃ ಪಿನಾಕಿನೇ ಚೈವ ನಮೋಸ್ತ್ವಶನಿಧಾರಿಣೇ |
ವ್ಯಾಲಯಜ್ಞೋಪವೀತಾಯ ಕುಂಡಲಾಭರಣಾಯ ಚ ||
ನಮಶ್ಚಕ್ರಧರಾಯೈವ ವ್ಯಾಘ್ರಚರ್ಮಧರಾಯ ಚ |
ಕೃಷ್ಣಾಜಿನೋತ್ತರೀಯಾಯ ಸರ್ಪಮೇಖಲಿನೇ ತಥಾ ||
ವರದಾತ್ರೇ ಚ ರುದ್ರಾಯ ಸರಸ್ವತೀಸೃಜೇ ತಥಾ |
ಸೋಮಸೂರ್ಯರ್ಕ್ಷಮಾಲಾಯ ಅಕ್ಷಸೂತ್ರಕರಾಯ ಚ ||
ಜ್ವಾಲಾಮಾಲಾಸಹಸ್ರಾಯ ಊರ್ಧ್ವಲಿಶ್ಣ್ಗಾಯ ವೈ ನಮಃ |
ನಮಃ ಪರ್ವತವಾಸಾಯ ಶಿರೋಹರ್ತ್ರೇ ಚ ಮೇ ಪುರಾ ||
ಹಾಲಾಹಲವಿನಾಶಾಯ ಕಪಾಲವರಧಾರಿಣೇ |
ವಿಮಾನವರವಾಹಾಯ ಜನಕಾಯ ಮಮೈವ ಚ |
ವರದಾಯ ವರಿಷ್ಠಾಯ ಶ್ಮಶಾನರತಯೇ ನಮಃ ||
ನಮೋ ನರಸ್ಯ ಕರ್ತ್ರೇ ಚ ಸ್ಥಿತಿಕರ್ತ್ರೇ ನಮಃ ಸದಾ |
ಉತ್ಪತ್ತಿಪ್ರಲಯಾನಾಂ ಚ ಕರ್ತ್ರೇ ಸರ್ವಸಹಾಯ ಚ ||
ಋಷಿದೈವತನಾಥಾಯ ಸರ್ವಭೂತಾಧಿಪಾಯ ಚ |
ಶಿವಃ ಸೌಮ್ಯಶ್ಚ ದೇವೇಶ ಭವ ನೋ ಭಕ್ತವತ್ಸಲ ||
ಸನತ್ಕುಮಾರ ಉವಾಚ |
ಬ್ರಹ್ಮಣ್ಯಥೈವಂ ಸ್ತುವತಿ ದೇವದೇವಃ ಸ ಲೋಕಪಃ |
ಉವಾಚ ತುಷ್ಟಸ್ತಾಂದೇವಾನೃಷೀಂಶ್ಚ ತಪಸೈಧಿತಾನ್ ||
ತುಷ್ಟೋಸ್ಮ್ಯನೇನ ವಃ ಸಮ್ಯಕ್ತಪಸಾ ಋಷಿದೇವತಾಃ |
ವರಂ ಬ್ರೂತ ಪ್ರದಾಸ್ಯಾಮಿ ಸುನಿಶ್ಚಿಂತ್ಯ ಸ ಉಚ್ಯತಾಮ್ ||
ಸನತ್ಕುಮಾರ ಉವಾಚ |
ಅಥ ಸರ್ವಾನಭಿಪ್ರೇಕ್ಷ್ಯ ಸಂತುಷ್ಟಾಂಸ್ತಪಸೈಧಿತಾನ್ |
ದರ್ಶನೇನೈವ ವಿಪ್ರೇಂದ್ರ ಬ್ರಹ್ಮಾ ವಚನಮಬ್ರವೀತ್ ||
ಬ್ರಹ್ಮೋವಾಚ |
ಯದಿ ತುಷ್ಟೋಸಿ ದೇವೇಶ ಯದಿ ದೇಯೋ ವರಶ್ಚ ನಃ |
