ಸ್ಕಂದಪುರಾಣ ಅಧ್ಯಾಯ 6
ಸನತ್ಕುಮಾರ ಉಮಾಚ |
ತತಃ ಸ ಭಗವಾಂದೇವಃ ಕಪರ್ದೀ ನೀಲಲೋಹತಃ |
ಆಜ್ಞಯಾ ಪರಮೇಶಸ್ಯ ಜಗ್ರಾಹ ಬ್ರಹ್ಮಣಃ ಶಿರಃ ||
ತದ್ಗೃಹೀತ್ವಾ ಶಿರೋ ದೀಪ್ತಂ ರೂಪಂ ವಿಕೃತಮಾಸ್ಥಿತಃ |
ಯೋಗಕ್ರೀಡಾಂ ಸಮಾಸ್ಥಾಯ ಭೈಕ್ಷಾಯ ಪ್ರಚಚಾರ ಹ ||
ಸ ದೇವವೇಶ್ಮನಿ ತದಾ ಭಿಕ್ಷಾರ್ಥಮಗಮದ್ದ್ವಿಜಾಃ |
ನ ಚಾಸ್ಯ ಕಶ್ಚಿತ್ತಾಂ ಭಿಕ್ಷಾಮನುರೂಪಾಮದಾದ್ವಿಭೋಃ ||
ಅಭ್ಯಗಾತ್ಸಂಕ್ರಮೇಣೈವ ವೇಶ್ಮ ವಿಷ್ಣೋರ್ಮಹಾತ್ಮನಃ |
ತಸ್ಯಾತಿಷ್ಠತ ಸ ದ್ವಾರಿ ಭಿಕ್ಷಾಮುಚ್ಚಾರಯಂಛುಭಾಮ್ ||
ಸ ದೃಷ್ಟ್ವಾ ತದುಪಸ್ಥಂ ತು ವಿಷ್ಣುರ್ವೈ ಯೋಗಚಕ್ಷುಷಾ |
ಶಿರಾಂ ಲಲಾಟಾತ್ಸಂಭಿದ್ಯ ರಕ್ತಧಾರಾಮಪಾತಯತ್ |
ಪಪಾತ ಸಾ ಚ ವಿಸ್ತೀರ್ಣಾ ಯೋಜನಾರ್ಧಶತಂ ತದಾ ||
ತಯಾ ಪತಂತ್ಯಾ ವಿಪ್ರೇಂದ್ರಾ ಬಹೂನ್ಯಬ್ದಾನಿ ಧಾರಯಾ |
ಪಿತಾಮಹಕಪಾಲಸ್ಯ ನಾರ್ಧಮಪ್ಯಭಿಪೂರಿತಮ್ |
ತಮುವಾಚ ತತೋ ದೇವಃ ಪ್ರಹಸ್ಯ ವಚನಂ ಶುಭಮ್ ||
ಸಕೃತ್ಕನ್ಯಾಃ ಪ್ರದೀಯಂತೇ ಸಕೃದಗ್ನಿಶ್ಚ ಜಾಯತೇ |
ಸಕೃದ್ರಾಜಾನೋ ಬ್ರುವತೇ ಸಕೃದ್ಭಿಕ್ಷಾ ಪ್ರದೀಯತೇ ||
ತುಷ್ಟೋಸ್ಮಿ ತವ ದಾನೇನ ಯುಕ್ತೇನಾನೇನ ಮಾನದ |
ವರಂ ವರಯ ಭದ್ರಂ ತೇ ವರದೋಸ್ಮಿ ತವಾದ್ಯ ವೈ ||
ವಿಷ್ಣುರುವಾಚ |
ಏಷ ಏವ ವರಃ ಶ್ಲಾಘ್ಯೋ ಯದಹಂ ದೇವತಾಧಿಪಮ್ |
ಪಶ್ಯಾಮಿ ಶಂಕರಂ ದೇವಮುಗ್ರಂ ಶರ್ವಂ ಕಪರ್ದಿನಮ್ ||
ದೇವಶ್ಛಾಯಾಂ ತತೋ ವೀಕ್ಷ್ಯ ಕಪಾಲಸ್ಥೇ ತದಾ ರಸೇ |
