ಶ್ರೀಅಘನಾಶಕ ಗಾಯತ್ರೀ ಸ್ತೋತ್ರಂ

#ಗಾಯತ್ರೀ_ಪ್ರತಿಪತ್ #ಶುಭಾಶಯಗಳು

॥ ಅಘನಾಶಕಗಾಯತ್ರೀಸ್ತೋತ್ರ ॥ ಆದಿಶಕ್ತೇ ಜಗನ್ಮಾತರ್ಭಕ್ತಾನುಗ್ರಹಕಾರಿಣಿ । ಸರ್ವತ್ರ ವ್ಯಾಪಿಕೇಽನಂತೇ ಶ್ರೀಸಂಧ್ಯೇ ತೇ ನಮೋಽಸ್ತು ತೇ ॥ ತ್ವಮೇವ ಸಂಧ್ಯಾ ಗಾಯತ್ರೀ ಸಾವಿತ್ರಿ ಚ ಸರಸ್ವತೀ । ಬ್ರಾಹ್ಮೀ ಚ ವೈಷ್ಣವೀ ರೌದ್ರೀ ರಕ್ತಾ ಶ್ವೇತಾ ಸಿತೇತರಾ ॥ ಪ್ರಾತರ್ಬಾಲಾ ಚ ಮಧ್ಯಾಹ್ನೇ ಯೌವನಸ್ಥಾ ಭವೇತ್ಪುನಃ । ವೃದ್ಧಾ ಸಾಯಂ ಭಗವತೀ ಚಿಂತ್ಯತೇ ಮುನಿಭಿಃ ಸದಾ ॥ ಹಂಸಸ್ಥಾ ಗರುಡಾರೂಢಾ ತಥಾ ವೃಷಭವಾಹಿನೀ । ಋಗ್ವೇದಾಧ್ಯಾಯಿನೀ ಭೂಮೌ ದೃಶ್ಯತೇ ಯಾ ತಪಸ್ವಿಭಿಃ ॥ ಯಜುರ್ವೇದಂ ಪಠಂತೀ ಚ ಅಂತರಿಕ್ಷೇ ವಿರಾಜತೇ । ಸಾ ಸಾಮಗಾಪಿ ಸರ್ವೇಷು ಭ್ರಾಮ್ಯಮಾಣಾ ತಥಾ ಭುವಿ ॥ ರುದ್ರಲೋಕಂ ಗತಾ ತ್ವಂ ಹಿ ವಿಷ್ಣುಲೋಕನಿವಾಸಿನೀ । ತ್ವಮೇವ ಬ್ರಹ್ಮಣೋ ಲೋಕೇಽಮರ್ತ್ಯಾನುಗ್ರಹಕಾರಿಣೀ ॥ ಸಪ್ತರ್ಷಿಪ್ರೀತಿಜನನೀ ಮಾಯಾ ಬಹುವರಪ್ರದಾ । ಶಿವಯೋಃ ಕರನೇತ್ರೋತ್ಥಾ ಹ್ಯಶ್ರುಸ್ವೇದಸಮುದ್ಭವಾ ॥ ಆನಂದಜನನೀ ದುರ್ಗಾ ದಶಧಾ ಪರಿಪಠ್ಯತೇ । ವರೇಣ್ಯಾ ವರದಾ ಚೈವ ವರಿಷ್ಠಾ ವರರ್ವ್ಣಿನೀ ॥ ಗರಿಷ್ಠಾ ಚ ವರಾಹೀ ಚ ವರಾರೋಹಾ ಚ ಸಪ್ತಮೀ । ನೀಲಗಂಗಾ ತಥಾ ಸಂಧ್ಯಾ ಸರ್ವದಾ ಭೋಗಮೋಕ್ಷದಾ ॥ ಭಾಗೀರಥೀ ಮರ್ತ್ಯಲೋಕೇ ಪಾತಾಲೇ ಭೋಗವತ್ಯಪಿ ॥ ತ್ರಿಲೋಕವಾಹಿನೀ ದೇವೀ ಸ್ಥಾನತ್ರಯನಿವಾಸಿನೀ ॥ ಭೂರ್ಲೋಕಸ್ಥಾ ತ್ವಮೇವಾಸಿ ಧರಿತ್ರೀ ಶೋಕಧಾರಿಣೀ । ಭುವೋ ಲೋಕೇ ವಾಯುಶಕ್ತಿಃ ಸ್ವರ್ಲೋಕೇ ತೇಜಸಾಂ ನಿಧಿಃ ॥ ಮಹರ್ಲೋಕೇ ಮಹಾಸಿದ್ಧಿರ್ಜನಲೋಕೇ ಜನೇತ್ಯಪಿ । ತಪಸ್ವಿನೀ ತಪೋಲೋಕೇ ಸತ್ಯಲೋಕೇ ತು ಸತ್ಯವಾಕ್ ॥ ಕಮಲಾ ವಿಷ್ಣುಲೋಕೇ ಚ ಗಾಯತ್ರೀ ಬ್ರಹ್ಮಲೋಕಗಾ । ರುದ್ರಲೋಕೇ ಸ್ಥಿತಾ ಗೌರೀ ಹರಾರ್ಧಾಂಗೀನಿವಾಸಿನೀ ॥ ಅಹಮೋ ಮಹತಶ್ಚೈವ ಪ್ರಕೃತಿಸ್ತ್ವಂ ಹಿ ಗೀಯಸೇ । ಸಾಮ್ಯಾವಸ್ಥಾತ್ಮಿಕಾ ತ್ವಂ ಹಿ ಶಬಲಬ್ರಹ್ಮರೂಪಿಣೀ ॥ ತತಃ ಪರಾಪರಾ ಶಕ್ತಿಃ ಪರಮಾ ತ್ವಂ ಹಿ ಗೀಯಸೇ । ಇಚ್ಛಾಶಕ್ತಿಃ ಕ್ರಿಯಾಶಕ್ತಿರ್ಜ್ಞಾನಶಕ್ತಿಸ್ತ್ರಿಶಕ್ತಿದಾ ॥ ಗಂಗಾ ಚ ಯಮುನಾ ಚೈವ ವಿಪಾಶಾ ಚ ಸರಸ್ವತೀ । ಸರಯೂರ್ದೇವಿಕಾ ಸಿಂಧುರ್ನರ್ಮದೇರಾವತೀ ತಥಾ ॥ ಗೋದಾವರೀ ಶತದ್ರುಶ್ಚ ಕಾವೇರೀ ದೇವಲೋಕಗಾ । ಕೌಶಿಕೀ ಚಂದ್ರಭಾಗಾ ಚ ವಿತಸ್ತಾ ಚ ಸರಸ್ವತೀ ॥ ಗಂಡಕೀ ತಾಪಿನೀ ತೋಯಾ ಗೋಮತೀ ವೇತ್ರವತ್ಯಪಿ । ಇಡಾ ಚ ಪಿಂಗಲಾ ಚೈವ ಸುಷುಮ್ಣಾ ಚ ತೃತೀಯಕಾ ॥ ಗಾಂಧಾರೀ ಹಸ್ತಿಜಿಹ್ವಾ ಚ ಪೂಷಾಪೂಷಾ ತಥೈವ ಚ । ಅಲಂಬುಷಾ ಕುಹೂಶ್ಚೈವ ಶಂಖಿನೀ ಪ್ರಾಣವಾಹಿನೀ ॥ ನಾಡೀ ಚ ತ್ವಂ ಶರೀರಸ್ಥಾ ಗೀಯಸೇ ಪ್ರಾಕ್ತನೈರ್ಬುಧೈಃ । ಹೃತಪದ್ಮಸ್ಥಾ ಪ್ರಾಣಶಕ್ತಿಃ ಕಂಠಸ್ಥಾ ಸ್ವಪ್ನನಾಯಿಕಾ ॥ ತಾಲುಸ್ಥಾ ತ್ವಂ ಸದಾಧಾರಾ ಬಿಂದುಸ್ಥಾ ಬಿಂದುಮಾಲಿನೀ । ಮೂಲೇ ತು ಕುಂಡಲೀ ಶಕ್ತಿರ್ವ್ಯಾಪಿನೀ ಕೇಶಮೂಲಗಾ ॥ ಶಿಖಾಮಧ್ಯಾಸನಾ ತ್ವಂ ಹಿ ಶಿಖಾಗ್ರೇ ತು ಮನೋನ್ಮನೀ । ಕಿಮನ್ಯದ್ ಬಹುನೋಕ್ತೇನ ಯತ್ಕಿಂಚಿಜ್ಜಗತೀತ್ರಯೇ ॥ ತತ್ಸರ್ವಂ ತ್ವಂ ಮಹಾದೇವಿ ಶ್ರಿಯೇ ಸಂಧ್ಯೇ ನಮೋಽಸ್ತು ತೇ । ಇತೀದಂ ಕೀರ್ತಿತಂ ಸ್ತೋತ್ರಂ ಸಂಧ್ಯಾಯಾಂ ಬಹುಪುಣ್ಯದಮ್ ॥ ಮಹಾಪಾಪಪ್ರಶಮನಂ ಮಹಾಸಿದ್ಧಿವಿಧಾಯಕಮ್ । ಯ ಇದಂ ಕೀರ್ತಯೇತ್ ಸ್ತೋತ್ರಂ ಸಂಧ್ಯಾಕಾಲೇ ಸಮಾಹಿತಃ ॥ ಅಪುತ್ರಃ ಪ್ರಾಪ್ನುಯಾತ್ ಪುತ್ರಂ ಧನಾರ್ಥೀ ಧನಮಾಪ್ನುಯಾತ್ । ಸರ್ವತೀರ್ಥತಪೋದಾನಯಜ್ಞಯೋಗಫಲಂ ಲಭೇತ್ ॥ ಭೋಗಾನ್ ಭುಕ್ತ್ವಾ ಚಿರಂ ಕಾಲಮಂತೇ ಮೋಕ್ಷಮವಾಪ್ನುಯಾತ್ । ತಪಸ್ವಿಭಿಃ ಕೃತಂ ಸ್ತೋತ್ರಂ ಸ್ನಾನಕಾಲೇ ತು ಯಃ ಪಠೇತ್ ॥ ಯತ್ರ ಕುತ್ರ ಜಲೇ ಮಗ್ನಃ ಸಂಧ್ಯಾಮಜ್ಜನಜಂ ಫಲಮ್ । ಲಭತೇ ನಾತ್ರ ಸಂದೇಹಃ ಸತ್ಯಂ ಚ ನಾರದ ॥ ಶ್ರೃಣುಯಾದ್ಯೋಽಪಿ ತದ್ಭಕ್ತ್ಯಾ ಸ ತು ಪಾಪಾತ್ ಪ್ರಮುಚ್ಯತೇ । ಪೀಯೂಷಸದೃಶಂ ವಾಕ್ಯಂ ಸಂಧ್ಯೋಕ್ತಂ ನಾರದೇರಿತಮ್ ॥ ॥ ಇತಿ ಶ್ರೀಅಘನಾಶಕ ಗಾಯತ್ರೀ ಸ್ತೋತ್ರಂ ಸಂಪೂರ್ಣಮ್ ॥