ತಸ್ಮಾಚ್ಛಿವಶ್ಚ ಸೌಮ್ಯಶ್ಚ ದೃಶ್ಯಶ್ಚೈವ ಭವಸ್ವ ನಃ ||
ಸುಖಸಂವ್ಯವಹಾರ್ಯಶ್ಚ ನಿತ್ಯಂ ತುಷ್ಟಮಸಾಸ್ತಥಾ |
ಸರ್ವಕಾರ್ಯೇಷು ಚ ಸದಾ ಹಿತಃ ಪಥ್ಯಶ್ಚ ಶಂಕರಃ ||
ಸಹ ದೇವ್ಯಾ ಸಸೂನುಶ್ಚ ಸಹ ದೇವಗಣೈರಪಿ |
ಏಷ ನೋ ದೀಯತಾಂ ದೇವ ವರೋ ವರಸಹಸ್ರದ ||
ಸನತ್ಕುಮಾರ ಉವಾಚ |
ಏವಮುಕ್ತಃ ಭಗವಾನ್ಬ್ರಹ್ಮಣಾ ದೇವಸತ್ತಮಃ |
ಸ್ವಕಂ ತೇಜೋ ಮಹದ್ದಿವ್ಯಂ ವ್ಯಸೃಜತ್ಸರ್ವಯೋಗವಿತ್ ||
ಅರ್ಧೇನ ತೇಜಸಃ ಸ್ವಸ್ಯ ಮುಖಾದುಲ್ಕಾಂ ಸಸರ್ಜ ಹ |
ತಾಮಾಹ ಭವ ನಾರೀತಿ ಭಗವಾನ್ವಿಶ್ವರೂಪಧೃಕ್ ||
ಸಾಕಾಶಂ ದ್ಯಾಂ ಚ ಭೂಮಿಂ ಚ ಮಹಿಮ್ನಾ ವ್ಯಾಪ್ಯ ವಿಷ್ಠಿತಾ |
ಉಪತಸ್ಥೇ ಚ ದೇವೇಶಂ ದೀಪ್ಯಮಾನಾ ಯಥಾ ತಡಿತ್ ||
ತಾಮಾಹ ಪ್ರಹಸಂದೇವೋ ದೇವೀಂ ಕಮಲಲೋಚನಾಮ್ |
ಬ್ರಹ್ಮಾಣಂ ದೇವಿ ವರದಮಾರಾಧಯ ಶುಚಿಸ್ಮಿತೇ ||
ಸಾ ತಥೇತಿ ಪ್ರತಿಜ್ಞಾಯ ತಪಸ್ತಪ್ತುಂ ಪ್ರಚಕ್ರಮೇ |
ರುದ್ರಶ್ಚ ತಾನೃಷೀನಾಹ ಶೃಣುಧ್ವಂ ಮಮ ತೋಷಣೇ |
ಫಲಂ ಫಲವತಾಂ ಶ್ರೇಷ್ಠಾ ಯದ್ಬ್ರವೀಮಿ ತಪೋಧನಾಃ ||
ಅಮರಾ ಜರಯಾ ತ್ಯಕ್ತಾ ಅರೋಗಾ ಜನ್ಮವರ್ಜಿತಾಃ |
ಮದ್ಭಕ್ತಾಸ್ತಪಸಾ ಯುಕ್ತಾ ಇಹೈವ ಚ ನಿವತ್ಸ್ಯಥ ||
ಅಯಂ ಚೈವಾಶ್ರಮಃ ಶ್ರೇಷ್ಠಃ ಸ್ವರ್ಣಶೃಶ್ಣ್ಗೋಚಲೋತ್ತಮಃ |
ಪುಣ್ಯಂ ಪವಿತ್ರಂ ಸ್ಥಾನಂ ವೈ ಭವಿಷ್ಯತಿ ನ ಸಂಶಯಃ ||
ಮೈನಾಕೇ ಪರ್ವತೇ ಶ್ರೇಷ್ಠೇ ಸ್ವರ್ಣೋಹಮಭವಂ ಯತಃ |