ಸಸರ್ಜ ಪುರುಷಂ ದೀಪ್ತಂ ವಿಷ್ಣೋಃ ಸದೃಶಮೂರ್ಜಿತಮ್ ||
ತಮಾಹಾಥಾಕ್ಷಯಶ್ಚಾಸಿ ಅಜರಾಮರ ಏವ ಚ |
ಯುದ್ಧೇಷು ಚಾಪ್ರತಿದ್ವಂದ್ವೀ ಸಖಾ ವಿಷ್ಣೋರನುತ್ತಮಃ |
ದೇವಕಾರ್ಯಕರಃ ಶ್ರೀಮಾನ್ಸಹಾನೇನ ಚರಸ್ವ ಚ ||
ನಾರಾಸು ಜನ್ಮ ಯಸ್ಮಾತ್ತೇ ವಿಷ್ಣುದೇಹೋದ್ಭವಾಸು ಚ |
ನರಸ್ತಸ್ಮಾದ್ಧಿ ನಾಮ್ನಾ ತ್ವಂ ಪ್ರಿಯಶ್ಚಾಸ್ಯ ಭವಿಷ್ಯಸಿ ||
ವಾಯುರುವಾಚ |
ತಂ ತದಾಶ್ವಾಸ್ಯ ನಿಕ್ಷಿಪ್ಯ ನರಂ ವಿಷ್ಣೋಃ ಸ್ವಯಂ ಪ್ರಭುಃ |
ಅಗಮದ್ಬ್ರಹ್ಮಸದನಂ ತೌ ಚಾವಿವಿಶತುರ್ಗೃಹಮ್ ||
ಯ ಇದಂ ನರಜನ್ಮೇಹ ಶೃಣುಯಾದ್ವಾ ಪಠೇತ ವಾ |
ಸ ಕೀರ್ತ್ಯಾ ಪರಯಾ ಯುಕ್ತೋ ವಿಷ್ಣುಲೋಕೇ ಮಹೀಯತೇ ||
ಇತಿ ಸ್ಕಂದಪುರಾಣೇ ಷಷ್ಠೋಧ್ಯಾಯಃ ||
ತತಃ ಸ ಭಗವಾಂದೇವಃ ಕಪರ್ದೀ ನೀಲಲೋಹತಃ |
ಆಜ್ಞಯಾ ಪರಮೇಶಸ್ಯ ಜಗ್ರಾಹ ಬ್ರಹ್ಮಣಃ ಶಿರಃ ||
ತದ್ಗೃಹೀತ್ವಾ ಶಿರೋ ದೀಪ್ತಂ ರೂಪಂ ವಿಕೃತಮಾಸ್ಥಿತಃ |
ಯೋಗಕ್ರೀಡಾಂ ಸಮಾಸ್ಥಾಯ ಭೈಕ್ಷಾಯ ಪ್ರಚಚಾರ ಹ ||
ಸ ದೇವವೇಶ್ಮನಿ ತದಾ ಭಿಕ್ಷಾರ್ಥಮಗಮದ್ದ್ವಿಜಾಃ |
ನ ಚಾಸ್ಯ ಕಶ್ಚಿತ್ತಾಂ ಭಿಕ್ಷಾಮನುರೂಪಾಮದಾದ್ವಿಭೋಃ ||
ಅಭ್ಯಗಾತ್ಸಂಕ್ರಮೇಣೈವ ವೇಶ್ಮ ವಿಷ್ಣೋರ್ಮಹಾತ್ಮನಃ |
ತಸ್ಯಾತಿಷ್ಠತ ಸ ದ್ವಾರಿ ಭಿಕ್ಷಾಮುಚ್ಚಾರಯಂಛುಭಾಮ್ ||
ಸ ದೃಷ್ಟ್ವಾ ತದುಪಸ್ಥಂ ತು ವಿಷ್ಣುರ್ವೈ ಯೋಗಚಕ್ಷುಷಾ |
ಶಿರಾಂ ಲಲಾಟಾತ್ಸಂಭಿದ್ಯ ರಕ್ತಧಾರಾಮಪಾತಯತ್ |
ಪಪಾತ ಸಾ ಚ ವಿಸ್ತೀರ್ಣಾ ಯೋಜನಾರ್ಧಶತಂ ತದಾ ||
