ನದೀ ತಾರತಮ್ಯ ಸ್ತೋತ್ರಮ್ - ಶ್ರೀ ರಾಘವೇಂದ್ರಯತಿಕೃತ

ವಿಷ್ಣುಪಾದಾಬ್ಜ ಸಂಭೂತಾ ಗಂಗಾ ಸರ್ವಾಧಿಕಾ ಮತಾ |
ತತೋ ಗೋದಾವರೀ ನ್ಯೂನಾ ಕೃಷ್ಣವೇಣೀ ತತೋsಧಮಾ || 1 ||

ಸ್ವಾಮಿ ಚಂದ್ರಾ ಪುಷ್ಕರಿಣ್ಯೌ ಮಾನಸಂ ಚ ಸರೋವರಂ |
ಕೃಷ್ಣವೇಣ್ಯಾ ಸಮಸ್ತಾಭ್ಯ ಕಾವೇರೀ ಚ ಸರಸ್ವತೀ || 2 ||

ಹಿನೇsನ್ಯೋನ್ಯಸಮೇ ತಾಭ್ಯಾಮೂನಾ ಚ ಸರಯೂ ತಥಾ |
ತುಂಗಭದ್ರಾ ಸಮಾ ತಸ್ಯಾಃ ಕಾಲಿಂದ್ಯೂನಾ ತತೋsಧಮೇ || 3 ||

ನರ್ಮದಾಸಿಂಧುಸರಿತೌ ತತ್ಸಮಾ ಭವನಾಶಿನೀ |
ತತಃ ಕುಮುದ್ವತೀನೀಚಾ ತತೋ ನೀಚಾ ಮಲಾಪಹಾ || 4 ||

ತಾಮ್ರಪರ್ಣೀ ಭೀಮರಥೀ ವಂಜುಲಾ ಚ ಪಿನಾಕಿನೀ |
ಪೃಥಕ್ ಸಾಗರಗಾಮಿನ್ಯೋ ನದ್ಯೋ ಭೀಮರಥೀಸಮಾಃ || 5 ||

ತತೋsನ್ಯಾಃ ಸರಿತೋ ನೀಚಾಸ್ತಟಾಕಾಶ್ಚ ತತೋsಧಮಾಃ |
ತತೋ ನೀಚಾಃ ಪುಷ್ಕರೀಣ್ಯೋ ದೇವಖಾತಾಶ್ಚ ತತ್ಸಮಾಃ || 6 ||

ತತೋ ವಾಪ್ಯೋsಧಮಾಸ್ತಾಭ್ಯಃ ಕೂಪಾಃ ಸವಾಧಮಾ ಮತಾಃ|
ಸ್ವೋತ್ತಮಾರ್ಘ್ಯಂ ಪ್ರದಾತವ್ಯಂ ಅವರಾಸು ನ ಚಾನ್ಯಥಾ || 7 ||

ರಾಘವೇಂದ್ರೇಣ ಯತಿನಾ ಬ್ರಹ್ಮಾಂಡಾಖ್ಯಂ ಪುರಾಣಗಃ |
ಇತ್ಯಧ್ವ್ರತಃ ಸಾರಭಾಗೋ ನದೀ ನೀಚೋಚ್ಚ ಸೂಚಕಃ || 8 ||
|| ಇತಿ ಶ್ರೀ ರಾಘವೇಂದ್ರಯತಿಕೃತ ನದೀತಾರತಮ್ಯಸ್ತೋತ್ರಂ ||