ಸ್ವರ್ಣಾಕ್ಷೀಂ ಚಾಸೃಜಂ ಚಾಸೃಜಂ ದೇವೀಂ ಸ್ವರ್ಣಾಕ್ಷಂ ತೇನ ತತ್ಸ್ಮೃತಮ್ ||
ಸ್ವರ್ಣಾಕ್ಷೇ ಋಷಯೋ ಯೂಯಂ ಷಟ್ಕುಲೀಯಾಸ್ತಪೋಧನಾಃ |
ನಿವತ್ಸ್ಯಥ ಮಯಾಜ್ಞಪ್ತಾಃ ಸ್ವರ್ಣಾಕ್ಷಂ ವೈ ತತಶ್ಚ ಹ |
ಸಮಂತಾದ್ಯೋಜನಂ ಕ್ಷೇತ್ರಂ ಪವಿತ್ರಂ ತನ್ನ ಸಂಶಯಃ ||
ದೇವಗಂಧರ್ವಚರಿತಮಪ್ಸರೋಗಣಸೇವಿತಮ್ |
ಸಿಂಹೇಭಶರಭಾಕೀರ್ಣ ಶಾರ್ದೂಲರ್ಕ್ಷಮೃಗಾಕುಲಮ್ |
ಅನೇಕವಿಹಗಾಕೀರ್ಣಂ ಲತಾವೃಕ್ಷಕ್ಷುಪಾಕುಲಮ್ ||
ಬ್ರಹ್ಮಚಾರೀ ನಿಯಮವಾಂಜಿತಕ್ರೋಧೋ ಜಿತೇಂದ್ರಿಯಃ |
ಉಪೋಷ್ಯ ತ್ರಿಗುಣಾಂ ರಾತ್ರಿಂ ಚರುಂ ಕೃತ್ವಾ ನಿವೇದ್ಯ ಚ |
ಯತ್ರ ತತ್ರ ಮೃತಃ ಸೋಪಿ ಬ್ರಹ್ಮಲೋಕೇ ನಿವತ್ಸ್ಯತಿ ||
ಯೋಪ್ಯೇವಮೇವ ಕಾಮಾತ್ಮ ಪಶ್ಯೇತ್ತತ್ರ ವೃಷಧ್ವಜಮ್ |
ಗೋಸಹಸ್ರಫಲಂ ಸೋಪಿ ಮತ್ಪ್ರಸಾದಾದವಾಪ್ಸ್ಯತಿ |
ನಿಯಮೇನ ಮೃತಶ್ಚಾತ್ರ ಮಯಾ ಸಹ ಚರಿಷ್ಯತಿ ||
ಯೋಪ್ಯೇವಮೇವ ಕಾಮಾತ್ಮಾ ಪಶ್ಯೇತ್ತತ್ರ ವೃಷಧ್ವಜಮ್ |
ಗೋಸಹಸ್ರಫಲಂ ಸೋಪಿ ಮತ್ಪ್ರಸಾದಾದವಾಪ್ಸ್ಯತಿ |
ನಿಯಮೇನ ಮೃತಶ್ಚಾತ್ರ ಮಯಾ ಸಹ ಚರಿಷ್ಯತಿ ||
ಯಾವತ್ಸ್ಥಾಸ್ಯಂತಿ ಲೋಕಾಶ್ಚ ಮೈನಾಕಶ್ಚಾಪ್ಯಯಂ ಗಿರಿಃ |
ತಾವತ್ಸಹ ಮಯಾ ದೇವಾ ಮತ್ಪ್ರಸಾದಾಚ್ಚರಿಷ್ಯಥ ||
ಏವಂ ಸ ತಾನೃಷೀನುಕ್ತ್ವಾ ದೃಷ್ಟ್ವಾ ಸೌಮ್ಯೇನ ಚಕ್ಷುಷಾ |
ಪಶ್ಯತಾಮೇವ ಸರ್ವೇಷಾಂ ತತ್ರೈವಾಂತರಧೀಯತ ||
ಸನತ್ಕುಮಾರ ಉವಾಚ |
ಯ ಇಮಂ ಶೃಣುಯಾನ್ಮರ್ತ್ಯೋ ದ್ವಿಜಾತೀಂಛ್ರಾವಯೇತ ವಾ |