ತಯಾ ಪತಂತ್ಯಾ ವಿಪ್ರೇಂದ್ರಾ ಬಹೂನ್ಯಬ್ದಾನಿ ಧಾರಯಾ |
ಪಿತಾಮಹಕಪಾಲಸ್ಯ ನಾರ್ಧಮಪ್ಯಭಿಪೂರಿತಮ್ |
ತಮುವಾಚ ತತೋ ದೇವಃ ಪ್ರಹಸ್ಯ ವಚನಂ ಶುಭಮ್ ||
ಸಕೃತ್ಕನ್ಯಾಃ ಪ್ರದೀಯಂತೇ ಸಕೃದಗ್ನಿಶ್ಚ ಜಾಯತೇ |
ಸಕೃದ್ರಾಜಾನೋ ಬ್ರುವತೇ ಸಕೃದ್ಭಿಕ್ಷಾ ಪ್ರದೀಯತೇ ||
ತುಷ್ಟೋಸ್ಮಿ ತವ ದಾನೇನ ಯುಕ್ತೇನಾನೇನ ಮಾನದ |
ವರಂ ವರಯ ಭದ್ರಂ ತೇ ವರದೋಸ್ಮಿ ತವಾದ್ಯ ವೈ ||
ವಿಷ್ಣುರುವಾಚ |
ಏಷ ಏವ ವರಃ ಶ್ಲಾಘ್ಯೋ ಯದಹಂ ದೇವತಾಧಿಪಮ್ |
ಪಶ್ಯಾಮಿ ಶಂಕರಂ ದೇವಮುಗ್ರಂ ಶರ್ವಂ ಕಪರ್ದಿನಮ್ ||
ದೇವಶ್ಛಾಯಾಂ ತತೋ ವೀಕ್ಷ್ಯ ಕಪಾಲಸ್ಥೇ ತದಾ ರಸೇ |
ಸಸರ್ಜ ಪುರುಷಂ ದೀಪ್ತಂ ವಿಷ್ಣೋಃ ಸದೃಶಮೂರ್ಜಿತಮ್ ||
ತಮಾಹಾಥಾಕ್ಷಯಶ್ಚಾಸಿ ಅಜರಾಮರ ಏವ ಚ |
ಯುದ್ಧೇಷು ಚಾಪ್ರತಿದ್ವಂದ್ವೀ ಸಖಾ ವಿಷ್ಣೋರನುತ್ತಮಃ |
ದೇವಕಾರ್ಯಕರಃ ಶ್ರೀಮಾನ್ಸಹಾನೇನ ಚರಸ್ವ ಚ ||
ನಾರಾಸು ಜನ್ಮ ಯಸ್ಮಾತ್ತೇ ವಿಷ್ಣುದೇಹೋದ್ಭವಾಸು ಚ |
ನರಸ್ತಸ್ಮಾದ್ಧಿ ನಾಮ್ನಾ ತ್ವಂ ಪ್ರಿಯಶ್ಚಾಸ್ಯ ಭವಿಷ್ಯಸಿ ||
ವಾಯುರುವಾಚ |
ತಂ ತದಾಶ್ವಾಸ್ಯ ನಿಕ್ಷಿಪ್ಯ ನರಂ ವಿಷ್ಣೋಃ ಸ್ವಯಂ ಪ್ರಭುಃ |
ಅಗಮದ್ಬ್ರಹ್ಮಸದನಂ ತೌ ಚಾವಿವಿಶತುರ್ಗೃಹಮ್ ||
ಯ ಇದಂ ನರಜನ್ಮೇಹ ಶೃಣುಯಾದ್ವಾ ಪಠೇತ ವಾ |
ಸ ಕೀರ್ತ್ಯಾ ಪರಯಾ ಯುಕ್ತೋ ವಿಷ್ಣುಲೋಕೇ ಮಹೀಯತೇ ||
ಇತಿ ಸ್ಕಂದಪುರಾಣೇ ಷಷ್ಠೋಧ್ಯಾಯಃ ||
Comments
Post a Comment