ಸೋಪಿ ತತ್ಫಲಮಾಸಾದ್ಯ ಚರೇನೃ್ಮತ್ಯುವಿವರ್ಜಿತಃ ||
ಜಯತಿ ಜಲದವಾಹಃ ಸರ್ವಭೂತಾಂತಕಾಲಃ ಶಮದಮನಿಯತಾನಾಂ ಕ್ಲೇಶಹರ್ತಾ ಯತೀನಾಮ್ |
ಜನನಮರಣಹರ್ತಾ ಜೇಷ್ಟತಾಂ ಧಾರ್ಮಿಕಾಣಾಂ ವಿವಿಧಕರಣಯುಕ್ತಃ ಖೇಚರಃ ಪಾದಚಾರೀ ||
ಮದನಪುರವಿದಾರೀ ನೇತ್ರದಂತಾವಪಾತೀ ವಿಗತಭಯವಿಷಾದಃ ಸರ್ವಭೂತಪ್ರಚೇತಾಃ |
ಸತತಮಭಿದಧಾನಶ್ಚೇಕಿತಾನಾತ್ಮಚಿತ್ತಃ ಕರಚರಣಲಲಾಮಃ ಸರ್ವದೃಗ್ದೇವದೇವಃ ||
ಇತಿ ಸ್ಕಂದಪುರಾಣೇ ನವಮೋಧ್ಯಾಯಃ ||
ತೇ ದೃಷ್ಟ್ವಾ ದೇವದೇವೇಶಂ ಸರ್ವೇ ಸಬ್ರಹ್ಮಕಾಃ ಸುರಾಃ |
ಅಸ್ತುವನ್ವಾಗ್ಭಿರಿಷ್ಟಾಭಿಃ ಪ್ರಣಮ್ಯ ವೃಷವಾಹನಮ್ ||
ಪಿತಾಮಹ ಉವಾಚ |
ನಮಃ ಶಿವಾಯ ಸೋಮಾಯ ಭಕ್ತಾನಾಂ ಭಯಹಾರಿಣೇ |
ನಮಃ ಶೂಲಾಗ್ರಹಸ್ತಾಯ ಕಮಂಡಲುಧರಾಯ ಚ ||
ದಂಡಿನೇ ನೀಲಕಂಠಾಯ ಕರಾಲದಶನಾಯ ಚ |
ತ್ರೇತಾಗ್ನಿದೀಪ್ತನೇತ್ರಾಯ ತ್ರಿನೇತ್ರಾಯ ಹರಾಯ ಚ ||
ನಮಃ ಪಿನಾಕಿನೇ ಚೈವ ನಮೋಸ್ತ್ವಶನಿಧಾರಿಣೇ |
ವ್ಯಾಲಯಜ್ಞೋಪವೀತಾಯ ಕುಂಡಲಾಭರಣಾಯ ಚ ||
ನಮಶ್ಚಕ್ರಧರಾಯೈವ ವ್ಯಾಘ್ರಚರ್ಮಧರಾಯ ಚ |
ಕೃಷ್ಣಾಜಿನೋತ್ತರೀಯಾಯ ಸರ್ಪಮೇಖಲಿನೇ ತಥಾ ||
ವರದಾತ್ರೇ ಚ ರುದ್ರಾಯ ಸರಸ್ವತೀಸೃಜೇ ತಥಾ |
ಸೋಮಸೂರ್ಯರ್ಕ್ಷಮಾಲಾಯ ಅಕ್ಷಸೂತ್ರಕರಾಯ ಚ ||
ಜ್ವಾಲಾಮಾಲಾಸಹಸ್ರಾಯ ಊರ್ಧ್ವಲಿಶ್ಣ್ಗಾಯ ವೈ ನಮಃ |
ನಮಃ ಪರ್ವತವಾಸಾಯ ಶಿರೋಹರ್ತ್ರೇ ಚ ಮೇ ಪುರಾ ||
ಹಾಲಾಹಲವಿನಾಶಾಯ ಕಪಾಲವರಧಾರಿಣೇ |
ವಿಮಾನವರವಾಹಾಯ ಜನಕಾಯ ಮಮೈವ ಚ |
ವರದಾಯ ವರಿಷ್ಠಾಯ ಶ್ಮಶಾನರತಯೇ ನಮಃ ||
ನಮೋ ನರಸ್ಯ ಕರ್ತ್ರೇ ಚ ಸ್ಥಿತಿಕರ್ತ್ರೇ ನಮಃ ಸದಾ |
ಉತ್ಪತ್ತಿಪ್ರಲಯಾನಾಂ ಚ ಕರ್ತ್ರೇ ಸರ್ವಸಹಾಯ ಚ ||
ಋಷಿದೈವತನಾಥಾಯ ಸರ್ವಭೂತಾಧಿಪಾಯ ಚ |
ಶಿವಃ ಸೌಮ್ಯಶ್ಚ ದೇವೇಶ ಭವ ನೋ ಭಕ್ತವತ್ಸಲ ||
ಸನತ್ಕುಮಾರ ಉವಾಚ |
ಬ್ರಹ್ಮಣ್ಯಥೈವಂ ಸ್ತುವತಿ ದೇವದೇವಃ ಸ ಲೋಕಪಃ |
ಉವಾಚ ತುಷ್ಟಸ್ತಾಂದೇವಾನೃಷೀಂಶ್ಚ ತಪಸೈಧಿತಾನ್ ||
ತುಷ್ಟೋಸ್ಮ್ಯನೇನ ವಃ ಸಮ್ಯಕ್ತಪಸಾ ಋಷಿದೇವತಾಃ |
ವರಂ ಬ್ರೂತ ಪ್ರದಾಸ್ಯಾಮಿ ಸುನಿಶ್ಚಿಂತ್ಯ ಸ ಉಚ್ಯತಾಮ್ ||
ಸನತ್ಕುಮಾರ ಉವಾಚ |
ಅಥ ಸರ್ವಾನಭಿಪ್ರೇಕ್ಷ್ಯ ಸಂತುಷ್ಟಾಂಸ್ತಪಸೈಧಿತಾನ್ |
ದರ್ಶನೇನೈವ ವಿಪ್ರೇಂದ್ರ ಬ್ರಹ್ಮಾ ವಚನಮಬ್ರವೀತ್ ||
ಬ್ರಹ್ಮೋವಾಚ |
ಯದಿ ತುಷ್ಟೋಸಿ ದೇವೇಶ ಯದಿ ದೇಯೋ ವರಶ್ಚ ನಃ |
ತಸ್ಮಾಚ್ಛಿವಶ್ಚ ಸೌಮ್ಯಶ್ಚ ದೃಶ್ಯಶ್ಚೈವ ಭವಸ್ವ ನಃ ||
ಸುಖಸಂವ್ಯವಹಾರ್ಯಶ್ಚ ನಿತ್ಯಂ ತುಷ್ಟಮಸಾಸ್ತಥಾ |
ಸರ್ವಕಾರ್ಯೇಷು ಚ ಸದಾ ಹಿತಃ ಪಥ್ಯಶ್ಚ ಶಂಕರಃ ||
ಸಹ ದೇವ್ಯಾ ಸಸೂನುಶ್ಚ ಸಹ ದೇವಗಣೈರಪಿ |
ಏಷ ನೋ ದೀಯತಾಂ ದೇವ ವರೋ ವರಸಹಸ್ರದ ||
ಸನತ್ಕುಮಾರ ಉವಾಚ |
ಏವಮುಕ್ತಃ ಭಗವಾನ್ಬ್ರಹ್ಮಣಾ ದೇವಸತ್ತಮಃ |
ಸ್ವಕಂ ತೇಜೋ ಮಹದ್ದಿವ್ಯಂ ವ್ಯಸೃಜತ್ಸರ್ವಯೋಗವಿತ್ ||
ಅರ್ಧೇನ ತೇಜಸಃ ಸ್ವಸ್ಯ ಮುಖಾದುಲ್ಕಾಂ ಸಸರ್ಜ ಹ |
ತಾಮಾಹ ಭವ ನಾರೀತಿ ಭಗವಾನ್ವಿಶ್ವರೂಪಧೃಕ್ ||
ಸಾಕಾಶಂ ದ್ಯಾಂ ಚ ಭೂಮಿಂ ಚ ಮಹಿಮ್ನಾ ವ್ಯಾಪ್ಯ ವಿಷ್ಠಿತಾ |
ಉಪತಸ್ಥೇ ಚ ದೇವೇಶಂ ದೀಪ್ಯಮಾನಾ ಯಥಾ ತಡಿತ್ ||
ತಾಮಾಹ ಪ್ರಹಸಂದೇವೋ ದೇವೀಂ ಕಮಲಲೋಚನಾಮ್ |
ಬ್ರಹ್ಮಾಣಂ ದೇವಿ ವರದಮಾರಾಧಯ ಶುಚಿಸ್ಮಿತೇ ||
ಸಾ ತಥೇತಿ ಪ್ರತಿಜ್ಞಾಯ ತಪಸ್ತಪ್ತುಂ ಪ್ರಚಕ್ರಮೇ |
ರುದ್ರಶ್ಚ ತಾನೃಷೀನಾಹ ಶೃಣುಧ್ವಂ ಮಮ ತೋಷಣೇ |
ಫಲಂ ಫಲವತಾಂ ಶ್ರೇಷ್ಠಾ ಯದ್ಬ್ರವೀಮಿ ತಪೋಧನಾಃ ||
ಅಮರಾ ಜರಯಾ ತ್ಯಕ್ತಾ ಅರೋಗಾ ಜನ್ಮವರ್ಜಿತಾಃ |
ಮದ್ಭಕ್ತಾಸ್ತಪಸಾ ಯುಕ್ತಾ ಇಹೈವ ಚ ನಿವತ್ಸ್ಯಥ ||
ಅಯಂ ಚೈವಾಶ್ರಮಃ ಶ್ರೇಷ್ಠಃ ಸ್ವರ್ಣಶೃಶ್ಣ್ಗೋಚಲೋತ್ತಮಃ |
ಪುಣ್ಯಂ ಪವಿತ್ರಂ ಸ್ಥಾನಂ ವೈ ಭವಿಷ್ಯತಿ ನ ಸಂಶಯಃ ||
ಮೈನಾಕೇ ಪರ್ವತೇ ಶ್ರೇಷ್ಠೇ ಸ್ವರ್ಣೋಹಮಭವಂ ಯತಃ |
ಸ್ವರ್ಣಾಕ್ಷೀಂ ಚಾಸೃಜಂ ಚಾಸೃಜಂ ದೇವೀಂ ಸ್ವರ್ಣಾಕ್ಷಂ ತೇನ ತತ್ಸ್ಮೃತಮ್ ||
ಸ್ವರ್ಣಾಕ್ಷೇ ಋಷಯೋ ಯೂಯಂ ಷಟ್ಕುಲೀಯಾಸ್ತಪೋಧನಾಃ |
ನಿವತ್ಸ್ಯಥ ಮಯಾಜ್ಞಪ್ತಾಃ ಸ್ವರ್ಣಾಕ್ಷಂ ವೈ ತತಶ್ಚ ಹ |
ಸಮಂತಾದ್ಯೋಜನಂ ಕ್ಷೇತ್ರಂ ಪವಿತ್ರಂ ತನ್ನ ಸಂಶಯಃ ||
ದೇವಗಂಧರ್ವಚರಿತಮಪ್ಸರೋಗಣಸೇವಿತಮ್ |
ಸಿಂಹೇಭಶರಭಾಕೀರ್ಣ ಶಾರ್ದೂಲರ್ಕ್ಷಮೃಗಾಕುಲಮ್ |
ಅನೇಕವಿಹಗಾಕೀರ್ಣಂ ಲತಾವೃಕ್ಷಕ್ಷುಪಾಕುಲಮ್ ||
ಬ್ರಹ್ಮಚಾರೀ ನಿಯಮವಾಂಜಿತಕ್ರೋಧೋ ಜಿತೇಂದ್ರಿಯಃ |
ಉಪೋಷ್ಯ ತ್ರಿಗುಣಾಂ ರಾತ್ರಿಂ ಚರುಂ ಕೃತ್ವಾ ನಿವೇದ್ಯ ಚ |
ಯತ್ರ ತತ್ರ ಮೃತಃ ಸೋಪಿ ಬ್ರಹ್ಮಲೋಕೇ ನಿವತ್ಸ್ಯತಿ ||
ಯೋಪ್ಯೇವಮೇವ ಕಾಮಾತ್ಮ ಪಶ್ಯೇತ್ತತ್ರ ವೃಷಧ್ವಜಮ್ |
ಗೋಸಹಸ್ರಫಲಂ ಸೋಪಿ ಮತ್ಪ್ರಸಾದಾದವಾಪ್ಸ್ಯತಿ |
ನಿಯಮೇನ ಮೃತಶ್ಚಾತ್ರ ಮಯಾ ಸಹ ಚರಿಷ್ಯತಿ ||
ಯೋಪ್ಯೇವಮೇವ ಕಾಮಾತ್ಮಾ ಪಶ್ಯೇತ್ತತ್ರ ವೃಷಧ್ವಜಮ್ |
ಗೋಸಹಸ್ರಫಲಂ ಸೋಪಿ ಮತ್ಪ್ರಸಾದಾದವಾಪ್ಸ್ಯತಿ |
ನಿಯಮೇನ ಮೃತಶ್ಚಾತ್ರ ಮಯಾ ಸಹ ಚರಿಷ್ಯತಿ ||
ಯಾವತ್ಸ್ಥಾಸ್ಯಂತಿ ಲೋಕಾಶ್ಚ ಮೈನಾಕಶ್ಚಾಪ್ಯಯಂ ಗಿರಿಃ |
ತಾವತ್ಸಹ ಮಯಾ ದೇವಾ ಮತ್ಪ್ರಸಾದಾಚ್ಚರಿಷ್ಯಥ ||
ಏವಂ ಸ ತಾನೃಷೀನುಕ್ತ್ವಾ ದೃಷ್ಟ್ವಾ ಸೌಮ್ಯೇನ ಚಕ್ಷುಷಾ |
ಪಶ್ಯತಾಮೇವ ಸರ್ವೇಷಾಂ ತತ್ರೈವಾಂತರಧೀಯತ ||
ಸನತ್ಕುಮಾರ ಉವಾಚ |
ಯ ಇಮಂ ಶೃಣುಯಾನ್ಮರ್ತ್ಯೋ ದ್ವಿಜಾತೀಂಛ್ರಾವಯೇತ ವಾ |
ಸೋಪಿ ತತ್ಫಲಮಾಸಾದ್ಯ ಚರೇನೃ್ಮತ್ಯುವಿವರ್ಜಿತಃ ||
ಜಯತಿ ಜಲದವಾಹಃ ಸರ್ವಭೂತಾಂತಕಾಲಃ ಶಮದಮನಿಯತಾನಾಂ ಕ್ಲೇಶಹರ್ತಾ ಯತೀನಾಮ್ |
ಜನನಮರಣಹರ್ತಾ ಜೇಷ್ಟತಾಂ ಧಾರ್ಮಿಕಾಣಾಂ ವಿವಿಧಕರಣಯುಕ್ತಃ ಖೇಚರಃ ಪಾದಚಾರೀ ||
ಮದನಪುರವಿದಾರೀ ನೇತ್ರದಂತಾವಪಾತೀ ವಿಗತಭಯವಿಷಾದಃ ಸರ್ವಭೂತಪ್ರಚೇತಾಃ |
ಸತತಮಭಿದಧಾನಶ್ಚೇಕಿತಾನಾತ್ಮಚಿತ್ತಃ ಕರಚರಣಲಲಾಮಃ ಸರ್ವದೃಗ್ದೇವದೇವಃ ||
ಇತಿ ಸ್ಕಂದಪುರಾಣೇ ನವಮೋಧ್ಯಾಯಃ ||
Comments
Post a Comment